USA ꓗꓴꓷꓼ ꓗꓪ ꓗ‐ꓕꓳ‐ꓡꓲ ꓢꓲꓺ ꓤ ꓮ ꓟꓬ, ꓟꓬꓽ ꓡ ꓟ ꓓꓳꓽ

USA ꓗꓴꓷꓼ ꓗꓪ ꓗ‐ꓕꓳ‐ꓡꓲ ꓢꓲꓺ ꓤ ꓮ ꓟꓬ, ꓟꓬꓽ ꓡ ꓟ ꓓꓳꓽ

 12 ꓦ 7 ꓠꓬꓲ 2022 ꓘꓳꓼ ꓕꓯ USA ꓗꓴꓷꓼ ꓗꓪ ꓗ‐ꓕꓳ‐ꓡꓲꓗ ꓢꓲꓺ ꓤ ꓐꓴ ꓠꓬ ꓗꓳ. ꓗꓷ ꓟ (10) ꓘꓳꓼ ꓘꓴꓽ ꓗꓪ ꓐꓰ ꓠꓬꓲ. ꓠꓬꓲ ꓗꓪ ꓛꓲ 20 ꓫꓬ, ꓟꓬꓽ ꓡ ꓡꓳ ꓐꓰ ꓐꓯ ꓔ ꓡꓳ꓿

USA ꓗꓴꓷꓼ ꓫꓴꓻ ꓓ ꓟ 36 ꓟ ꓘꓴꓽ ꓗꓪ ꓐꓰ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ 620 ꓫꓬ, ꓔꓬ ꓟ ꓥ ꓡꓳ꓿ USA ꓗꓴꓷꓼ ꓘꓴꓽ ꓗꓪ ꓠꓬ ꓘꓴ ꓜꓲꓼ ꓞꓳ ꓢꓽ ꓔꓴ ꓫꓬ, ꓟꓽ ꓞꓲ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿Protestant ꓐꓯ ꓟ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓧ, ꓡꓰ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓮ ꓟꓬ, ꓔꓬ ꓥ ꓟꓲ ꓘꓴ ꓜꓲꓼ ꓞꓳ ꓕꓲꓽ ꓟ ꓐꓰ ꓕꓲꓽ ꓟ ꓠꓬ ꓟꓽ ꓪꓽ ꓡꓯ ꓘꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓠꓬ ꓕꓲꓽ ꓟˍ ꓡꓰꓽ ꓙꓳˍ ꓟ ꓪꓴ. ꓠꓬꓲ USA ꓗꓴꓷꓼ ꓘꓴꓽ ꓗꓪ ꓔꓬ ꓟ ꓗ‐ꓕꓳ‐ꓡꓲꓗ ꓢꓲꓺ ꓤ ꓐꓴ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓟꓬꓽ ꓡ ꓟ ꓔꓯ ꓡꓳ. ꓟꓳ ꓪ ꓡꓳ꓿

ꓕꓱ USA ꓗꓴꓷꓼ ꓗꓪ  ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓵꓻ ꓟꓬꓱꓺ ꓔꓯ ꓦ ꓐ ꓛꓳꓼ ꓟ ꓕꓯ ꓕꓲ ꓧꓪ, ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓪꓴ‐ꓢ ꓟꓬꓱꓽ ꓟꓯꓻ ꓔꓬ ꓢꓴ ꓐꓴ ꓡꓰ ꓡꓳ. ꓔꓬ ꓡꓳ ꓐꓰ Catholic news Agency ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿