Morocco ꓗꓴꓷꓼ ꓗꓪ ꓟꓲ: ꓦꓲꓻ ꓔꓳꓹ ꓥꓳ: ꓑꓶ. ꓓꓴ 2000 ꓣꓳ ꓟ: ꓞꓲ ꓫꓵꓻ ꓡꓰ ꓟ ꓓꓳ: 

Morocco ꓗꓴꓷꓼ ꓗꓪ ꓟꓲ: ꓦꓲꓻ ꓔꓳꓹ ꓥꓳ: ꓑꓶ. ꓓꓴ 2000 ꓣꓳ ꓟ: ꓞꓲ ꓫꓵꓻ ꓡꓰ ꓟ ꓓꓳ: 
ꓡꓳꓹ ꓬꓰ ꓟ 2023 ꓘꓳꓼ 9 ꓦ ꓟ 9 ꓠꓬꓲ ꓕꓯ Morocco ꓗꓴꓷꓼ ꓗꓪ ꓟꓲ: ꓦꓲꓻ ꓔꓳꓹ ꓥꓳ: ꓙꓰꓼ ꓡ ꓟ ꓑꓶ. ꓓꓴ ꓑ ꓫꓬ 2000 ꓣꓳ ꓟ: ꓞꓲ ꓫꓵꓻ ꓡꓰꓳ ꓐꓰ ꓢꓷ.  ꓪ ꓡꓳ=
ꓟꓲ: ꓦꓲꓻ ꓔꓳꓹ ꓥꓳ: ꓑꓶ. ꓓꓴ ꓞꓳ ꓤ ꓞꓳ ꓦꓲꓻ ꓙꓳ: ꓟ ꓦꓲꓻ ꓮ ꓟꓬꓹ ꓐꓬ ꓡꓰꓳ ꓐꓰ ꓢꓷ. ꓪ ꓡꓳ= ꓖꓳ ꓟ ꓡꓰ ꓐꓰ ꓟ: ꓞꓲ ꓟꓶ ꓡꓰ ꓔꓬ ꓢꓴ ꓐꓴ ꓥˍ ꓟꓲ ꓮ ꓟꓬꓹ ꓔꓬ ꓢꓱ ꓡꓳ ꓐꓰ ꓙꓵ: ꓪ ꓙꓳ ꓐꓴ ꓡꓰ ꓐꓯ ꓔ: ꓡꓳ= ꓟꓬ ꓠꓬꓲ ꓐꓭ ꓠꓬꓲ ꓐꓬ ꓡꓰ ꓟ ꓠꓬ Marrakesh ꓥ ꓢꓲ꓾ ꓫꓵꓻ ꓢꓴ ꓐꓴ ꓮ ꓘꓶ. ꓟꓬ ꓡꓰ ꓟ ꓠꓬ Al Hoz ꓗꓴꓷꓼ ꓗꓪ ꓥ ꓡꓳ ꓐꓰ ꓢꓷ. ꓪ ꓡꓳ=
ꓟ: ꓦꓲꓻ ꓔꓳꓹ ꓥꓳ: ꓑꓶ. ꓓꓴ ꓐꓬ ꓡꓰ ꓟ Morocco ꓗꓴꓷꓼ ꓐꓱ ꓶ Italyꓹ  Spainꓹ Franceꓹ America ꓗꓴꓷꓼ ꓐꓴ ꓡꓰ ꓬꓰ ꓙ ꓓꓴ ꓥˍ ꓡꓳ ꓐꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ= ꓗꓴꓷꓼ ꓙꓵ: ꓢꓲ: ꓒ ꓐꓴ ꓡꓰ ꓐꓬ ꓡꓰ ꓟ Morocco ꓗꓴꓷꓼ ꓔꓯ ꓡꓯ ꓫꓵ ꓫꓬ ꓓꓴ ꓬꓰ ꓔꓬ ꓡꓳ꓾ ꓖꓳ ꓡꓰ ꓐꓯ ꓥˍ ꓟꓲ ꓟꓶ ꓫꓵ ꓡ ꓢꓰ ꓥꓳ ꓐꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ= Morocco ꓗꓴꓷꓼ ꓗꓪ ꓟ ꓑ ꓫꓬ ꓐꓴ ꓠꓬ ꓝꓮꓲ ꓕꓲ ꓧꓪ ꓟꓲ: ꓦꓲꓻ ꓔꓳꓹ ꓥꓳ: ꓙꓱꓼ ꓡ ꓔꓯ ꓙꓬ ꓫ. ꓢꓲ꓾ ꓙ ꓖꓴ ꓗꓪ ꓡꓰ ꓬꓲ ꓟꓶ ꓔꓬ ꓢꓱ ꓡꓳ ꓐꓰ ꓢꓷ. ꓪ ꓡꓳ=