Vietnam ꓗꓪ ꓔꓬꓻ ꓦꓲꓻ ꓓꓽ ꓮꓸ ꓔꓳꓸ ꓐꓬ ꓡꓰ ꓢꓲ꓾ ꓞꓳ ꓤ ꓫꓵꓻ ꓡꓰ ꓓꓴ ꓐꓰ 70 ꓣꓳ ꓛꓲ ꓔꓯ ꓚꓬꓴ ꓙ ꓪ ꓡꓰ ꓟ꓾

Vietnam ꓗꓪ ꓔꓬꓻ ꓦꓲꓻ ꓓꓽ ꓮꓸ ꓔꓳꓸ ꓐꓬ ꓡꓰ ꓢꓲ꓾ ꓞꓳ ꓤ ꓫꓵꓻ ꓡꓰ ꓓꓴ ꓐꓰ 70 ꓣꓳ ꓛꓲ ꓔꓯ ꓚꓬꓴ ꓙ ꓪ ꓡꓰ ꓟ꓾

9 ꓦ 13 ꓠꓬꓲ ꓕꓯ ꓦꓲꓰꓔꓠꓮꓟ꓾ ꓧ-ꓠꓳꓲ ꓡꓳ ꓒꓱ ꓗꓪ ꓙꓳ ꓟ ꓔꓬꓻ ꓦꓲꓻ ꓓꓽ ꓮꓸ ꓔꓳꓸ ꓐꓬ ꓡꓰ ꓓꓴ ꓗꓷ ꓡꓰ ꓢꓲ꓾ ꓞꓳ ꓤ ꓬꓲꓸ ꓞꓲꓻ ꓣꓳ ꓫꓵꓻ ꓡꓰꓳ ꓐꓰ ꓢꓷꓸ ꓪ ꓡꓳ=

ꓮꓸ ꓔꓳꓸ ꓐꓬ ꓡꓰ ꓟ ꓠꓬ 9 ꓦ 12 ꓠꓬꓲ ꓟꓶꓽ ꓘꓶꓼ 10 ꓙꓵꓹ ꓛꓲ ꓕꓯ 10 ꓝꓸ ꓛꓲ ꓙꓳ_ ꓟ ꓔꓬꓻ ꓦꓲꓻ ꓓꓽ ꓟꓳ-ꓓꓳ ꓠꓽ ꓔꓶꓸ ꓟꓳ-ꓓꓳ ꓚꓹ ꓔꓶꓸ ꓗꓪ ꓐꓰ ꓪꓴꓸ ꓔꓴ ꓡ ꓟ ꓥꓳ ꓐꓰ ꓟꓳ ꓢꓴ ꓕꓲ ꓣꓳ ꓡꓰ ꓐꓯ ꓔ ꓡꓳ=

ꓙꓵꓽ ꓪ ꓙꓳ ꓢꓴ ꓐꓴ ꓡꓰ 70 ꓣꓳ ꓛꓲ ꓔꓯ ꓚꓬꓴ ꓙ ꓪ ꓡꓰ ꓢꓲ꓾ ꓫꓵꓻ ꓢꓴ ꓐꓴ ꓐꓰ ꓞꓳ ꓤ 54 ꓣꓳ ꓔꓯ ꓠꓯꓺ ꓞꓲꓼ ꓦꓲꓻ ꓗꓪ ꓧꓳꓽ ꓔꓯꓹ ꓖꓶ ꓟ ꓥꓳ ꓐꓰ ꓓꓳꓽ ꓗꓪ ꓐꓯ ꓔ ꓡꓳ= ꓕꓱ ꓔꓬꓻ ꓦꓲꓻ ꓓꓽ ꓠꓬ ꓙꓰ ꓓꓴ ꓟꓽ ꓢ_ ꓟ ꓔꓶꓸ ꓗꓪ ꓥ ꓟ ꓑꓶ ꓓꓴ ꓬꓰ ꓙ ꓢꓴ ꓮꓸ ꓔꓳꓸ ꓢꓰꓼ ꓜꓴꓻ ꓐꓴ ꓢꓯꓼ ꓕꓵꓼ ꓢꓲ꓾ ꓬꓰ ꓙ ꓖꓶ ꓟ ꓡꓰ ꓐꓰ 9 ꓦ 13 ꓠꓬꓲ ꓠꓯꓼ ꓙꓵꓹ ꓕꓯ ꓢꓲ ꓮꓸ ꓔꓳꓸ ꓔꓯ ꓢꓰꓼ ꓟꓶ ꓡꓰ ꓟ ꓥꓳ=

ꓖꓳ ꓗꓪ ꓠꓬ ꓞꓳ ꓤ 150 ꓣꓳ ꓛꓲ ꓔꓬ ꓟ ꓥꓳ ꓐꓰ ꓦꓲꓰꓔꓠꓮꓟ ꓙꓵꓽ ꓪ ꓙꓳ ꓢꓴ ꓡꓰ ꓐꓯ ꓔ ꓡꓳ=