Mawlamyine ꓗꓪ ꓬꓲꓻ ꓙꓬ ꓙꓵ ꓟ ꓑꓶ ꓓꓴ ꓤ ꓠꓱ ꓤ 3 ꓣꓳ ꓬꓲꓻ ꓙꓬ ꓔꓲꓹ ꓫꓵꓻ ꓟ꓾

Mawlamyine ꓗꓪ ꓬꓲꓻ ꓙꓬ ꓙꓵ ꓟ ꓑꓶ ꓓꓴ ꓤ ꓠꓱ ꓤ 3 ꓣꓳ ꓬꓲꓻ ꓙꓬ ꓔꓲꓹ ꓫꓵꓻ ꓟ꓾

Mawlamyine ꓗꓪ ꓬꓲꓻ ꓙꓬ ꓙꓵ ꓟ ꓑꓶ ꓓꓴ ꓤ ꓠꓱ ꓤ 3 ꓣꓳ ꓬꓲꓻ ꓙꓬ ꓔꓲꓹ ꓫꓵꓻ ꓟ ꓗꓷ ꓡꓰꓳ ꓐꓰ ꓬꓰ ꓙ ꓢꓴ ꓜꓴ ꓗꓪ ꓐꓰ ꓢꓷꓸ ꓪ ꓡꓳ= ꓫꓵꓻ ꓢꓴ ꓤ ꓠꓱ ꓤ ꓐꓴ ꓠꓬ 1 ꓘꓳꓼ ꓐꓶ ꓡꓳꓼ ꓟ ꓤ ꓠꓱ ꓤ ꓕꓲ ꓣꓳ꓾ 12 ꓘꓳꓼ ꓛꓲ ꓡꓳꓼ ꓟ ꓤ ꓠꓱ ꓤ 2 ꓣꓳ ꓥ ꓡꓳ ꓐꓰ ꓢꓷꓸ ꓪ ꓡꓳ=

Mawlamyine꓾ ꓔꓲ-ꓣꓲ-ꓟꓲ-ꓗ-ꓡ 17 ꓚꓱꓹ ꓘꓴꓽ ꓗꓪ 19 ꓠꓬꓲ ꓟꓳꓼ ꓡꓳ ꓙꓵꓹ ꓕꓯ 1 ꓘꓳꓼ ꓐꓶ ꓛꓲ ꓡꓳꓼ ꓟ ꓤ ꓠꓱ ꓤ ꓕꓲ ꓣꓳ ꓠꓬ ꓬꓲꓸ ꓮ ꓑ ꓮ ꓣ ꓡꓰ ꓔꓬ ꓟ ꓙꓵꓹ ꓗꓪ ꓡꓳ ꓖꓪ ꓢꓲ ꓔꓬ ꓦꓲꓻ ꓟꓲ ꓕꓯ ꓗꓪ ꓬꓲꓻ ꓙꓬ ꓔꓲꓹ ꓫꓵꓻ ꓟ ꓗꓷ ꓡꓰ ꓟ ꓥꓳ= ꓝꓮꓲ 12 ꓘꓳꓼ ꓛꓲ ꓡꓳꓼ ꓟ ꓤ ꓠꓱ ꓤ ꓐꓴ ꓠꓬ ꓟꓮꓪꓡꓮꓟꓬꓲꓠꓰ꓾ ꓔꓲ-ꓣꓲ-ꓟꓬꓲꓠꓰ 9 ꓚꓱꓹ ꓐꓰ ꓜꓯꓸ-ꓗꓬꓳ ꓞꓳ ꓘꓹ꓾ ꓬꓮꓠ-ꓮꓴꓠꓖ ꓚꓱꓹ ꓗꓪ ꓔꓬ ꓢꓴ ꓐꓴ ꓥ ꓢꓲ꓾ ꓬꓲꓻ ꓙꓬ ꓗꓪ ꓡꓳ ꓖꓪ ꓟ ꓗꓪ ꓐꓰ ꓔꓲꓹ ꓫꓵꓻ ꓡꓰ ꓟ ꓥꓳ=

7 ꓦ 18 ꓠꓬꓲ ꓗꓪ ꓐꓰ ꓟꓶꓽ ꓦ ꓮ ꓘꓶꓸ ꓦ ꓟ ꓑꓶ ꓓꓴ ꓟꓮꓪꓡꓮꓟꓬꓲꓠꓰ ꓡꓳ ꓒꓱ ꓞꓳ ꓘꓹ ꓮ ꓟꓬꓹ ꓗꓪ ꓬꓲꓻ ꓙꓬ ꓙꓵ_ ꓟ ꓗꓷ ꓔꓬ ꓢꓲ꓾ ꓬꓲꓻ ꓙꓬ ꓟꓶꓸ ꓡꓰ ꓟ ꓔꓬ ꓦꓲꓻ ꓕꓲ ꓐꓱ ꓔꓯ ꓬꓰ ꓙ ꓢꓴ ꓐꓴ ꓡꓰ ꓬꓲꓻ ꓙꓬ ꓟꓽ ꓙꓳ_ ꓟ ꓗꓪ ꓚꓵꓸ ꓖꓶ_ ꓟ ꓬꓰ ꓙ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=