Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Nigeria ꓗꓴꓷꓼ ꓗꓪ ꓔꓲꓺ ꓒ ꓙꓳꓻ ꓟ (ꓢꓳꓻ ꓒꓽ) ꓕꓲ ꓣꓳ ꓔꓯ ꓟꓽ ꓙꓲ ꓢꓴ ꓐꓴ ꓡꓰ ꓮ. ꓔꓳ. ꓛꓴ ꓢꓰꓼ ꓗꓷ ꓟ ꓓꓳꓽ
Monday, September 11, 2023
Nigeria ꓗꓴꓷꓼ ꓗꓪ ꓔꓲꓺ ꓒ ꓙꓳꓻ ꓟ (ꓢꓳꓻ ꓒꓽ) ꓕꓲ ꓣꓳ ꓔꓯ ꓟꓽ ꓙꓲ ꓢꓴ ꓐꓴ ꓡꓰ ꓮ. ꓔꓳ. ꓛꓴ ꓢꓰꓼ ꓗꓷ ꓟ ꓓꓳꓽ
9 ꓦ ꓟ 8 ꓠꓬꓲ 2023 ꓘꓳꓼ ꓕꓯ Nigeria ꓗꓴꓷꓼ ꓗꓪ ꓔꓲꓺ ꓒ ꓙꓳ ꓟ (ꓢꓳꓺ ꓒꓽ ) ꓕꓲ ꓣꓳ ꓔꓯ ꓟꓽ ꓙꓲ ꓢꓴ ꓐꓴ ꓡꓰ ꓮ. ꓔꓳ. ꓛꓴ ꓢꓰꓼ ꓗꓷ ꓐꓰ ꓢꓷ. ꓪ ꓡꓳ꓿ ꓕꓱ ꓮ. ꓔꓳ. ꓛꓴ ꓢꓰꓼ ꓗꓷ ꓟ ꓠꓬ Nigeria ꓗꓴꓷꓼ ꓗ‐ꓩ‐ꓛ ꓔꓲꓺ ꓒ ꓓꓽ ꓙꓵꓽ ꓔꓶ. ꓗꓪ ꓥ ꓡꓳ ꓐꓰ ꓐꓰ ꓐꓯ ꓔ ꓡꓳ꓿ ꓕꓱ ꓡ ꓞꓳ ꓢꓰꓼ ꓢꓴ ꓜꓴꓻ ꓠꓬ Islamist Fulani ꓟꓯꓼ ꓜꓴꓻ ꓥ ꓡꓳ ꓐꓰ ꓐꓯ ꓔ ꓡꓳ꓿
ꓕꓱ ꓟꓽ ꓙꓲ ꓢꓴ ꓜꓴꓻ ꓠꓬ ꓪꓽ ꓘꓴ ꓦꓲꓻ ꓐꓱ ꓢꓳꓻ ꓦꓲꓻ ꓔꓯ ꓓꓽ ꓪꓴ. ꓮ. ꓔꓳ. ꓛꓴꓻ ꓗꓷ ꓟ ꓥ ꓡꓳ꓿ ꓕꓱ ꓟꓽ ꓙꓲ ꓢꓴ ꓐꓴ ꓡꓰ ꓢꓰꓼ ꓡ ꓟ ꓗꓪ ꓐꓰ ꓔꓲꓺ ꓒ ꓠꓬꓲꓽ ꓣꓳ ꓠꓬ ꓡꓲ. ꓙꓰ ꓥ ꓟꓲ ꓙꓳ ꓟ (ꓢꓳꓻ ꓤ) ꓔꓯ ꓠꓬ ꓟꓽ ꓙꓲ ꓢꓴ ꓐꓴ ꓡꓰ ꓮ. ꓔꓳ. ꓛꓴꓻ ꓢꓰꓼ ꓗꓷ ꓟ ꓥ ꓡꓳ꓿ Nigeria ꓗꓴꓷꓼ ꓗꓪ ꓠꓬ ꓪꓴ‐ꓢ ꓟꓬꓱꓽ ꓟꓯ ꓢꓴ ꓔꓲꓺ ꓒ ꓐꓴ ꓔꓯ ꓟꓽ ꓙꓲ ꓢꓴ ꓐꓴ ꓡꓰ ꓮ ꓘꓶ. ꓛꓲ ꓢꓰꓼ ꓗꓷ ꓟ ꓗꓴꓷꓼ ꓕꓲ ꓗꓴꓷꓼ ꓟꓲ ꓥ ꓡꓳ꓿
Nigeria ꓗꓴꓷꓼ ꓗꓪ ꓐꓰ ꓔꓲꓺ ꓒ ꓓꓽ ꓠꓬ ꓪꓴ‐ꓢ ꓟꓬꓱꓽ ꓟꓯ ꓢꓴ ꓐꓴ ꓔꓯ ꓢꓰꓼ ꓟ ꓔꓯ ꓠꓽ ꓗꓷ ꓠ, ꓟ ꓐꓯ ꓔ ꓟ ꓥ ꓡꓳ꓿ ꓗꓳ. ꓗꓷ ꓟ 2022 ꓘꓳꓼ ꓘꓴꓽ ꓗꓪ Nigeria ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓒ (4) ꓣꓳ ꓔꓯ ꓟꓽ ꓙꓲ ꓢꓴ ꓐꓴ ꓡꓰ ꓢꓰꓼ ꓗꓷ ꓢꓲ ꓠꓬꓲ ꓔꓲꓺ ꓒ (28) ꓣꓳ ꓔꓯ ꓟꓽ ꓙꓲ ꓢꓴ ꓜꓴꓻ ꓡꓰ ꓣꓴ ꓔꓯ, ꓙꓰ ꓟ ꓥ ꓡꓳ꓿ ꓝꓮꓲ 2023 ꓘꓳꓼ ꓘꓴꓽ ꓗꓪ ꓟꓽ ꓙꓲ ꓢꓴ ꓜꓴꓻ ꓡꓰ ꓣꓴ ꓔꓯ, ꓙꓰ ꓟ ꓠꓬ (14) ꓣꓳ ꓙꓳˍ ꓡꓰ ꓐꓰ (Catholic News Agency) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
Subscribe
Sign up to our newsletter and get latest news and updates straight to your inbox!
Download RVA App
Add new comment