Indonesia ꓗꓴꓷꓼ ꓗꓪ ꓡꓲꓸꓹ ꓓꓽ ꓟ ꓗꓪꓼ ꓡꓰ ꓟ ꓪꓴꓸ ꓠꓬꓲ ꓑ ꓫꓬ 15 ꓣꓳ ꓫꓵꓸꓹ ꓡꓰ ꓟ ꓓꓳꓽ

Tuesday, July 25, 2023

Indonesia ꓗꓴꓷꓼ ꓗꓪ ꓡꓲꓸꓹ ꓓꓽ ꓟ ꓗꓪꓼ ꓡꓰ ꓟ ꓪꓴꓸ ꓠꓬꓲ ꓑ ꓫꓬ 15 ꓣꓳ ꓫꓵꓸꓹ ꓡꓰ ꓟ ꓓꓳꓽ
Indonesia ꓗꓴꓷꓼ Sulawesi ꓗꓪ ꓮ ꓟꓰ 2023 ꓘꓳꓼ 7 ꓦ ꓟ 24 ꓠꓬꓲ ꓠꓯꓼ ꓠꓯꓼ ꓙꓵꓹ ꓕꓯ ꓡꓲꓸꓹ ꓓꓽ ꓟ ꓗꓪꓼ ꓡꓰ ꓟ ꓑꓶꓸ ꓓꓴ 15 ꓣꓳ ꓫꓵꓸꓹ 19 ꓣꓳ ꓟꓶ ꓡꓰ ꓔꓬ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
ꓕꓱ ꓡꓲꓸꓹ ꓓꓽ ꓟ ꓗꓪ ꓑ ꓫꓬ 40 ꓣꓳ ꓟꓽ ꓞꓲ ꓐ ꓡ ꓟ ꓥ ꓢꓲ꓾ ꓟꓶ ꓡꓰ ꓔꓬ ꓟ 19 ꓣꓳ ꓔꓯ ꓥˍ ꓟꓲ ꓡꓯꓽ ꓫꓵ ꓧꓪ ꓔꓬ ꓡꓳ ꓐꓰ Kandr ꓡꓳ ꓒꓱ ꓗꓪ ꓟ ꓬꓰ ꓙ ꓢꓴ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
ꓝꓮꓲ ꓟꓽ ꓞꓲ ꓑ ꓫꓬ 6 ꓣꓳ ꓔꓯ ꓝꓸ ꓢꓲ꓾ ꓚꓬꓴ ꓙ ꓪ ꓡꓰ ꓢꓲ꓾Kandr ꓠꓯꓸꓸ ꓞꓲꓼ ꓦꓲꓸꓹ ꓓꓽ ꓟ ꓗꓪ ꓠꓯꓸꓸ ꓞꓲꓼ ꓫꓬꓹ ꓖꓶ ꓔꓬ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
ꓬꓲꓸꓹ ꓡꓳ ꓐꓱ 17000 ꓟꓽ ꓞꓲ ꓙꓳˍ ꓟ Indonesia ꓗꓴꓷꓼ ꓗꓪ ꓡꓳꓹ ꓬꓰ ꓟ 2018 ꓘꓳꓼ ꓕꓯ ꓥˍ ꓟꓲ Sumatra ꓬꓲꓸꓹ ꓡꓳ ꓐꓱ ꓗꓪ ꓡꓲꓸꓹ ꓓꓽ ꓟ ꓗꓪꓼ ꓡꓰ ꓟ ꓑꓶꓸ ꓓꓴ ꓑ ꓫꓬ 192 ꓣꓳ ꓟꓽ ꓞꓲ ꓫꓵꓸꓹ ꓡꓰ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=