Mexico ꓗꓪ 9 ꓦ ꓟ 19 ꓠꓬꓲ ꓕꓯ ꓟꓵꓽ ꓓꓵꓺ ꓗꓷ ꓟ ꓪꓴꓸ ꓠꓬꓲ ꓪꓽ ꓘꓴ ꓦꓲꓻ 8 ꓟ ꓐꓬ ꓡꓰ ꓟ

Friday, September 23, 2022

Mexico ꓗꓪ 9 ꓦ ꓟ 19 ꓠꓬꓲ ꓕꓯ ꓟꓵꓽ ꓓꓵꓺ ꓗꓷ ꓟ ꓪꓴꓸ ꓠꓬꓲ ꓪꓽ ꓘꓴ ꓦꓲꓻ 8 ꓟ ꓐꓬ ꓡꓰ ꓟ꓾

ꓟꓲꓚꓧꓳꓮꓚꓮꓠ ꓗꓴꓷꓼ ꓫꓴ꓾ ꓔꓮꓠꓖꓮꓟꓮꓠꓓꓮꓑꓲꓳ ꓗꓪ ꓙꓳˍ ꓟ ꓗ-ꓕꓳ-ꓡꓲꓗ ꓪꓽ ꓘꓴ ꓦꓲꓻ ꓕꓲ ꓟ ꓐꓰ ꓠꓱꓸ ꓐꓯ ꓗ-ꓕꓳ-ꓡꓲꓗ ꓪꓽ ꓘꓴ ꓦꓲꓻ 7 ꓟ ꓐꓴ ꓠꓬ 9 ꓦ 19 ꓠꓬꓲ꓾ ꓠꓽ ꓕꓲ ꓠꓬꓲ ꓕꓯ ꓟꓰꓫꓲꓚꓳ ꓗꓪ ꓓꓵꓺ ꓗꓷ ꓟ ꓬꓲ ꓢꓯꓼ 7ꓸ6 ꓟꓮꓖꓠꓲꓔꓴꓓꓰ ꓙꓳˍ ꓟ ꓟꓵꓽ ꓙꓴꓽ ꓕꓲ ꓟ ꓪꓴꓸ ꓠꓬꓲ ꓐꓬ ꓡꓰꓳ꓾ ꓐꓰ ꓢꓷꓸ ꓪ ꓡꓳ=

ꓟꓲꓚꓧꓳꓮꓚꓮꓠ ꓢꓽ-ꓢꓶ-ꓠꓽ ꓝꓮꓚꓰꓐꓳꓳꓗ ꓑꓮꓖꓰ ꓗꓪ ꓐꓳ ꓔ ꓟ ꓠꓬ꓾ ꓟꓵꓽ ꓙꓴꓽ ꓠꓬ ꓟꓳꓼ ꓡꓳ 1ꓽ05 ꓙꓵꓹ ꓕꓯ ꓚꓵꓹ ꓗꓷ ꓟ ꓥ ꓢꓲ ꓪꓽ ꓘꓴ ꓦꓲꓻ ꓮ ꓟꓬꓹ ꓐꓬ ꓡꓰ ꓥˍ ꓟꓲ ꓢꓯꓸ ꓫꓵꓽ ꓢꓯꓸ ꓙꓰꓽ ꓐꓴ ꓔꓯ ꓠꓬ ꓮ ꓡꓰˍ ꓟꓲ ꓟꓽ ꓗꓷ ꓡꓰ꓾ ꓐꓰ ꓐꓳ ꓔ ꓟ ꓗꓪ ꓐꓰ ꓢꓷꓸ ꓪ ꓡꓳ=

“ꓕꓱ ꓗꓪ ꓛꓲꓺ ꓡ ꓢꓴ ꓐꓴ ꓬꓲ ꓪ ꓟꓽ ꓫ ꓙꓵ ꓡꓰ ꓠꓹ ꓟ ꓐꓰ ꓬꓲ ꓪ ꓙꓲꓻ ꓖꓴ ꓐꓱ ꓶ ꓥꓳꓺ ꓡꓳꓸ ꓢꓲ ꓢꓽ-ꓢꓶ-ꓠꓽ ꓕꓱ ꓟ ꓗꓪ ꓒꓬꓱꓼ ꓔꓬ ꓟ ꓐꓬ ꓡꓰ ꓟ ꓔꓯ ꓝꓮꓲ ꓕꓲ ꓧꓪꓹ ꓫꓬꓹ ꓟ ꓟꓬꓱꓽ ꓐꓴ ꓗꓪ ꓬꓰ ꓙ ꓔꓳꓹ ꓙ ꓠꓲꓹ ꓟ ꓣꓳ ꓐꓴ ꓙ ꓖꓶꓽ ꓔ ꓡꓯ”꓾ ꓐꓰ ꓢ-ꓢꓶ-ꓠ ꓗꓪ ꓐꓰ ꓬꓲꓼ ꓠꓬꓲ ꓖꓶ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ=