Indonesia ꓗꓴꓷꓼ ꓗꓪ ꓑꓲ, ꓡꓴ. ꓡꓳ ꓖꓪ ꓔꓶ. ꓗꓪ ꓓꓶꓽ ꓡꓯꓼ ꓘꓳˍ ꓟ ꓪꓴ. ꓠꓬꓲ ꓑ ꓫꓬ 174 ꓣꓳ ꓫꓵꓻ ꓡꓰ ꓟ ꓓꓳꓽ

Indonesia ꓗꓴꓷꓼ ꓗꓪ ꓑꓲ, ꓡꓴ. ꓡꓳ ꓖꓪ ꓔꓶ. ꓗꓪ ꓓꓶꓽ ꓡꓯꓼ ꓘꓳˍ ꓟ ꓪꓴ. ꓠꓬꓲ ꓑ ꓫꓬ 174 ꓣꓳ ꓫꓵꓻ ꓡꓰ ꓟ ꓓꓳꓽ

10 ꓦ ꓟ 2 ꓠꓬꓲ 2022 ꓘꓳꓼ ꓕꓯ Indonesia ꓗꓴꓷꓼ ꓙ‐ꓗ‐ꓔ ꓡꓳ ꓒꓱ ꓗꓪ ꓑꓲ, ꓡꓴ. ꓡꓳ ꓖꓪ ꓔꓶ. ꓗꓪ ꓓꓶꓽ ꓡꓯꓼ ꓘꓳ ꓗꓷ ꓟ ꓪꓴ. ꓠꓬꓲ ꓟꓲ ꓠꓯ ꓕꓯ ꓢꓲ ꓗꓪ ꓮ ꓟꓬ, ꓡꓳ. ꓟꓽ ꓐꓲˍ ꓟ ꓑꓲ, ꓡꓴ. ꓡꓳ ꓖꓪ ꓑꓮꓲ ꓒꓬꓱꓼ ꓬꓰꓳ ꓐꓰ ꓢꓷ. ꓪ ꓡꓳ꓿ ꓕꓱ ꓑꓲ, ꓡꓴ. ꓡꓳ ꓖꓪ ꓔꓶ. ꓗꓪ ꓑ ꓫꓬ ꓐꓴ ꓕꓲ ꓣꓳ ꓛꓳꓽ ꓕꓲ ꓣꓳ ꓓꓶꓽ ꓡꓯ ꓘꓳ ꓟ ꓪꓴ. ꓠꓬꓲ ꓑ ꓫꓬ 174 ꓣꓳ ꓫꓵꓻ ꓡꓰ ꓢꓲ ꓠꓬꓲ ꓠꓻ ꓓꓴ ꓡꓰ ꓢꓴ ꓑ ꓫꓬ 180 ꓣꓳ ꓙꓳ ꓡꓳ ꓐꓰ ꓐꓯ ꓔ ꓡꓳ꓿

ꓑꓲ, ꓡꓴ. ꓡꓳ ꓖꓪ ꓔꓶ. ꓗꓪ ꓠꓬ ꓑ ꓫꓬ 38000 ꓣꓳ ꓓꓰꓽ_ ꓟ ꓔꓶ. ꓥ ꓡꓳ꓿ ꓝꓮꓲ Indonesia ꓗꓴꓷꓼ ꓘꓴꓽ ꓗꓪ ꓑꓲ, ꓡꓴ. ꓡꓳ ꓖꓪ ꓢꓴ ꓜꓴꓻ ꓥ ꓟ JAVA AREMA FC ZUꓻ ꓐꓰ ꓑꓰꓣꓢꓰꓐꓮꓬꓮ ꓢꓴꓣꓮꓐꓮꓬꓮ  ꓜꓴꓻ ꓑꓲ, ꓡꓯ ꓘꓳ ꓕꓯ ꓢꓯꓼ ꓖꓶ ꓢꓴ ꓑ ꓫꓬ ꓐꓴ ꓠꓲ, ꓘꓪꓽ ꓟꓽ ꓫꓵ ꓢꓲ ꓠꓬꓲ ꓓꓶꓽ ꓡꓯ ꓘꓳ ꓗꓷ ꓟ ꓥ ꓡꓳ꓿ ꓓꓶꓽ ꓡꓯ ꓘꓳ ꓟ ꓙꓵ, ꓗꓪ  ꓑ ꓫꓬ ꓐꓴ ꓑꓲ, ꓡꓴ. ꓡꓳ ꓖꓪ ꓔꓶ. ꓗꓪ ꓐꓰ ꓓꓳꓻ ꓡ ꓕꓯ ꓗ, ꓘꓶꓽ ꓓꓵꓽ ꓗꓪ ꓕꓲ ꓣꓳ ꓐꓰ ꓕꓲ ꓣꓳ ꓠꓬꓲ. ꓗꓷ ꓟ ꓪꓴ. ꓠꓬꓲ ꓫꓵꓻ ꓡꓰ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿ ꓝꓮꓲ Indonesia ꓗꓴꓷꓼ ꓗꓪ ꓑ ꓫꓬ ꓫꓵꓻ ꓗꓪ ꓛꓲ ꓒꓬꓱꓼ ꓡ ꓟ ꓪꓴ. ꓠꓬꓲ ꓑꓲ, ꓡꓴ. ꓡꓳ ꓖꓪ ꓓꓴ ꓔꓯ ꓠꓬꓲ ꓫꓵꓽ ꓠ ꓠꓽ ꓓꓴ ꓥꓳꓽ ꓐꓰ ꓢꓷ. ꓪ ꓡꓳ꓿