Pakistan ꓗꓴꓷꓼ ꓗꓪ ꓟꓲ: ꓦꓲꓻ ꓕꓳ: ꓥꓳ: ꓐꓰ ꓟꓶ: ꓦ ꓮ ꓘꓶ. ꓦ ꓡ ꓟ ꓑꓶ ꓓꓴ ꓑ ꓫꓬ 27 ꓣꓳ ꓟ: ꓞꓲ ꓫꓵꓻ ꓡꓰ ꓟ ꓓꓳ:

Tuesday, June 13, 2023

Pakistan ꓗꓴꓷꓼ ꓗꓪ ꓟꓲ: ꓦꓲꓻ ꓕꓳ: ꓥꓳ: ꓐꓰ ꓟꓶ: ꓦ ꓮ ꓘꓶ. ꓦ ꓡ ꓟ ꓑꓶ ꓓꓴ ꓑ ꓫꓬ 27 ꓣꓳ ꓟ: ꓞꓲ ꓫꓵꓻ ꓡꓰ ꓟ ꓓꓳ: ꓡꓳꓹ ꓬꓰ ꓟ 2023 ꓘꓳꓼ 6 ꓦ ꓟ 11 ꓠꓬꓲ ꓕꓯ Pakistan ꓗꓴꓷꓼ ꓐꓶꓻ ꓓꓵ: ꓐꓰ ꓖꓴ ꓪꓴ. ꓗꓪ ꓟꓲ: ꓦꓲꓻ ꓕꓳ: ꓥꓳ: ꓐꓰ ꓟꓶ: ꓦ ꓮ ꓘꓶ. ꓦ ꓡ ꓟ ꓑꓶ. ꓓꓴ ꓤ ꓠꓱ ꓤ 8 ꓣꓳ ꓐꓰ ꓑ ꓫꓬ 27 ꓣꓳ ꓟ: ꓞꓲ ꓫꓵꓻ ꓡꓰꓳ ꓐꓰ ꓗꓴꓷꓼ ꓙꓵ ꓢꓲ: ꓒ ꓐꓴ ꓐꓰ ꓙꓵ: ꓪ ꓙꓳ ꓢꓴ ꓐꓴ ꓡꓰ ꓐꓯ ꓩꓴ ꓡ ꓡꓳ ꓐꓰ ꓢꓷ. ꓪ ꓡꓳ=

ꓕꓱ ꓡꓱ ꓟꓲ: ꓦꓲꓻ ꓕꓳ: ꓥꓳ: ꓐꓰ ꓟꓶ: ꓦ ꓮ ꓘꓶ. ꓦ ꓡ ꓟ ꓑꓶ. ꓓꓴ 140 ꓣꓳ ꓟ: ꓞꓲ ꓠꓻ ꓓꓴ ꓡꓰ ꓟ ꓥ ꓢꓲ꓾ ꓤꓶ: ꓤ 200 ꓟ ꓟ: ꓞꓲ ꓫꓵꓻ ꓡꓰ ꓟ ꓥ ꓡꓳ ꓐꓰ ꓢꓷ. ꓪ ꓡꓳ= ꓖꓳ ꓟ ꓡꓰ ꓐꓰ ꓟ: ꓞꓲ ꓮ ꓘꓶ. ꓢꓯꓼ ꓙꓳˍ ꓟ ꓟꓲ: ꓦꓲꓻ ꓕꓳ: ꓥꓳ: ꓕꓲ ꓟ India ꓗꓴꓷꓼ ꓐꓶꓻ ꓓꓵ: ꓐꓰ Pakistan ꓗꓴꓷꓼ ꓗꓪ ꓡ ꓠꓹ ꓟ 2023 ꓘꓳꓼ 6 ꓦ ꓟ 15 ꓠꓬꓲ ꓕꓯ ꓙꓱꓼ ꓡ ꓓꓴ ꓙꓳˍ ꓡꓳ ꓐꓰ ꓟꓵ: ꓘꓳꓼ ꓚꓱꓹ ꓔꓯ ꓟꓳ. ꓢꓷ. ꓙꓳ ꓒ ꓐꓴ ꓡꓰ ꓐꓯ ꓩꓴ ꓡ ꓡꓳ ꓐꓰ ꓢꓷ. ꓪ ꓡꓳ= ꓖꓳ ꓟ ꓑꓶ. ꓓꓴ ꓑ ꓫꓬ ꓐꓴ ꓤ ꓟꓳ ꓓꓴ ꓬꓰ ꓡꓯ ꓐꓰ ꓐꓯ ꓡꓳ ꓐꓰ ꓢꓷ.ꓪ ꓡꓳ=