Turkey ꓗꓴꓷꓼ ꓗꓪ ꓟꓵꓽ ꓙꓴꓽ ꓚꓵ, ꓟ ꓗꓪ ꓐꓰ ꓢꓯ. ꓔꓬ ꓢꓴ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓐ, ꓐ ꓪꓴ‐ꓢ ꓡꓰ ꓥꓪ ꓔꓯ ꓡꓳ. ꓙ ꓔ ꓙ ꓔꓬ ꓢꓲ ꓟ, ꓟ ꓟ‐ꓡꓲ ꓥ ꓟꓲ ꓥꓪ ꓔꓯ ꓟꓽ ꓡꓳ ꓔ ꓐꓯ ꓟ꓾

#creditphoto #After 52 hours under the rubble left by the devastating Feb. 6, 2023, earthquake in Turkey, Bassel Habkouk was rescued by a Turkish Security team. Photo courtesy of Bassel Habkouk

Monday, March 06, 2023

Turkey ꓗꓴꓷꓼ ꓗꓪ ꓟꓵꓽ ꓙꓴꓽ ꓚꓵ, ꓟ ꓗꓪ ꓐꓰ ꓢꓯ. ꓔꓬ ꓢꓴ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓐ, ꓐ ꓪꓴ‐ꓢ ꓡꓰ ꓥꓪ ꓔꓯ ꓡꓳ. ꓙ ꓔ ꓙ ꓔꓬ ꓢꓲ ꓟ, ꓟ ꓟ‐ꓡꓲ ꓥ ꓟꓲ ꓥꓪ ꓔꓯ ꓟꓽ ꓡꓳ ꓔ ꓐꓯ ꓟ꓾

2 ꓦ 7 ꓠꓬꓲ 2023 ꓘꓳꓼ ꓕꓯ Lebanon ꓗꓴꓷꓼ ꓗꓪ ꓐꓰ ꓤ ꓠꓱ ꓠꓬꓲꓽ ꓣꓳ ꓔꓬ ꓟ ꓗ‐ꓔꓳ‐ꓡꓲ ꓢꓲꓺ ꓤ ꓕꓲ ꓣꓳ ꓠꓬ Turkey ꓗꓪ ꓙꓰ ꓚꓳ ꓗꓷ ꓟ ꓥꓳ꓿ Turkey ꓗꓴꓷꓼ ꓗꓪ ꓛꓲ ꓟ ꓙꓵ, ꓟꓽ ꓟꓶ ꓫꓵˍ ꓕꓯ ꓟꓵꓽ ꓙꓴꓽ ꓚꓵ, (ꓟꓵꓽ ꓓꓵꓽ ꓟ) ꓔꓯ ꓔꓳ, ꓜꓳ ꓡꓰꓳ꓿ ꓬꓲ. ꓟꓬꓱꓺ ꓠꓬ ꓧꓮꓐꓗꓳꓴꓗ ꓟꓬꓱꓺ ꓔ ꓢꓴ ꓥ ꓡꓳ꓿

ꓟꓵꓽ ꓙꓴꓽ ꓚꓵ, ꓗꓷ ꓟ ꓪꓴ. ꓠꓬ ꓔꓴꓣꓗꓰꓬ ꓗꓴꓷꓼ ꓗꓪ ꓑ ꓫꓬ (50000) ꓣꓳ ꓟꓽ ꓛꓲ ꓫꓵꓻ ꓡꓰ ꓢꓲ ꓠꓬꓲ ꓡ ꓞꓳ ꓮ ꓟꓬ, ꓠꓻ ꓓꓴ ꓡꓰ ꓟ ꓥ ꓡꓳ꓿ ꓟꓵꓽ ꓙꓴꓽ ꓚꓵ, ꓔꓬ ꓟ ꓙꓵ, ꓕꓯ ꓧꓮꓐꓗꓳꓴꓗ ꓐꓰ ꓬꓲ. ꓛꓳꓽ ꓒꓯ, ꓐꓴ ꓠꓬ ꓦꓲꓻ ꓬꓲ. ꓐꓽ ꓢꓲ ꓗꓪ ꓙꓰ ꓗꓷ ꓟ ꓙꓵ, ꓕꓯ ꓐꓬ ꓔꓬ ꓟ ꓦꓲꓻ ꓡꓰ ꓬꓲ. ꓠꓬꓲꓽ ꓣꓳ ꓔꓯ ꓠꓬꓲ. ꓔꓲ ꓡꓰ ꓟ ꓥ ꓡꓳ꓿ ꓬꓲ. ꓛꓳꓽ ꓒꓯ, ꓠꓬ ꓬꓲ. ꓔꓯ ꓬꓰ ꓙ ꓠ, ꓟ ꓓꓰꓽ ꓗꓷ ꓥ ꓟꓲ ꓬꓲ. ꓬꓰ ꓙ ꓠ, ꓟ ꓫ. ꓔ ꓡꓳ ꓐꓰ ꓐꓯ ꓔ ꓡꓳ꓿

ꓕꓱ ꓡꓱ ꓐꓰ ꓬꓲ ꓠꓬ ꓟꓵꓽ ꓙꓴꓽ ꓚꓵ, ꓗꓷ ꓟ ꓔꓶ. ꓗꓪ (52) ꓙꓵ, ꓮ ꓫꓵꓽ ꓟꓲ ꓟꓽ ꓜ ꓢꓯ. ꓔꓬ ꓗꓷ ꓟ ꓥ ꓡꓳ꓿ ꓬꓲ. ꓠꓬ ꓟꓵꓽ ꓙꓴꓽ ꓚꓵ, ꓗꓪ ꓟ ꓪꓴ. ꓠꓬꓲ ꓦꓲꓻ ꓡꓰ ꓡꓶꓽ ꓔꓲ. ꓔꓬ ꓟ ꓙꓵ, ꓗꓪ ꓪꓴ‐ꓢ ꓔꓯ ꓪꓽ ꓘꓴ ꓢꓲ ꓠꓬꓲ ꓟ, ꓟ ꓟ‐ꓡꓲ ꓔꓯ ꓪꓽ ꓘꓴ ꓙ ꓠ, ꓟ ꓶ ꓓꓰꓽ ꓗꓷꓳ ꓐꓰ ꓐꓯ ꓔ ꓡꓳ꓿

ꓬꓲ. ꓡꓰ ꓫ. ꓕꓱ ꓔ ꓟ ꓠꓬ ꓟꓵꓽ ꓙꓴꓽ ꓚꓵ, ꓟ ꓗꓪ ꓡꓶꓽ ꓔꓲ ꓗꓷ ꓥ ꓟꓲ ꓐ, ꓐꓽ ꓪꓴ‐ꓢ ꓡꓰ ꓥꓪ ꓔꓯ ꓡꓳ. ꓙ ꓔ ꓙ ꓚꓬꓴ ꓙ ꓗꓷ ꓢꓲ ꓠꓬꓲ ꓟ, ꓟ ꓟ‐ꓡꓲ ꓥ ꓟꓲ ꓥꓪ ꓔꓯ ꓟꓽ ꓡꓳ ꓔ ꓐꓰ ꓐꓯ ꓗꓷ ꓟ ꓥ ꓡꓳ꓿ ꓔꓴꓣꓗꓰꓬ ꓗꓴꓷꓼ ꓗꓪ ꓚꓵ, ꓗꓷ ꓟ ꓟꓵꓽ ꓙꓴꓽ ꓠꓬ ꓬꓲ. ꓢꓯꓼ (8) ꓙꓳ ꓟ ꓟꓵꓽ ꓙꓴꓽ ꓥ ꓡꓳ ꓐꓰ Catholic news Agency ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿