Mandalay ꓡꓳ ꓒꓱ ꓗꓪ ꓬꓲꓻ ꓙꓬ ꓟꓽ ꓙꓳ꓾ ꓕꓲ ꓠꓬꓲ ꓗꓪ ꓬꓲꓻ ꓙꓬ 20000Gallon ꓟꓽ ꓞꓲꓺ ꓖꓶ ꓔꓬ ꓪˍ ꓟ

Mandalay ꓡꓳ ꓒꓱ ꓗꓪ ꓬꓲꓻ ꓙꓬ ꓟꓽ ꓙꓳ꓾ ꓕꓲ ꓠꓬꓲ ꓗꓪ ꓬꓲꓻ ꓙꓬ 20000Gallon ꓟꓽ ꓞꓲꓺ ꓖꓶ ꓔꓬ ꓪˍ ꓟ (Photo BBC)
Wednesday, April 26, 2023

4 ꓦ 20 ꓠꓬꓲ ꓖ; ꓡꓯ ꓖ; ꓙꓲ ꓗꓪ ꓐꓰ ꓪꓴꓸ ꓔꓴ ꓢꓲ ꓠꓬꓲ Mandalay ꓡꓳ ꓒꓱ ꓕꓯꓽ ꓢꓲ ꓗꓪ ꓟ ꓡꓳ ꓒꓱ ꓤ ꓮ ꓟꓬꓹ ꓗꓪ ꓮ ꓔꓳꓸ ꓟꓽ ꓡ ꓗꓷ ꓡꓰ ꓢꓲ ꓣꓱꓽ ꓢꓴ ꓬꓲꓻ ꓙꓬ ꓟꓽ ꓙꓳ ꓗꓷ ꓡꓰ ꓔꓬ ꓟ ꓑꓶꓸ ꓓꓴ ꓬꓰ ꓙ ꓢꓴ ꓜꓴꓻ ꓐꓴ ꓡꓰ ꓕꓲ ꓠꓬꓲ ꓟ ꓔꓯ ꓬꓲꓻ ꓙꓬ 20000Gallon ꓟꓽ ꓞꓲꓺ ꓖꓶ ꓔꓬ ꓪˍ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓮ-ꓟ-ꓣ-ꓑꓴ-ꓣ ꓡꓳ ꓒꓱ ꓗꓪ ꓐꓰ ꓗꓳꓸ ꓗꓷ ꓠꓬ꓾ ꓡꓳ ꓒꓱ ꓮ ꓟꓬꓹ ꓗꓪ ꓬꓲꓻ ꓙꓬ ꓟꓽ ꓙꓳ ꓗꓷ ꓡꓰ ꓠꓬꓲ ꓕꓲ ꓠꓬꓲ ꓗꓪ ꓬꓲꓻ ꓙꓬ Gallon 20ꓹ000 ꓟꓽ ꓞꓲꓺ ꓔꓯ ꓬꓲ ꓖꓻ 20 ꓖꓻ ꓟꓽ ꓞꓲꓺ ꓗꓪ ꓙꓰ ꓢꓲ ꓬꓲꓻ ꓙꓬ ꓐꓱ ꓖꓶ ꓔꓬ ꓪ ꓡꓳ꓾ ꓐꓰ ꓢꓷꓸ ꓪ ꓟ ꓥ ꓡꓳ=

ꓗꓳꓸ ꓗꓷ ꓟ ꓕꓲ ꓠꓬꓲꓽ ꓠꓬꓲ ꓘꓴꓽ ꓗꓪ ꓟꓲꓽ ꓦꓲ ꓓꓽ ꓟ ꓙꓱꓽ ꓗꓷ ꓟ ꓑꓶꓸ ꓓꓴ ꓮ ꓔꓳꓸ ꓚ ꓐꓬ ꓡꓰˍ ꓟ ꓗꓪ ꓐꓰ ꓮ ꓔꓳꓸ ꓟꓽ ꓟꓶ ꓗꓷ ꓡꓰ ꓢꓲ꓾ ꓮ ꓟꓶ ꓟ ꓡꓰ ꓬꓲꓻ ꓙꓬ ꓣꓱꓽ ꓓꓴ ꓟꓽ ꓙꓳ ꓟ ꓫꓵꓽ ꓪꓴ ꓔꓳꓹ ꓜꓳꓽ ꓔꓬ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=

Add new comment

1 + 2 =

Quick Links