Pyin Oo Lwin ꓡꓳ ꓒꓱ ꓗꓪ ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓑ ꓫꓬ ꓐꓴ ꓔꓶ ꓟ ꓔꓶ ꓫꓵꓽ ꓔꓶ ꓙꓰꓽ ꓮ ꓟꓬ, ꓐꓬ ꓡꓰ ꓟ ꓓꓳꓽ

Pyin Oo Lwin ꓡꓳ ꓒꓱ ꓗꓪ ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓑ ꓫꓬ ꓐꓴ ꓔꓶ ꓟ ꓔꓶ ꓫꓵꓽ ꓔꓶ ꓙꓰꓽ ꓮ ꓟꓬ, ꓐꓬ ꓡꓰ ꓟ ꓓꓳꓽ

8 ꓦ 1 ꓠꓬꓲ 2022 ꓘꓳꓼ ꓕꓯ ꓟ‐ꓓꓲ‐ꓡꓲ ꓟꓵꓽ ꓑꓲ‐ꓴ‐ꓡꓱ ꓡꓳ ꓒꓱ ꓗꓪ ꓬꓲꓻ ꓙꓬ ꓙꓵꓽ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓔꓶ ꓔ ꓟ ꓐꓰ ꓑ ꓫꓬ ꓔꓬ ꓦꓲꓻ ꓮ ꓟꓬ, ꓐꓬ ꓡꓰꓳ ꓐꓰ ꓢꓷ. ꓪ ꓡꓳ꓿ ꓬꓲꓻ ꓙꓬ ꓙꓵꓽ ꓡ ꓟ ꓠꓬ ꓢꓲ, ꓜꓲ ꓡꓳ ꓜꓲ ꓮ ꓟꓬ, ꓟꓽ ꓙꓳ ꓡꓰ ꓟ ꓪꓴ. ꓠꓬꓲ ꓪꓽ ꓙꓵꓽ ꓗꓪ ꓐꓰ ꓟꓶꓽ ꓦ ꓬꓲꓻ ꓮ ꓟꓬ, ꓟꓬꓽ ꓡ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿ 7 ꓦ 31 ꓠꓬꓲ ꓕꓯ ꓟꓶ ꓦ ꓮ ꓟꓬ, ꓦ ꓡ ꓪꓴ. ꓠꓬꓲ ꓑ ꓫꓬ ꓔꓬ ꓦꓲꓻ ꓐꓰ ꓙ ꓖꓴ ꓥ ꓟꓲ ꓮ ꓟꓬ ꓐꓬ ꓡꓰ ꓪ꓿ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓮ ꓟꓶ ꓟ ꓙꓵ, ꓗꓪ ꓪꓽ ꓙꓵꓽ ꓗꓪ ꓢꓲ, ꓜꓲ ꓡꓳ ꓜꓲ ꓥ ꓟꓲ ꓟꓽ ꓙꓳ ꓡꓰꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓶ ꓦ ꓦ ꓡ ꓟ ꓙꓵ, ꓗꓪ ꓬꓲꓻ ꓙꓬ ꓙꓵꓽ ꓡ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿ ꓬꓲꓻ ꓙꓬ ꓙꓵꓽ ꓡ ꓟ ꓪꓴ. ꓠꓬꓲ ꓑ ꓫꓬ ꓔꓬ ꓦꓲꓻ (1088) ꓦꓲꓻ ꓚꓵ. ꓗꓷꓳ꓾ ꓐꓰ ꓢꓷ. ꓪ ꓡꓳ꓿ ꓫ. ꓔꓬ ꓢꓴ ꓔꓯ ꓬꓰ ꓙ ꓜꓴꓻ ꓡꓰ ꓬꓰ ꓙ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿