Putao ꓔꓲꓺ ꓒ ꓙꓵꓽ ꓔꓶ. ꓟꓶ‐ꓛ‐ꓐꓳ ꓡꓳ ꓒꓱ ꓘ, ꓫꓵꓼ ꓘ, ꓗꓪ ꓪꓽ ꓘꓴ ꓔꓶ. ꓗꓪ ꓡꓯꓼ ꓐꓳ ꓔꓶ. ꓓꓴ ꓫꓬ, ꓓꓳꓺ ꓡꓰ ꓟ ꓓꓳꓽ

Putao ꓔꓲꓺ ꓒ ꓙꓵꓽ ꓔꓶ. ꓟꓶ‐ꓛ‐ꓐꓳ ꓡꓳ ꓒꓱ ꓘ, ꓫꓵꓼ ꓘ, ꓗꓪ ꓪꓽ ꓘꓴ ꓔꓶ. ꓗꓪ ꓡꓯꓼ ꓐꓳ ꓔꓶ. ꓓꓴ  ꓫꓬ, ꓓꓳꓺ ꓡꓰ ꓟ ꓓꓳꓽ 

2 ꓦ ꓟ 4 ꓠꓬꓬꓲ 2023 ꓘꓳꓼ ꓕꓯ ꓖ‐ꓟꓶ‐ꓓꓲ Putao ꓔꓲꓺ ꓒ ꓙꓵꓽ ꓔꓶ. ꓟꓶ‐ꓛ‐ꓐꓳ ꓡꓳ ꓒꓱ ꓘ, ꓫꓵꓼ ꓘ, ꓗꓪ ꓫꓬ, ꓦ ꓟ  ꓪꓽ ꓘꓴ ꓜꓲꓼ ꓓꓴ ꓪꓽ ꓙꓵꓽ ꓗꓪ ꓡꓯꓼ ꓐꓳ ꓔꓶ. ꓓꓴ ꓓꓽ ꓫꓬ, ꓓꓳꓺ ꓡꓰꓳ ꓐꓰ ꓢꓷ. ꓪ ꓡꓳ꓿

ꓖ‐ꓟꓶ‐ꓓꓲ (Putao) ꓡꓳ ꓒꓱ ꓟꓶ‐ꓛ‐ꓐꓳ ꓡꓳ ꓒꓱ ꓘ, ꓫꓵꓼ ꓘ, ꓗꓪ ꓠꓬ ꓗ‐ꓕꓳ‐ꓡꓲ ꓢ‐ꓢꓶ‐ꓠ ꓛꓲ ꓡ ꓟ ꓠꓬ 1966 ꓘꓳꓼ ꓕꓯ ꓥ ꓡꓳ꓿

ꓮ ꓟꓶ ꓟ ꓙꓵ, ꓗꓪ ꓘ, ꓫꓵꓼ ꓘ, ꓗꓪ ꓗ‐ꓕꓳ‐ꓡꓲ ꓢꓲꓺ ꓤ (6) ꓦꓲꓻ ꓔꓬ ꓟ ꓞꓳ ꓘ, ꓥ ꓡꓳ꓿ ꓗꓳ. ꓗꓷ ꓟ ꓙꓵ, ꓕꓯ ꓘ, ꓫꓵꓼ ꓘ, ꓗꓪ ꓞꓳ ꓦꓲꓻ (20) ꓦꓲꓻ ꓟꓽ ꓞꓲ ꓔꓬ ꓥ ꓟꓲ ꓤ ꓠꓱ ꓤ ꓐꓴ ꓟꓲ ꓠꓯ ꓢꓷ. ꓠꓲ, ꓢꓳꓻ ꓓꓴ ꓚꓱ, ꓙꓽ ꓖꓴ ꓟꓽ ꓙꓲꓻ ꓟ ꓪꓴ. ꓠꓬꓲ ꓠꓱ. ꓐꓯ ꓞꓳ ꓘ, ꓗꓪ ꓚꓲ. ꓡꓰ ꓟ ꓥ ꓡꓳ꓿

ꓫꓬ, ꓓꓳꓺ ꓡꓰ ꓟ ꓢꓲꓺ ꓒ ꓬꓰ‐ꓢꓴ ꓡꓯꓼ ꓐꓳ ꓔꓶ. ꓓꓴ ꓔꓯ ꓛꓲ ꓡ ꓟ 5 ꓦ ꓕꓯ ꓪꓽ ꓘꓴ ꓔꓲ ꓓꓴ ꓥꓳ ꓐꓰ ꓐꓯ ꓔ ꓡꓳ꓿ ꓕꓱ ꓡꓯ ꓐꓳ ꓔꓶ. ꓓꓴ ꓔꓯ ꓟ. ꓒ Ban-Aung ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓫꓬ, ꓓꓳꓺ ꓡꓰ ꓟ ꓥ ꓡꓳ꓿

ꓙꓲ‐ꓢꓴ ꓢꓲꓺ ꓤ ꓮ ꓟꓬꓽ ꓥ ꓟꓲ ꓟꓬꓱꓺ ꓬꓰ ꓙˍ ꓟ ꓗꓪ ꓔ ꓗꓷꓳ ꓐꓰ ꓔꓲꓺ ꓒ ꓬꓳ‐ꓦ Aung Htoi ꓡꓰ ꓓꓳꓽ ꓖꓶ ꓩꓴ ꓡ ꓡꓳ꓿