Hurricane Otis ꓟꓲꓽ ꓦꓲ ꓕꓳꓽ ꓥꓳꓽ ꓑꓶꓸ ꓓꓴ ꓫꓸ ꓙꓵꓻ ꓡꓰ ꓢꓴ ꓐꓴ ꓔꓯ ꓬꓰ ꓙ ꓠꓹ ꓟ ꓐꓱ ꓶ Acapulco ꓔꓲꓺ ꓒ ꓓꓽ ꓡꓰ ꓙꓵꓻ ꓢꓴ ꓐꓴ ꓔꓯ ꓓꓰꓽ ꓔ ꓡꓳ

Mexico ꓗꓴꓷꓼ꓾ Acapulco ꓔꓲꓺ ꓒ ꓓꓽ꓾ Leopoldo Gonzalez Gonzalez ꓠꓬ Mexico ꓗꓴꓷꓼ ꓗꓪ Hurricane ꓟꓲꓽ ꓦꓲ ꓕꓳꓽ ꓥꓳꓽ ꓑꓶꓸ ꓓꓴ ꓫꓸ ꓙꓵꓻ ꓡꓰ ꓢꓴ ꓐꓴ ꓔꓯ ꓬꓰ ꓙ ꓠꓹ ꓟ ꓐꓱ ꓶ ꓦ ꓡꓱ ꓐꓳ ꓢꓴ ꓐꓴ ꓔꓯ ꓓꓰꓽ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ=

10 ꓦ 25 ꓠꓬꓲ ꓠꓯꓼ ꓙꓵꓹ ꓕꓯ Hurricane Otis ꓟꓲꓽ ꓦꓲ ꓕꓳꓽ ꓥꓳꓽ ꓠꓬ Acapulco ꓡꓳ ꓒꓱ ꓗꓪ ꓙꓱꓼ ꓡ ꓗꓷ ꓢꓲ Guerrero ꓗꓴꓷꓼ ꓫꓴ ꓗꓪ ꓙꓱꓼ ꓗꓳꓸ ꓙꓰ ꓗꓷ ꓢꓲ ꓠꓬꓲ ꓦꓲꓻ ꓮ ꓟꓬꓹ ꓐꓬ ꓡꓰ ꓗꓷ ꓟ ꓥ ꓡꓳ=

ꓢꓲ ꓒ ꓦꓬꓼ ꓠꓬꓲ (ꓠꓽ ꓦꓬꓼ ꓠꓬꓲ) ꓕꓯ TV Azteca ꓡꓰ ꓐꓯ ꓑꓶ ꓔ ꓟ ꓗꓪ ꓠꓬ ꓟꓲꓽ ꓦꓲ ꓕꓳꓽ ꓥꓳꓽ ꓕꓱ ꓟ ꓑꓶꓸ ꓓꓴ ꓫꓵꓻ ꓢꓴ ꓠꓬ 43 ꓣꓳ ꓗꓪ ꓛꓲꓺ ꓙꓳ ꓡ ꓢꓲ꓾ 36 ꓣꓳ ꓒꓲꓼ ꓓꓹ ꓡꓳ꓾ ꓐꓰ ꓐꓯ ꓔ ꓡꓳ=

ꓧꓳꓔꓰꓡ ꓮ ꓟꓬꓹ ꓡꓰꓽ ꓟꓽ ꓞꓲꓺ ꓾ ꓞꓳ ꓦꓲꓻ 10ꓹ500 ꓢꓶꓽ ꓛꓲ ꓐꓬ ꓡꓰꓳ꓾ ꓐꓰ ꓚꓬꓹ ꓪ ꓟ ꓥ ꓢꓲ꓾ Acapulco ꓗꓪ ꓙꓳˍ ꓟ ꓙꓼ ꓧꓪꓽ ꓞꓶꓻ ꓪꓴꓽ ꓔꓶꓸ 70 ꓟ ꓙꓳˍ ꓟ ꓘꓴꓽ ꓗꓪ ꓪꓴꓽ ꓔꓶꓸ 8 ꓟˍ ꓡꓰꓽ ꓤꓰꓻ ꓞꓹ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=