Mongolia ꓡꓳ ꓒꓱ ꓓꓽ ꓗꓪ ꓬꓲꓻ ꓙꓬ ꓙꓵ_ ꓟ ꓑꓶ ꓓꓴ ꓞꓳ ꓤ 20000 ꓣꓳ ꓛꓲ ꓘꓰꓹ ꓑꓬ ꓔꓬ ꓟ ꓓꓳꓽ

Mongolia ꓡꓳ ꓒꓱ ꓓꓽ ꓗꓪ ꓬꓲꓻ ꓙꓬ ꓙꓵ_ ꓟ ꓑꓶ ꓓꓴ ꓞꓳ ꓤ 20000 ꓣꓳ ꓛꓲ ꓘꓰꓹ ꓑꓬ ꓔꓬ ꓟ ꓓꓳꓽ

Mongolia ꓡꓳ ꓒꓱ ꓓꓽ Ulaanbaatar ꓗꓪ ꓞꓲ ꓦꓬꓼ ꓛꓲ ꓟꓶꓽ ꓦ ꓓꓽ ꓟ ꓦ ꓡ ꓢꓲ꓾ Selbe ꓐꓰ Tuul ꓬꓲꓻ ꓙꓬ ꓡꓳ ꓙꓵꓽ ꓡ ꓟ ꓑꓶ ꓓꓴ ꓞꓳ ꓤ ꓮ ꓟꓬꓹ ꓦꓲꓻ ꓐꓬ ꓡꓰ ꓟ ꓥ ꓢꓲ꓾ 20000 ꓣꓳ ꓛꓲ ꓬꓰ ꓙ ꓢꓴ ꓗꓪ ꓐꓰ ꓬꓰ ꓙ ꓖꓶ ꓢꓲ ꓬꓲꓻ ꓙꓬ ꓟꓽ ꓙꓳ ꓟ ꓗꓪ ꓚꓵꓸ ꓖꓶ ꓦ ꓡꓳ ꓐꓰ ꓢꓷꓸ ꓪ ꓡꓳ= ꓝꓮꓲ ꓔꓬ ꓦꓲꓻ꓾ ꓙ ꓖꓴ꓾ ꓓꓽ ꓖꓴ꓾ ꓙꓳ ꓦꓲꓻ꓾  ꓟꓲ ꓮ ꓟꓬꓹ ꓐꓬ ꓡꓰ ꓟ ꓥꓳ=

ꓟꓳ-ꓖꓳ-ꓡꓲ-ꓬ ꓟꓯꓼ ꓜꓴꓻ ꓗꓪ ꓐꓰ ꓫꓸ ꓢꓴ ꓐꓴ ꓐꓱ ꓶ ꓜ ꓓꓴ ꓓꓳ ꓓꓴ ꓐꓰ ꓣꓱꓽ ꓬꓯꓼ ꓟ ꓠꓯꓺ ꓞꓲꓼ ꓐꓰ ꓬꓰ ꓙ ꓔꓬ ꓟ ꓥꓳ= UN’s Children’s Fund- Unicef ꓗꓪ ꓐꓰ ꓥ ꓟꓲ ꓠꓯꓺ ꓞꓲꓼ ꓬꓰ ꓙ ꓢꓲ꓾ ꓠꓲꓹ ꓟ ꓐꓬ ꓡꓰ ꓢꓴ ꓔꓯ ꓥ ꓟꓲ ꓠꓲꓹ ꓟ ꓗꓳꓸ ꓖꓶ_ ꓟ ꓬꓰ ꓙ ꓖꓶ_ ꓟ ꓥꓳ ꓐꓰ ꓢꓷꓸ ꓪ ꓡꓳ=

ꓝꓮꓲ ꓔꓲꓺ ꓒ ꓪ ꓔꓲ ꓠꓬ Ulaanbaatar ꓗꓪ 8 ꓦ 31 ꓗꓪ ꓐꓰ 9 ꓦ 4 ꓠꓬꓲ ꓗꓪ ꓛꓲ 4 ꓦꓬꓼ ꓶꓼ ꓓꓳ ꓫꓱꓸ ꓓꓳ ꓚꓳ ꓙꓰ ꓠꓹ ꓟ ꓙ ꓖꓶ ꓔꓬ ꓟ ꓔꓯ ꓥ ꓟꓲ ꓢꓷꓸ ꓪ ꓡꓳ=