UFC ꓓꓶꓽ ꓔꓯꓺ ꓡꓯꓽ ꓘꓳ ꓟ ꓗꓪ ꓚꓧꓲꓠ ꓞꓳ ꓫꓵꓽ ꓕꓲ ꓣꓳ ꓥ ꓟ Joshua Van ꓧꓪ. ꓡꓰ ꓟ ꓓꓳꓽ

#creditphoto #Myanmar's Joshua Van wins at UFC #Myanmar News

Monday, November 13, 2023

UFC ꓓꓶꓽ ꓔꓯꓺ ꓡꓯꓽ ꓘꓳ ꓟ ꓗꓪ ꓚꓧꓲꓠ ꓞꓳ ꓫꓵꓽ ꓕꓲ ꓣꓳ ꓥ ꓟ Joshua Van ꓧꓪ. ꓡꓰ ꓟ ꓓꓳꓽ

11 ꓦ ꓟ 12 ꓠꓬꓲ 2023 ꓘꓳ ꓕꓯ ꓴꓢꓮ ꓗꓴꓷꓼ ꓗꓪ ꓟꓬꓱꓽ ꓓꓳꓽ ꓮ ꓟꓬ, ꓙꓳ ꓟ ꓓꓶꓽ ꓔꓯꓻ ꓡꓯ ꓘꓳ ꓑꓮꓲ ꓥ ꓟ ꓴꓝꓚ ꓓꓶꓽ ꓔꓯꓻ ꓡꓯꓽ ꓟ ꓗꓪ ꓚꓧꓲꓠ ꓞꓳ ꓫꓵꓽ ꓕꓲ ꓣꓳ ꓥ ꓟ ꓙꓳꓴꓢꓧꓮꓡ ꓦꓮꓠ ꓠꓬ ꓧꓪ. ꓡꓰꓳ ꓐꓰ ꓐꓯ ꓔ ꓡꓳ꓿ ꓙꓳꓴꓢꓧꓮꓡ ꓦꓮꓠ ꓐꓰ ꓓꓶꓽ ꓔꓯꓻ ꓡꓯꓽ ꓘꓳ ꓢꓴ ꓠꓬ ꓑꓲꓣꓴ ꓗꓴꓷꓼ ꓗꓪ ꓔꓬ ꓢꓴ ꓕꓲ ꓣꓳ ꓥ ꓡꓳ꓿

ꓕꓱ ꓓꓶꓽ ꓔꓯꓻ ꓡꓯꓽ ꓘꓳ ꓑꓮꓲꓽ ꓗꓪ ꓠꓬ ꓠꓬꓲꓽ ꓧꓪ, ꓓꓶꓽ ꓗꓷ ꓟ ꓙꓵ, ꓕꓯ ꓧꓪ. ꓡꓰꓳ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ꓓꓽ ꓪꓴ. ꓕꓯ ꓙꓳꓢꓧꓮꓡ ꓦꓮꓠ ꓔꓯ ꓬꓲ ꓐꓰ ꓓꓶꓽ ꓡꓯꓽ ꓘꓳ ꓢꓴ ꓠꓬ ꓮ ꓘꓶ. ꓛꓲ ꓓꓶꓽ ꓗꓷ ꓟ ꓥ ꓟꓲ ꓙꓳꓢꓧꓮꓡ ꓠꓬ ꓮ ꓘꓶ. ꓓꓽ ꓒꓽ ꓕꓲ ꓣꓳ ꓥ ꓟ ꓪꓴ. ꓠꓬꓲ ꓧꓪ. ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓬꓲ ꓕꓱ ꓡꓰ ꓐꓰ ꓧꓪ ꓡꓰ ꓟ ꓠꓬ ꓠꓬꓲꓽ ꓧꓪ, ꓧꓪ. ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓐ ꓴꓝꓚ ꓓꓶꓽ ꓔꓯ ꓡꓯ ꓘꓳꓼ ꓗꓪ ꓟꓬ‐ꓟ ꓞꓳ ꓫꓵꓽ ꓠꓬ ꓓꓽ ꓪꓴ. ꓕꓲ ꓣꓳ ꓟ ꓥ ꓡꓳ꓿ ꓬꓲ ꓡꓰ ꓫ. ꓕꓱ ꓔ ꓟ ꓠꓬ ꓓꓽ ꓪꓴ. ꓚꓬꓴ ꓢꓲꓺ ꓒ ꓬꓰ‐ꓢꓴ ꓔꓯ ꓮ ꓘꓶ. ꓫ. ꓟꓳ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓟꓬ‐ꓟ ꓑ ꓫꓬ ꓐꓴ ꓔꓯ ꓥ ꓟꓲ ꓥꓪ ꓔꓯ ꓢꓯꓼ ꓖꓶ ꓪ ꓖꓶ ꓡ ꓟ ꓪꓴ. ꓠꓬꓲ ꓮ ꓘꓶ. ꓫ. ꓟꓳ ꓟ ꓐꓰ ꓗꓴꓷꓼ ꓢꓲ ꓡꓲ ꓟꓶ ꓠ, ꓟ ꓪꓽ ꓘꓴ ꓙ ꓔꓬ ꓟ ꓚꓱ , ꓔꓯ ꓫ. ꓕꓱ ꓗꓷ ꓡꓳ ꓐꓰ (Popular News Journal) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿