Time Magazine ꓗꓪ ꓐꓰ Zalensky ꓔꓯ Person of the Year ꓟꓬꓱꓺ ꓓꓳꓽ ꓖꓶ_ ꓟ ꓓꓳꓽ

• Time Magazine ꓗꓪ ꓐꓰ Zalensky ꓔꓯ Person of the Year ꓟꓬꓱꓺ ꓓꓳꓽ ꓖꓶ_ ꓟ ꓓꓳꓽ

 Time Magazine ꓗꓪ ꓐꓰ Zalensky ꓔꓯ 2022 ꓘꓳꓼ 12 ꓦ 7 ꓠꓬꓲ ꓕꓯ ꓕꓲꓽ ꓘꓳꓼ ꓘꓴꓽ ꓗꓪ ꓟꓬꓱꓺ ꓓꓳꓽ ꓞꓼ ꓓꓳ ꓙꓳ ꓢꓴ Person of the Year ꓢꓲꓻ ꓣꓴ ꓟꓬꓱꓺ ꓓꓳꓽ ꓖꓶ ꓩꓴ ꓡ ꓡꓳ=

ꓣ-ꓫ ꓡꓰ ꓟꓵꓽ ꓦꓴ ꓡ ꓟ ꓔꓯ ꓗꓴꓷꓼ ꓗꓪ ꓐꓰ ꓟꓽ ꓘꓰꓹ ꓙꓰ ꓙꓰ ꓔꓳꓹ ꓡꓯ ꓘꓳ ꓐ ꓡ ꓢꓴ ꓬꓴ-ꓗ-ꓣꓲꓸ ꓗꓴꓷꓼ ꓪꓴꓸ ꓓꓵ ꓥ ꓡꓳ ꓐꓯ ꓢꓲ ꓟꓬꓱꓺ ꓓꓳ ꓖꓶ_ ꓟ ꓥꓳ= 2022 ꓘꓳꓼ 2 ꓦ 24 ꓠꓬꓲ ꓕꓯ ꓣ-ꓫ ꓡꓰ ꓬꓴ-ꓗ-ꓣꓲꓸ ꓔꓯ ꓟꓵꓽ ꓦꓴ ꓡ ꓕꓯ ꓴꓢꓮ ꓡꓰ “ꓠꓴ ꓐꓰ ꓠꓴ ꓕꓲꓽ ꓦꓲ ꓢꓴ ꓐꓴ ꓘꓰꓹ ꓡ ꓠꓹ ꓟ ꓙꓱ ꓦꓲꓻ ꓬꓰ ꓙ ꓓꓴ ꓥꓳ” ꓐꓯ ꓡ ꓟ ꓔꓯ “ꓟꓯꓼ ꓶ ꓤ ꓢꓲ ꓜꓱꓽ ꓜꓯꓼ ꓥ꓾ ꓘꓰꓹ ꓬꓰ ꓓꓴ ꓙꓱ ꓦꓲ ꓚꓰꓹ ꓖꓴꓼ ꓓꓴ ꓟꓽ ꓜꓱꓽ ꓜꓯꓼ” ꓐꓰ ꓡꓯ ꓔꓯ ꓗꓷ ꓢꓴ ꓥ ꓡꓳ=

Time Magazine ꓗꓪ ꓠꓬ 1927 ꓘꓳꓼ ꓗꓪ ꓐꓰ ꓕꓲ ꓘꓳꓼ ꓡꓲ ꓕꓲ ꓘꓳꓼ ꓟꓬꓱꓺ ꓓꓳꓽ ꓞꓼ ꓓꓳ ꓙꓳ ꓢꓴ ꓐꓴ ꓔꓯ ꓟꓬꓱꓺ ꓓꓳꓽ ꓖꓶ ꓔꓬ ꓟ ꓥ ꓡꓳ=