Putao ꓟꓵꓽ ꓠꓳ‐ꓟꓳ ꓞꓳ ꓘ, ꓗꓪ ꓶꓻ ꓤ ꓒꓵꓽ ꓮ ꓘꓶ. ꓓꓯ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓟ ꓓꓳꓽ

#creditphoto #Naw Mon #Kachin #Putao
Monday, October 02, 2023

Putao ꓟꓵꓽ ꓠꓳ‐ꓟꓳ ꓞꓳ ꓘ, ꓗꓪ ꓶꓻ ꓤ ꓒꓵꓽ ꓮ ꓘꓶ. ꓓꓯ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓟ ꓓꓳꓽ

ꓗ‐ꓛꓲ ꓗꓴꓷꓼ ꓫꓴꓻ ꓑꓴꓔꓮꓳ ꓟꓵꓽ ꓠꓳ‐ꓟꓳ ꓡꓳ ꓒꓱ ꓗꓪ ꓶꓻ ꓤ ꓒꓵꓽ ꓠꓬ ꓮ ꓘꓶ. ꓓꓯꓻ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓮ ꓟꓶ ꓟ ꓙꓵ, ꓗꓪ ꓜ ꓒꓴ ꓕꓲ ꓟꓳ ꓠꓳ ꓠꓬ ꓕꓲ ꓫꓬ ꓒꓯꓼ ꓕꓯꓽ ꓢꓲ ꓙꓳˍ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓶꓻ ꓤ ꓒꓵꓽ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓮ ꓘꓶ. ꓓꓯꓻ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓟ ꓥ ꓡꓳ꓿ ꓣ‐ꓐꓳꓼ ꓞꓳ ꓘ, ꓗꓪ ꓔꓬ ꓟ ꓑ ꓫꓬ ꓐꓴ ꓠꓬ ꓤ ꓒꓴ ꓒꓵꓽ ꓮ ꓘꓶ. ꓓꓯꓻ ꓡ ꓟ ꓪꓴ. ꓮ ꓘꓶ. ꓫ. ꓔꓬ ꓡꓳ ꓝꓮꓲ ꓟꓲ ꓠꓯ ꓢꓷ. ꓠꓲ, ꓕꓳ ꓶ ꓟ. ꓢꓴ ꓐꓴ ꓥ ꓟꓲ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓠꓳ‐ꓟꓳ ꓡꓳ ꓒꓱ ꓗꓪ ꓗꓳ. ꓗꓷ ꓟ 8 ꓦ ꓘꓴꓽ ꓗꓪ ꓜ ꓒꓴ ꓕꓲ ꓟꓳ ꓠꓳ ꓠꓬ 1 ꓫꓬ, ꓒꓯꓼ ꓕꓯꓽ ꓢꓲ ꓙꓳˍ ꓡꓰ ꓟ ꓥ ꓡꓳ꓿ ꓠꓳ‐ꓟꓳ ꓟꓵꓽ ꓗꓪ ꓔꓬ ꓟ ꓑ ꓫꓬ ꓮ ꓟꓬ, ꓠꓬ ꓦꓻ ꓟꓲ ꓬꓰ ꓜ ꓢꓴ ꓑ ꓫꓬ ꓐꓴ ꓥ ꓟ ꓪꓴ. ꓠꓬꓲ ꓤ ꓜ ꓒꓵꓽ ꓓꓯꓻ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓮ ꓘꓶ. ꓫ. ꓔꓬ ꓡꓳ ꓐꓰ (PNG) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿

Add new comment

4 + 12 =

Quick Links