Singapore ꓗꓴꓷꓼ ꓗꓪ ꓛꓲ ꓔꓬ ꓟ ꓟꓬ-ꓟ ꓗ-ꓔꓳ-ꓡꓲ ꓐꓴ ꓟꓵꓽ ꓗꓳꓸ ꓓꓵ ꓓꓵ ꓫꓸ ꓢꓴ ꓟꓷꓼ ꓢꓴ ꓐꓰ ꓘꓰꓹ ꓑꓬ ꓢꓴ ꓦꓬꓼ ꓠꓬꓲ ꓑꓮꓲ ꓗꓪ ꓛꓲ ꓔꓬ ꓟ ꓓꓳꓽ

Tuesday, September 26, 2023

Singapore ꓗꓴꓷꓼ ꓗꓪ ꓟꓵꓽ ꓗꓳꓸ ꓓꓵ ꓓꓵ ꓫꓸ ꓢꓴ ꓟꓷꓼ ꓢꓴ ꓐꓰ ꓘꓰꓹ ꓑꓬ ꓢꓴ ꓑꓮꓲ ꓦꓬꓼ ꓠꓬꓲ ꓔꓯ ꓮꓚꓟꓲ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓬꓰ ꓗꓷ ꓟ ꓗꓪ ꓟꓬ-ꓟ ꓗ-ꓔꓳ-ꓡꓲ ꓐꓴ ꓥˍ ꓟꓲ ꓖꓳ ꓑꓮꓲ ꓗꓪ ꓐ ꓗꓷꓳ ꓐꓰ ꓢꓷꓸ ꓪ ꓡꓳ= Singapore ꓗꓴꓷꓼ ꓗꓪ 2023 ꓘꓳꓼ 9 ꓦ ꓟ 24 ꓠꓬꓲ ꓠꓽ ꓫꓵ ꓠꓬꓲ ꓕꓯ ꓮꓚꓟꓲ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓢꓲ꓾ ꓢꓲ ꓫꓬ ꓢꓴ ꓬꓳ-ꓢꓷ ꓪꓽ ꓘꓴꓽ ꓦꓲꓸꓹ ꓗꓪ 109 ꓧꓪꓹ ꓟꓵꓽ ꓗꓳꓸ ꓓꓵ ꓓꓵ ꓫꓸ ꓢꓴ ꓟꓷꓼ ꓢꓴ ꓐꓰ ꓘꓰꓹ ꓑꓬ ꓢꓴ ꓑꓮꓲ ꓦꓬꓼ ꓠꓬꓲ ꓐꓱ ꓶ ꓟꓲ-ꓢ ꓔꓯ ꓥˍ ꓟꓲ ꓗꓴꓷꓼ ꓮ ꓟꓬꓹ ꓗꓪ ꓟ ꓔꓲꓸꓸ ꓒ ꓐꓴ ꓡꓰ ꓬꓰ ꓗꓷꓳ꓾ ꓐꓰ ꓢꓷꓸ ꓪ ꓡꓳ=
ꓧꓪꓸ ꓟꓵꓽ ꓗꓳꓸ ꓓꓵ ꓓꓵ ꓫꓸ ꓢꓴ ꓟꓷꓼ ꓢꓴ ꓐꓰ ꓘꓰꓹ ꓑꓬ ꓢꓴ ꓐꓴ ꓔꓯ 1914 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓗꓷ ꓟ ꓥˍ ꓢꓲ꓾ ꓘꓴꓽ ꓜꓲꓼ ꓞꓳ ꓗꓪ ꓐꓰ ꓑꓮꓲ ꓬꓰ ꓡ ꓟ ꓠꓬ 109 ꓧꓪꓹ ꓬꓰ ꓗꓷ ꓡꓰ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ= ꓕꓱ ꓟꓲ-ꓢ ꓗꓪ ꓠꓬ Cardinal William Goh Seng Chye ꓡꓰ ꓪꓴ-ꓢ ꓶꓼ ꓓꓳꓽ ꓫꓱꓹ ꓓꓳꓽ ꓐꓯ ꓟꓸ ꓖꓶ ꓢꓲ꓾ ꓠꓬꓲ ꓗ-ꓔꓳ-ꓡꓲ ꓢꓲ ꓤ ꓐꓴ 60 ꓣꓳ ꓟꓽ ꓞꓲ ꓡ ꓢꓲ꓾ ꓟꓚꓚꓢ ꓗ-ꓔꓳ-ꓡꓲ ꓞꓳ ꓡꓱ ꓐꓴ ꓡꓰ ꓢꓯꓸ ꓒꓬꓱ ꓔꓯ ꓒꓬꓱ ꓗꓪ ꓐꓰ ꓔꓯ ꓟꓸ ꓖꓶ ꓗꓷ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=