Sudan ꓗꓴꓷꓼ ꓗꓪ ꓙꓱ ꓦꓲꓻ ꓐꓬ ꓡꓰ ꓢꓲ ꓠꓬꓲ ꓑ ꓫꓬ 9 ꓣꓳ ꓟꓽ ꓞꓲ ꓫꓵꓸꓹ ꓡꓰ ꓟ ꓓꓳꓽ

Sudan ꓗꓴꓷꓼ ꓗꓪ ꓙꓱ ꓦꓲꓻ ꓐꓬ ꓡꓰ ꓢꓲ ꓠꓬꓲ ꓑ ꓫꓬ 9 ꓣꓳ ꓟꓽ ꓞꓲ ꓫꓵꓸꓹ ꓡꓰ ꓟ ꓓꓳꓽ
Sudan ꓗꓴꓷꓼ ꓗꓪ ꓐꓬꓱ ꓦꓲꓸꓹ ꓐꓬ ꓡꓰ ꓟ ꓪꓴꓸ ꓠꓬꓲ ꓑ ꓫꓬ 9 ꓣꓳ ꓟꓽ ꓞꓲ ꓫꓵꓸꓹ ꓡꓰꓳ ꓐꓰ Ai jazeera ꓓꓳꓽ ꓗꓪ ꓡꓳꓹ ꓬꓰ ꓟ 2023 ꓘꓳꓼ 7 ꓦ ꓟ 24 ꓠꓬꓲ ꓔꓯ ꓐꓳ ꓔ ꓡꓳ ꓐꓰ ꓢꓷꓸ ꓪ ꓡꓳ= 
ꓐꓬꓱ ꓦꓲꓸꓹ ꓐꓬ ꓡꓰ ꓟ ꓗꓪ ꓟꓯꓼ ꓬꓰ ꓔꓬ ꓢꓴ 4 ꓣꓳ ꓐꓰ ꓞꓳ ꓡꓱ 9 ꓣꓳ ꓫꓵꓸꓹ ꓡꓰꓳ ꓐꓰ ꓢꓷꓸ ꓪ ꓡꓳ= ꓝꓮꓲ ꓟꓽ ꓞꓲ ꓐꓬꓱ ꓦꓲꓸꓹ ꓐꓬ ꓡꓰ ꓟ ꓗꓪ ꓤ ꓠꓱ ꓤ ꓕꓲ ꓣꓳ ꓢꓯꓸ ꓔꓬ ꓢꓰ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
Sudan ꓗꓴꓷꓼ ꓗꓪ ꓙꓳ ꓟ Sudan ꓬꓲꓸꓹ ꓡꓳ ꓐꓱ ꓠꓬ ꓗꓴꓷꓼ ꓐꓱ ꓶ ꓮ ꓘꓶꓸ ꓙꓲ ꓖꓴ ꓙꓳ ꓟ ꓬꓲꓸꓹ ꓡꓳ ꓐꓱ ꓕꓲ ꓟ ꓥ ꓢꓲ꓾ Khartoum ꓡꓳ ꓒꓱ ꓓꓽ ꓟ ꓐꓱ ꓶ ꓣꓱꓽ ꓬꓯꓼ ꓟ ꓶꓸꓹ ꓤ ꓮ ꓟꓬꓹ ꓔꓯ ꓦ ꓖꓶ ꓟ ꓕꓲ ꓟ ꓟꓲ ꓥ ꓡꓳ ꓐꓰ ꓢꓷꓸ ꓪ ꓡꓳ= 
ꓡꓳꓹ ꓬꓰ ꓟ ꓕꓲ ꓙꓵꓹ ꓗꓪ ꓟꓯꓼ ꓢꓰꓼ ꓡꓯ ꓘꓳ ꓡ ꓟ ꓑꓶꓸ ꓓꓴ Sudan ꓗꓴꓷꓼ ꓗꓪ ꓑ ꓫꓬ 30000 ꓣꓳ ꓟꓽ ꓞꓲ ꓫꓵꓸꓹ ꓡꓰ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=