Ramree ꓡꓳ ꓒꓱ ꓗꓪ ꓡꓳꓽ ꓧꓳꓹ ꓧꓳꓹ ꓡ ꓟ ꓑꓶꓸ ꓓꓴ ꓞꓳ ꓦꓲꓸꓹ 6 ꓦꓲꓸꓹ ꓐꓬ ꓡꓰ ꓢꓲ꓾ ꓝꓮꓲ 9 ꓦꓲꓸꓹ ꓥˍ ꓟꓲ ꓙꓬ ꓫꓸ ꓓꓴ ꓙꓳ ꓡꓳ ꓐꓰ ꓐꓯ ꓔ ꓟ ꓓꓳꓽ

Ramree ꓡꓳ ꓒꓱ ꓗꓪ ꓡꓳꓽ ꓧꓳꓹ ꓧꓳꓹ ꓡ ꓟ ꓑꓶꓸ ꓓꓴ ꓞꓳ ꓦꓲꓸꓹ 6 ꓦꓲꓸꓹ ꓐꓬ ꓡꓰ ꓢꓲ꓾ ꓝꓮꓲ 9 ꓦꓲꓸꓹ ꓥˍ ꓟꓲ ꓙꓬ ꓫꓸ ꓓꓴ ꓙꓳ ꓡꓳ ꓐꓰ ꓐꓯ ꓔ ꓟ ꓓꓳꓽ
Rakhine ꓗꓴꓷꓼ ꓫꓴꓸꓹ Ramree ꓡꓳ ꓒꓱ  ꓗꓪ ꓟꓶꓽ ꓦ ꓮ ꓘꓶꓸ ꓜꓯꓼ ꓡ ꓟ ꓪꓴꓸ ꓠꓬꓲ ꓪ ꓙꓵꓽ ꓬꓲꓸꓹ ꓙꓬ ꓙꓵꓽ ꓡ ꓢꓲꓽ  ꓡꓳꓽ ꓡꓳꓹ ꓡꓳꓹ ꓡ ꓟ ꓪꓴꓸ ꓠꓬꓲ ꓞꓳ ꓦꓲꓸꓹ 6 ꓦꓲꓸꓹ ꓐꓬ ꓡꓰ ꓢꓲ꓾ ꓝꓮꓲ 9 ꓦꓲꓸꓹ ꓥˍ ꓟꓲ ꓙꓬ ꓫꓸ ꓓꓴ ꓙꓳ ꓡꓳ ꓐꓰ ꓢꓷꓸ ꓪ ꓡꓳ=
ꓡꓳꓽ ꓧꓳꓹ ꓧꓳꓹ ꓡ ꓟ ꓑꓶꓸ ꓓꓴ ꓦꓲꓸꓹ ꓐꓬ ꓡꓰ ꓢꓴ ꓐꓴ ꓠꓬ ꓦꓲꓸꓹ ꓫꓬ ꓠꓹ ꓟ ꓐꓱ ꓶ ꓒꓴꓽ ꓫꓵꓼ ꓟꓽ ꓡꓳ ꓟ ꓪꓴꓸ ꓠꓬꓲ ꓜꓼ ꓓꓴ ꓓꓳꓸꓸ ꓓꓴ ꓐꓰ ꓠꓱꓽ ꓐꓯ ꓮ ꓟꓬꓹ ꓣꓱꓽ ꓯꓬꓼ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=  ꓕꓱ ꓟ ꓡꓰ ꓐꓰ Taungup ꓡꓳ ꓒꓱꓼ ꓗꓪ ꓥˍ ꓟꓲ ꓟꓶꓽ ꓦ ꓜꓯꓼ ꓬꓲꓸꓹ ꓙꓬ ꓙꓵꓽ ꓡ ꓟ ꓑꓶꓸ ꓓꓴ ꓞꓳ ꓦꓲꓸꓹ ꓮ ꓟꓬꓹ ꓐꓬ ꓡꓰ ꓟ ꓥˍ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓔ ꓡꓳ ꓐꓰ ꓢꓷꓸ ꓪ ꓡꓳ=
ꓡꓳꓹ ꓬꓰ ꓟ ꓕꓲ ꓙꓵ ꓕꓯ ꓥˍ ꓟꓲ ꓬꓲꓸꓹ ꓙꓬ ꓙꓵ ꓡ ꓟ ꓪꓴꓸ ꓠꓬꓲ Minbya ꓡꓳ ꓒꓱ ꓐꓰ Mrauk-U ꓡꓳ ꓒꓱ ꓞꓳ ꓗꓹ ꓗꓪ ꓥˍ ꓟꓲ ꓞꓳ ꓦꓲꓸꓹ 30 ꓦꓲꓸꓹ ꓟꓽ ꓞꓲ ꓐꓬ ꓡꓰ ꓟ ꓥ ꓡꓳ ꓐꓰ ꓞꓳ ꓘꓹ ꓗꓪ ꓟ ꓞꓳ ꓪꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=