Waingmaw ꓡꓳ ꓒꓱ ꓗꓪ ꓔꓳꓠꓰ‐ꓐꓮꓠꓰ ꓐꓰ ꓢꓮꓲ-ꓗꓯ ꓙꓵꓽ ꓡꓯ ꓘꓳ ꓡꓰ ꓟ ꓪꓴꓸ ꓠꓬꓲ ꓤ ꓠꓱ ꓤ ꓕꓲ ꓣꓳ ꓫꓵꓸꓹ ꓡꓰ ꓟ ꓓꓳꓽ

Tuesday, August 29, 2023

Waingmaw ꓡꓳ ꓒꓱ ꓗꓪ ꓔꓳꓠꓰ‐ꓐꓮꓠꓰ ꓐꓰ ꓢꓮꓲ-ꓗꓯ ꓙꓵꓽ ꓡꓯ ꓘꓳ ꓡꓰ ꓟ ꓪꓴꓸ ꓠꓬꓲ ꓤ ꓠꓱ ꓤ ꓕꓲ ꓣꓳ ꓫꓵꓸꓹ ꓡꓰ ꓟ ꓓꓳꓽ
ꓮ ꓟꓰ 2023 ꓘꓳꓼ 8 ꓦ ꓟ 28 ꓠꓬꓲ ꓕꓯ Waingmaw ꓡꓳ ꓒꓱ ꓗꓪ ꓔꓳꓠꓰ‐ꓐꓮꓠꓰ ꓐꓰ ꓢꓮꓲ-ꓗꓯ ꓙꓵꓽ ꓡꓯ ꓘꓳ ꓡꓰ ꓟ ꓪꓴꓸ ꓠꓬꓲ 4 ꓘꓳꓼ ꓛꓲ ꓡꓳˍ ꓟ ꓤ ꓠꓱ ꓤ ꓕꓲ ꓣꓳ ꓫꓵꓸꓹ ꓡꓰꓳ ꓐꓰ ꓢꓷꓸ ꓪ ꓡꓳ=
ꓕꓱ ꓟꓹ ꓟ ꓐꓰ ꓤ ꓠꓱ ꓤ ꓠꓬ ꓙꓲꓸꓸ ꓔꓲ ꓦꓲꓸꓹ ꓗꓪ ꓐꓰ ꓡꓽ ꓡꓹ ꓕꓯ Waingmaw ꓡꓳ ꓒꓱ Naung tar law ꓞꓳ ꓘꓹ ꓗꓪ ꓢꓮꓲ-ꓗꓯ ꓙꓵꓽ ꓡꓰ ꓟ ꓥ ꓡꓳ ꓐꓰ ꓬꓰ ꓙ ꓢꓴ ꓜꓴ ꓗꓪ ꓟ ꓙꓵꓽ ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
4 ꓘꓳꓼ ꓛꓲꓽ ꓡꓳˍ ꓟ ꓤ ꓠꓱ ꓤ ꓠꓬ ꓟꓲ-ꓚꓲ-ꓠ ꓑ ꓫꓬ ꓠꓯꓸꓹ ꓞꓲꓼ ꓦꓲꓸꓹ ꓓ ꓟ ꓗꓪ ꓛꓲ ꓬꓰ ꓕꓯ ꓫꓵꓸꓹ ꓡꓰꓳ ꓐꓰ ꓢꓷꓸ ꓪ ꓡꓳ= ꓟꓽ ꓞꓲ ꓬꓲꓸ ꓟꓹ ꓟ ꓥ ꓟꓲ ꓡꓯ ꓒꓯꓹ ꓕꓲ ꓐ ꓗꓪ ꓮ ꓘꓶꓸ ꓠꓸꓹ ꓓꓴ ꓡꓰꓳ ꓐꓰ ꓢꓷꓸ ꓪ ꓡꓳ=
Waingmaw ꓡꓳ ꓒꓱ ꓗꓪ ꓡꓳꓹ ꓬꓰ ꓟ ꓕꓲ ꓙꓵ, ꓕꓯ ꓥˍ ꓟꓲ ꓟꓳ-ꓓꓳ ꓙꓵꓽ ꓡꓯ ꓘꓳ ꓟ ꓑꓶꓸ ꓓꓴ ꓤ ꓟꓶ ꓤ ꓕꓲ ꓣꓳ ꓫꓵꓸꓹ ꓡꓰ ꓢꓲ꓾ ꓕꓲ ꓣꓳ ꓠꓸꓹ ꓓꓴ ꓡꓰ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=