India ꓗꓴꓷꓼ ꓗꓪ ꓞ.. ꓢꓯꓼ ꓑꓶ. ꓓꓴ ꓑ ꓫꓬ 100 ꓦ ꓣꓳ ꓟ: ꓞꓲ ꓫꓵꓻ ꓡꓰ ꓟ ꓓꓳ:

Tuesday, June 20, 2023

India ꓗꓴꓷꓼ ꓗꓪ ꓞ.. ꓢꓯꓼ ꓑꓶ. ꓓꓴ ꓑ ꓫꓬ 100 ꓦ ꓣꓳ ꓟ: ꓞꓲ ꓫꓵꓻ ꓡꓰ ꓟ ꓓꓳ: ꓡꓳꓹ ꓬꓰ ꓟ 2023 ꓘꓳꓼ 6 ꓦ ꓟ 18 ꓠꓬꓲ ꓕꓯ India ꓗꓴꓷꓼ ꓗꓪ ꓞ.. ꓢꓯꓼ ꓑꓶ. ꓓꓴ ꓑ ꓫꓬ 98 ꓣꓳ ꓟ: ꓞꓲ ꓫꓵꓻ ꓡꓰꓳ ꓐꓰ ꓢꓷ. ꓪ ꓡꓳ= India ꓗꓴꓷꓼ ꓗꓪ ꓠꓬ ꓞꓳ ꓤ ꓮ ꓘꓶ. ꓔꓬ ꓟ ꓗꓴꓷꓼ ꓕꓲ ꓗꓴꓷꓼ ꓥ ꓡꓳ ꓐꓰ ꓢꓷ. ꓪ ꓡꓳ=

ꓮ ꓟꓶ India ꓗꓴꓷꓼ ꓗꓪ ꓕꓲ ꓠꓬꓲ ꓡꓲ ꓕꓲ ꓠꓬꓲ ꓮ ꓘꓶ. ꓞ.. ꓡ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓟ: ꓞꓲ ꓞꓲꓼ ꓟꓳ ꓡꓰ ꓢꓴ ꓐꓴ ꓬꓲ ꓐ ꓗꓪ ꓟ: ꓓꓳ.. ꓦꓲꓻ ꓘꓴ: ꓗꓪ ꓔꓬ ꓠꓹ ꓟ ꓙꓵ: ꓪ ꓙꓳ ꓢꓴ ꓐꓴ ꓡꓰ ꓐꓯ ꓩꓴ ꓡ ꓡꓳ ꓐꓰ ꓢꓷ. ꓪ ꓡꓳ=

ꓖꓳ ꓟ ꓡꓰ ꓐꓰ ꓟ: ꓞꓲ India ꓗꓴꓷꓼ ꓑ ꓫꓬ ꓠꓯꓺ ꓞꓲꓼ ꓦꓲꓻ ꓗꓪ ꓠꓻ ꓫꓬꓹ ꓡ ꓢꓴ ꓮ ꓟꓬꓹ ꓟꓬ ꓡ ꓔꓬ ꓡꓳ ꓐꓰ ꓠꓯꓺ ꓞꓲꓼ ꓟꓬꓱ: ꓣꓱ: ꓜꓴ ꓐꓴ ꓡꓰ ꓐꓯ ꓩꓴ ꓡ ꓡꓳ ꓐꓰ ꓢꓷ. ꓪ ꓡꓳ= ꓠꓻ ꓫꓬꓹ ꓡ ꓢꓴ 300 ꓣꓳ ꓠꓯꓹꓼ ꓗꓪ 60 ꓘꓳꓼ ꓛꓲ ꓡꓳꓼ ꓟ ꓞꓳ ꓟꓳ ꓐꓴ ꓮ ꓟꓬꓹ ꓐ ꓔꓬ ꓟ ꓥ ꓢꓲ꓾ ꓢꓯꓼ ꓦ ꓟ: ꓓ ꓢꓲ꓾ ꓫꓵꓻ ꓡꓰ ꓢꓴ ꓮ ꓟꓬꓹ ꓔꓬ ꓡꓳ ꓐꓰ ꓢꓷ. ꓪ ꓡꓳ=