India ꓗꓴꓷꓼ Kolkata ꓗꓪ ꓙꓳˍ ꓟ St. Patricks ꓪꓽ ꓘꓴ ꓦꓲꓸꓹ ꓠꓬꓲ ꓦ ꓘꓳꓼ ꓐꓲ ꓟ ꓑꓮꓲ ꓬꓰ ꓟ ꓓꓳꓽ

India ꓗꓴꓷꓼ Kolkata ꓗꓪ ꓙꓳˍ ꓟ St. Patricks  ꓪꓽ ꓘꓴ ꓦꓲꓸꓹ ꓠꓬꓲ ꓦ ꓘꓳꓼ ꓐꓲ ꓟ ꓑꓮꓲ ꓬꓰ ꓟ ꓓꓳꓽ
Kolkata ꓗꓪ ꓙꓳˍ ꓟ St. Patricks ꓪꓽ ꓘꓴ ꓦꓲꓸꓹ ꓕꓲ ꓦ ꓘꓳꓼ ꓐꓲ_ ꓟ ꓑꓮꓲ ꓔꓯ 2 ꓦ ꓟ 5 ꓠꓬꓲ 2023 ꓘꓳꓼ ꓕꓯ ꓓꓴꓟ ꓓꓴꓟ ꓗꓪ ꓬꓰ ꓗꓷ ꓐꓰ ꓢꓷꓸ ꓪ ꓡꓳ= ꓔꓲꓺ ꓒ ꓓꓽ Leopoido Girelli Apostolic Nuncio ꓐꓰ India ꓗꓴꓷꓼ ꓙꓵ ꓢꓴ Leopoldo Girelli ꓐꓴ ꓡꓰ ꓕꓱ ꓑꓮꓲ ꓔꓯ ꓪꓴꓸ ꓔꓴ ꓗꓷ ꓐꓰ ꓢꓷꓸ ꓪ ꓡꓳ=ꓔꓲꓺ ꓒ ꓓꓽ Girelli ꓠꓬ Kolkata ꓔꓲꓺ ꓒ ꓓꓽ Thomas D Souza ꓐꓰ Baruipur diocese ꓗꓪ ꓟ ꓔꓲꓺ ꓒ ꓓꓽ Shyamal Bose ꓐꓰ ꓔꓲꓺ ꓒ ꓐꓴ 25 ꓣꓳ ꓜꓲꓼ ꓛꓲ ꓡ ꓡꓳ ꓐꓰ ꓢꓷꓸ ꓪ ꓡꓳ=

ꓔꓲꓺ ꓒ ꓪ ꓔꓲꓸꓸ Francis ꓡꓰ St. Patricks ꓪꓽ ꓘꓴ ꓦꓲꓸꓹ ꓠꓬꓲ ꓦ ꓘꓳꓼ ꓐꓲ_ ꓟ ꓑꓮꓲ ꓗꓪ ꓕꓱ ꓪꓽ ꓘꓴ ꓦꓲꓸꓹ ꓐꓱ ꓶ ꓬꓲ ꓡꓰ ꓶ ꓥꓳ ꓙꓱ ꓖꓶ ꓘꓶꓽ ꓡꓯ ꓫꓴꓺ ꓦ ꓩꓴ ꓡ ꓡꓳ ꓐꓰ ꓢꓷꓸ ꓪ ꓡꓳ= ꓔꓲꓺ ꓒ ꓓꓽ Thomas D Souza ꓠꓬ ꓪꓴ-ꓢ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓠꓲꓹ ꓡꓱ ꓡꓱ ꓐꓰ ꓢꓯꓼ ꓕꓵꓼ ꓠꓹ ꓟ꓾ ꓙꓵꓻ ꓠꓲꓹ ꓕꓶ ꓕꓶ ꓡꓰ ꓙꓵꓻ ꓠꓹ ꓟ꓾ ꓪꓽ ꓘꓴ ꓕꓲ ꓒꓳꓹ ꓗꓪ ꓢꓯꓼ ꓕꓵꓼ ꓠꓹ ꓟ ꓐꓱ ꓶ ꓢꓯꓼ ꓖꓶ ꓗꓷꓳ=

Portugal ꓞꓳ ꓫꓵꓽ ꓐꓴ ꓠꓬ Bandel Minor Basilica ꓔꓯ1599 ꓘꓳꓼ ꓕꓯ ꓫꓬꓹ ꓓꓳ ꓡꓰ ꓟ ꓥ ꓢꓲ꓾ West Bengal ꓗꓪ ꓓꓽ ꓪꓴꓸ ꓪꓽ ꓘꓴ ꓦꓲꓸꓹ ꓥ ꓡꓳ ꓐꓰ ꓬꓲ ꓡꓰ ꓐꓯ ꓡꓳ=