Synod ꓖꓪ ꓙꓱ ꓜꓲꓼ ꓓꓴ ꓗꓪ ꓐꓻ ꓢꓴ ꓐꓴ ꓟꓬꓱꓺ ꓔꓯ ꓦꓮꓔꓲꓚꓮꓠ ꓗꓪ ꓐꓰ ꓐꓯ ꓑꓶ ꓟ ꓓꓳꓽ

Synod ꓖꓪ ꓙꓱ ꓜꓲꓼ ꓓꓴ ꓗꓪ ꓐꓻ ꓢꓴ ꓐꓴ ꓟꓬꓱꓺ ꓔꓯ ꓦꓮꓔꓲꓚꓮꓠ ꓗꓪ ꓐꓰ ꓐꓯ ꓑꓶ ꓟ ꓓꓳꓽ

7 ꓦ ꓟ 7 ꓠꓬꓲ 2023 ꓘꓳꓼ ꓔꓯ ꓗ‐ꓔꓳ‐ꓡꓲ ꓘꓴ ꓜꓲꓼ ꓞꓳ ꓠꓯ ꓗꓪ ꓮ ꓟꓬ, ꓛꓲ ꓪꓴꓽ ꓡꓳ ꓬꓰ ꓟ ꓖꓪ ꓙꓱ ꓜꓲꓼ ꓓꓴ ꓕꓲ ꓟ ꓥ ꓟ ꓢꓬꓠꓳꓓ ꓖꓪ ꓙꓱ ꓜꓲꓼ ꓓꓴ ꓗꓪ ꓘꓴ ꓜꓲꓼ ꓞꓳ ꓠꓯ ꓗꓪ ꓐꓰ ꓙꓲ‐ꓢꓴ ꓢꓲꓺ ꓤ ꓤ ꓟꓶ ꓤ ꓐꓴ ꓐꓰ ꓤ ꓑ ꓤ ꓐꓴ ꓔꓯ  ꓖꓪ ꓜꓲꓼ ꓞꓳ ꓗꓪ ꓣꓳꓺ ꓚꓵ ꓔꓶ ꓗꓪ ꓐꓼ ꓠ, ꓟ ꓐꓯ ꓗꓷ ꓐꓰ ꓐꓯ ꓔ ꓡꓳ꓿

ꓦꓮꓔꓲꓚꓮꓠ ꓗꓪ ꓐꓰ ꓥ ꓟꓲ ꓛꓲ ꓡ ꓟ 10 ꓦ ꓕꓯ ꓖꓪ ꓙꓱ ꓜꓲꓼ ꓓꓴ ꓗꓪ ꓐ ꓢꓴ ꓐꓴ ꓟꓬꓱꓺ ꓔꓯ ꓐꓯ ꓑꓶ ꓗꓷ ꓐꓰ ꓐꓯ ꓔ ꓡꓳ꓿ ꓕꓱ ꓟꓬꓱꓺ ꓗꓪ ꓚꓮꓣꓓꓲꓠꓮꓡ ꓐꓴ ꓚꓳꓡꓡꓮꓖꓰ ꓢꓳꓻ ꓦꓲꓻ ꓗꓪ ꓐꓰ ꓢꓳꓻ ꓤ ꓐꓴ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓬꓰ ꓙ ꓔꓳ, ꓙ ꓢꓴ ꓐꓴ ꓐꓰ ꓔꓧꓰꓳꓡꓳꓖ ꓢꓷ. ꓠꓲ, ꓓꓽ ꓒ ꓐꓴ ꓐꓰ ꓟꓲ ꓠꓯ ꓢꓷ. ꓠꓲ, ꓙꓳˍ ꓒ ꓐꓴ ꓐ ꓡꓳ ꓐꓰ ꓐꓯ ꓔ ꓡꓳ꓿

ꓕꓱ ꓖꓪ ꓙꓱ ꓜꓲꓼ ꓓꓴ ꓗꓪ ꓠꓬ (400) ꓣꓳ ꓗꓪ ꓐꓰ ꓤ ꓠꓱ ꓤ (70) ꓣꓳ ꓥ ꓟꓲ ꓕꓱ ꓖꓪ ꓙꓱ ꓜꓲꓼ ꓓꓴ ꓗꓪ ꓐ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓖꓪ ꓙꓱ ꓜꓲꓼ ꓓꓴ ꓗꓪ ꓮ ꓟꓬ, ꓣꓳꓺ ꓚꓵ. ꓟ ꓠꓬ ꓞꓳ ꓡꓯ. ꓐꓴ ꓐꓰ ꓐꓱ ꓶ ꓟꓲ ꓖꓪ ꓙꓱ ꓜꓲꓼ ꓓꓴ ꓗꓪ ꓖꓪ ꓙꓱ ꓡꓯ ꓘꓳ, ꓓꓴ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓝꓲ ꓓꓴ (50) ꓣꓳ ꓥ ꓟꓲ ꓖꓪ ꓙꓱ ꓜꓲꓼ ꓓꓴ ꓗꓪ ꓐ ꓓꓴ ꓥꓳ ꓐꓰ ꓐꓯ ꓔ ꓡꓳ꓿  ꓴꓢꓮ ꓗꓴꓷꓼ ꓗꓪ ꓐꓰ ꓚꓮꓣꓓꓲꓠꓮꓡ ꓬꓲ. ꓫꓵꓼ ꓒꓬꓱꓼ ꓡ ꓢꓴ ꓚꓮꓣꓓꓲꓠꓮꓡ ꓟꓚ ꓰꓡꓣꓳꓬ ꓥ ꓟꓲ ꓐ ꓓꓴ ꓥ ꓡꓳ ꓐꓰ ꓦꓮꓔꓲꓚꓮꓠ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿