Mongolia ꓗꓴꓷꓼ ꓗꓪ ꓔꓲꓺ ꓒ ꓪ ꓔꓲ Francis ꓙꓰ ꓓꓴ ꓙꓽ ꓖꓶ ꓔꓬ ꓟ ꓓꓳꓽ

Mongolia ꓗꓴꓷꓼ ꓗꓪ ꓔꓲꓺ ꓒ ꓪ ꓔꓲ Francis ꓙꓰ ꓓꓴ ꓙꓽ ꓖꓶ ꓔꓬ ꓟ ꓓꓳꓽ
ꓔꓲꓺ ꓒ ꓪ ꓔꓲ Francis ꓠꓬ Mongolia ꓗꓴꓷꓼ ꓗꓪ ꓡ ꓠꓹ ꓟ 2023 ꓘꓳꓼ 8 ꓦ ꓟ 31 ꓠꓬꓲ ꓐꓰ 9 ꓦ ꓟ 4 ꓠꓬꓲ ꓗꓪ ꓛꓲ ꓙꓰ ꓓꓴ ꓙꓽ ꓖꓶ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= ꓕꓲ ꓠꓲꓹ ꓕꓲ ꓪ ꓙ ꓫꓱꓽˍ ꓟ ꓐꓯ ꓟ ꓡꓰ ꓐꓰ ꓔꓲꓸꓸ ꓒ ꓪ ꓔꓲ Francis ꓠꓬ ꓪꓴ-ꓢ ꓶꓼ ꓓꓳꓽ ꓫꓱ, ꓓꓳꓽ ꓚ ꓙꓰ ꓠꓹ ꓟ ꓙꓽ ꓖꓶ ꓔꓬ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ= 
Mongolia ꓗꓴꓷꓼ ꓗꓪ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓮ ꓘꓶꓸ ꓟꓽ ꓔꓬ ꓐꓯ ꓥˍ ꓟꓲ ꓦ ꓡꓱ ꓚꓱꓹ ꓗꓪ ꓙꓲ ꓙꓲ ꓦ ꓡꓱ ꓔꓬ ꓟ ꓑꓶꓸ ꓓꓴ ꓙꓰ ꓠꓲꓹ ꓫꓵˍ ꓟ ꓠꓲꓹ ꓟ ꓮ ꓘꓶꓸ ꓟꓶ ꓫꓵ ꓡꓰꓳ ꓐꓰ ꓔꓲꓸꓸ ꓒ ꓪ ꓔꓲ Francis ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
Mongolia ꓗꓴꓷꓼ ꓗꓪ ꓠꓬ ꓞꓳ ꓣꓳ 3ꓸ4 ꓫꓬ, ꓟꓽ ꓞꓲ ꓔꓬ ꓟ ꓥ ꓢꓲ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓠꓬ 1500 ꓛꓲˍ ꓡꓰꓽ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= Mongolia ꓗꓴꓷꓼ ꓠꓬ Russia ꓐꓰ ꓧꓶꓽ ꓗꓴꓷꓼ ꓠꓬꓲꓽ ꓗꓴ. ꓚꓸꓼ ꓗꓪ ꓙꓳˍ ꓟ ꓥ ꓢꓲ꓾ ꓔꓲꓸꓸ ꓒ ꓪ ꓔꓲ Francis ꓬꓲ ꓪꓴ-ꓢ ꓶꓼ ꓓꓳꓽ ꓫꓱ, ꓓꓳ ꓚ ꓟ. ꓖꓶ ꓓꓴ ꓙꓰˍ ꓟ ꓔꓯ ꓕꓲ ꓟꓲ ꓠꓯ ꓡꓱꓸꓼ ꓠꓲꓹ ꓒꓴ ꓢ ꓢꓲ꓾ ꓡꓳ. ꓠꓬ, ꓔꓬ ꓡꓳ ꓐꓰ ꓢꓷꓸ ꓪ ꓡꓳ=