Vatican ꓡꓳ ꓒꓱ ꓗꓪ ꓢꓲ, ꓒꓬꓽ ꓑꓶꓺ ꓖꓶ ꓑꓮꓲꓽ (Palm Sunday) ꓬꓰ ꓟ ꓓꓳꓽ

Vatican ꓡꓳ ꓒꓱ ꓗꓪ ꓢꓲ, ꓒꓬꓽ ꓑꓶꓺ ꓖꓶ ꓑꓮꓲꓽ (Palm Sunday) ꓬꓰ ꓟ ꓓꓳꓽ

4 ꓦ ꓟ 2 ꓠꓬꓲ 2023 ꓘꓳꓼ ꓕꓯ Vatican ꓡꓳ ꓒꓱ ꓗꓪ ꓢꓲ, ꓒꓬꓽ ꓑꓶꓺ ꓖꓶ ꓑꓮꓲꓽ (Palm Sunday) ꓑꓮꓲꓽ ꓔꓯ ꓗ, ꓛꓲ ꓛꓲ ꓡꓰ ꓬꓰ ꓗꓷ ꓐꓰ ꓐꓯ ꓔ ꓡꓳ꓿ ꓕꓱ ꓑꓮꓲꓽ ꓠꓬ ꓢꓲꓺ ꓒ ꓬꓰ‐ꓢꓴ ꓙꓰ‐ꓣꓴ‐ꓢ‐ꓡꓱ ꓡꓳ ꓒꓱ ꓗꓪ ꓧꓪ. ꓡꓰˍ ꓟ ꓐꓰ ꓓꓵꓽ ꓙꓰ ꓟ ꓔꓯ ꓚꓵ. ꓟꓶ ꓓꓴ ꓑꓮꓲꓽ ꓥ ꓡꓳ꓿

ꓔꓲꓺ ꓒ ꓪ ꓔꓲ Francis ꓠꓬ ꓔꓲꓺ ꓒ ꓪ ꓔꓲ ꓐꓴ ꓗꓳ ꓡꓳ ꓗꓪ ꓐꓰ ꓞꓲꓼ ꓪꓴꓽ ꓡꓳ, ꓬꓰ ꓢꓴ ꓠꓬꓲꓽ ꓣꓳ ꓕꓲ ꓣꓳ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ Francis ꓠꓬ ꓬꓲ. ꓞꓲꓼ (86) ꓘꓳꓼ ꓙꓳ ꓢꓴ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓗꓳ. ꓗꓷ ꓟ ꓕꓲ ꓫꓵꓽ ꓠꓽ ꓕꓯ ꓠꓻ ꓓꓴ ꓔꓳ, ꓜꓳ ꓡꓰ ꓥ ꓟꓲ ꓠꓻ ꓓꓴ ꓓꓽ ꓡꓰ ꓢꓲ ꓠꓬꓲ ꓑꓮꓲꓽ ꓗꓪ ꓧꓳꓽ ꓪꓴ. ꓟꓴ ꓗꓷ ꓟ ꓥ ꓡꓳ꓿

ꓝꓮꓲ  Palm Sunday ꓑꓮꓲꓽ ꓔꓯ Cardinal Charls Bo ꓡꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ St. Columban ꓪꓽ ꓘꓴ ꓦꓲꓻ ꓗꓪ ꓑꓮꓲꓽ ꓔꓯ ꓬꓰ ꓗꓷꓳ꓿ ꓕꓱ ꓑꓮꓲꓽ ꓗꓪ ꓚꓮꓣꓓꓲꓠꓮꓡ ꓡꓰ ꓐꓯ ꓟ. ꓖꓶ ꓟ ꓠꓬ ꓢꓲꓺ ꓒ ꓬꓰ‐ꓢꓴ ꓠꓬ ꓟꓲ ꓠꓯ ꓡ ꓞꓳ ꓐꓴ ꓔꓯ ꓚꓬꓴ ꓠ, ꓟ ꓟꓬꓱꓽ ꓬꓰ ꓠ, ꓟ ꓙꓱ‐ꓣꓴ‐ꓢ‐ꓡꓱ ꓗꓪ ꓙꓰ ꓗꓷ ꓟ ꓥ ꓡꓳ꓿ ꓠꓬꓲ. ꓠꓬꓲ ꓣꓳ ꓥ ꓟꓲ ꓕꓱ ꓑꓮꓲꓽ ꓔꓯ  ꓓꓵꓽ ꓙ ꓠ, ꓟ ꓬꓰ ꓔꓬ ꓟ ꓥ ꓡꓳ꓿

ꓢꓲꓺ ꓒ ꓬꓰ‐ꓢꓴ ꓡꓰ ꓣꓳ ꓟꓲ ꓠꓯ ꓞꓳ ꓤ ꓔꓯ ꓮ ꓟꓬ, ꓛꓲ ꓠꓲꓻ ꓠꓵ ꓟ ꓚꓱ, ꓔꓯ ꓓꓵꓽ ꓙ ꓠꓬꓲ ꓢꓲ ꓠꓬꓲ ꓞꓳ ꓫꓱ ꓓꓴ ꓬꓰ ꓡꓯ ꓐꓰ Cardinal ꓡꓰ ꓐꓯ ꓖꓶ ꓔ ꓡꓳ꓿