Ian Hurricane ꓟꓶꓽ ꓦꓲ ꓕꓳꓽ ꓥꓳꓽ ꓑꓶ ꓓꓴ ꓡ ꓞꓳ 50 ꓣꓳ ꓛꓲ ꓫꓵꓻ ꓡꓰ ꓟ ꓓꓳꓽ

• Ian Hurricane ꓟꓶꓽ ꓦꓲ ꓕꓳꓽ ꓥꓳꓽ ꓑꓶ ꓓꓴ ꓡ ꓞꓳ 50 ꓣꓳ ꓛꓲ ꓫꓵꓻ ꓡꓰ ꓟ ꓓꓳꓽ

America ꓗꓴꓷꓼ ꓫꓴꓺ ꓘꓴꓽ ꓗꓪ ꓙꓱꓼ ꓡ ꓟ ꓟꓶꓽ ꓦꓲ ꓕꓳꓽ ꓥꓳꓽ ꓗꓪ ꓐꓰ ꓢꓯꓼ ꓮ ꓘꓶꓸ ꓙꓳ_ ꓟ ꓟꓶꓽ ꓦꓲ ꓕꓳꓽ ꓥꓳꓽ ꓕꓲ ꓟ ꓥ ꓟ Ian Hurricane ꓑꓶ ꓓꓴ ꓠꓽ ꓫꓵꓽ ꓠꓬꓲ ꓕꓯ ꓫꓵꓻ ꓢꓴ 50 ꓣꓳ ꓛꓲ ꓙꓳ ꓡꓰ ꓟ ꓥꓳ=

 ꓟꓶꓽ ꓦꓲ ꓕꓳꓽ ꓥꓳꓽ ꓮ ꓘꓶꓸ ꓙꓱꓼ ꓟꓶ_ ꓟ Florida ꓕꓲ ꓛꓱ ꓗꓪ ꓟ ꓞꓳ ꓘꓹ ꓘꓴꓽ ꓑ ꓫꓬ ꓐꓴ ꓔꓯ ꓬꓰ ꓙ ꓢꓴ ꓐꓴ ꓡꓰ ꓧꓪ ꓔꓬ ꓢꓰ ꓟ ꓥꓳ= ꓕꓲ ꓣꓳ ꓡꓰ ꓟꓽ ꓟꓶꓽ ꓡꓰ ꓠꓹ ꓟ ꓐꓱ ꓶ ꓕꓲ ꓦꓲꓻ ꓐꓰ ꓕꓲ ꓦꓲꓻ ꓧꓪ ꓔꓬ ꓟ ꓥꓳ ꓐꓰ ꓗꓴꓷꓼ ꓫꓴꓻ ꓗꓪ ꓐꓰ Agency ꓙꓵꓽ ꓪꓴ ꓢꓴ Deanne Criswell ꓡꓰ ꓐꓯ_ ꓡꓳ=

Florida ꓗꓴꓷꓼ ꓫꓴꓺ ꓐꓶ ꓓꓵꓽ ꓖꓴ ꓟꓶꓸ ꓕꓲ ꓛꓱ ꓗꓪ ꓡꓳꓹ ꓬꓰ ꓟ ꓠꓽ ꓢ ꓠꓬꓲ ꓕꓯ ꓟꓶꓽ ꓦꓲ ꓕꓳ ꓥꓳꓽ ꓙꓱꓼ ꓡ ꓟ ꓥꓳ= ꓟꓶꓽ ꓦꓲ ꓑꓶ ꓓꓴ ꓮ ꓟꓬꓹ ꓐꓬ ꓡꓰ ꓟ Puerto Rico ꓗꓪ ꓠꓽ ꓕꓲ ꓠꓬꓲ ꓕꓯ ꓗꓴꓷꓼ ꓙꓵꓽ ꓢꓲꓽ ꓒꓽ Joe Biden ꓙꓰ ꓠꓹ ꓟ ꓙ ꓖꓶ ꓔ ꓢꓲ Florida ꓗꓪ ꓠꓬ ꓠꓽ ꓢ ꓠꓬꓲ ꓕꓯ ꓙꓰ ꓓꓴ ꓥꓳ ꓐꓰ ꓢꓷꓸ ꓪ ꓡꓳ=