Sittwe ꓡꓳ ꓒꓱ ꓐꓮ-ꓢꓮ ꓞꓳ ꓘꓹ ꓐꓶ ꓓꓵꓽ ꓬꓲ ꓙꓬ ꓡꓳ ꓗꓪ ꓤ ꓑ ꓤ ꓠꓬꓲ ꓣꓳ ꓫꓵꓸꓹ ꓟꓳ ꓔꓯ ꓟꓳ ꓟ ꓓꓳꓽ

Tuesday, December 13, 2022

Rakhine ꓗꓴꓷꓼ ꓫꓴꓺ Sittwe ꓡꓳ ꓒꓱ ꓐꓮ-ꓢꓮ ꓞꓳ ꓘꓹ ꓐꓶ ꓓꓵꓽ ꓬꓲ ꓙꓬ ꓡꓳ ꓗꓪ ꓡꓳꓹ ꓬꓰ ꓟ 2022 ꓘꓳꓼ 12 ꓦ ꓟ 12 ꓠꓬꓲ ꓕꓯ ꓤ ꓑ ꓤ ꓠꓬꓲ ꓣꓳ ꓫꓵꓻ ꓟꓳ ꓔꓯ ꓡꓳꓸ ꓟꓳ ꓐꓰ ꓞꓳ ꓘꓹ ꓗꓪ ꓟ ꓞꓳ ꓪꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=

ꓫꓵꓸꓹ ꓡꓰ ꓟ ꓞꓳ ꓟꓳ ꓠꓬꓲ ꓣꓳ ꓐꓰ ꓠꓱꓸ ꓐꓯꓼ 3 ꓣꓳ ꓠꓬ 2022 ꓘꓳꓼ 12 ꓦ ꓟ 11 ꓠꓬꓲ ꓕꓯ ꓥꓪꓸ ꓧꓪ ꓗꓪ ꓙꓰ ꓟ ꓓꓲꓼ ꓡꓲ ꓟꓳꓼ ꓡꓰ ꓟ ꓪꓴꓸ ꓠꓬꓲ ꓫꓵꓸꓹ ꓡꓰ ꓟ ꓥ ꓡꓳ ꓐꓰ ꓕꓲ ꓦꓲꓸꓹ ꓢꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=

ꓫꓵꓸꓹ ꓡꓰ ꓟ ꓤ ꓑ ꓤ ꓠꓬꓲ ꓣꓳ ꓔꓯ ꓠꓬ ꓠꓯꓺ ꓞꓲꓼ ꓦꓲꓸꓹ ꓞꓳ ꓟꓳ ꓚꓬꓹ ꓔꓶꓸ ꓗꓪ ꓡꓯꓼ ꓙꓱ ꓗꓷ ꓢꓲ ꓝꓮꓲ 3 ꓣꓳ ꓔꓯ ꓠꓬ ꓟꓽ ꓧꓪ ꓟꓶ ꓢꓰꓽ ꓐꓰ ꓬꓰ ꓙ ꓢꓴ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=