Yangon ꓟꓵꓽ ꓫꓴꓺ ꓓꓽ꓾ ꓓ-ꓡ ꓡꓳ ꓒꓱ ꓗꓪ ꓡꓳꓽ ꓧꓳꓹ ꓧꓳꓹ ꓢꓲ ꓔꓬ ꓦꓲꓻ 6 ꓦꓲꓻ ꓐꓬ ꓡꓰ ꓟ ꓐꓰ ꓤ ꓟꓶ ꓤ 1 ꓣꓳ ꓫꓵꓻ ꓡꓰ ꓟ ꓓꓳꓽ

Yangon ꓟꓵꓽ ꓫꓴꓺ ꓓꓽ꓾ ꓓ-ꓡ ꓡꓳ ꓒꓱ ꓗꓪ ꓡꓳꓽ ꓧꓳꓹ ꓧꓳꓹ ꓢꓲ ꓔꓬ ꓦꓲꓻ 6 ꓦꓲꓻ ꓐꓬ ꓡꓰ ꓟ ꓐꓰ ꓤ ꓟꓶ ꓤ 1 ꓣꓳ ꓫꓵꓻ ꓡꓰ ꓟ ꓓꓳꓽ

9 ꓦ 20 ꓠꓬꓲ꓾ ꓟꓶꓽ ꓘꓶꓼ 4 ꓙꓵꓹ 30 ꓧꓶꓻ ꓛꓲ ꓕꓯ ꓟꓶꓽ ꓦ ꓓꓽ ꓟ ꓦ ꓡ ꓢꓲ꓾ Yangon ꓟꓵꓽ ꓫꓴꓺ ꓓꓽ꓾ ꓓ-ꓡ ꓡꓳ ꓒꓱ꓾ ꓢ-ꓑ-ꓚ-ꓗꓬꓮꓴꓠꓖ-ꓢꓴ ꓘꓹ ꓗꓪ ꓡꓳꓽ ꓧꓳꓹ ꓧꓳꓹ ꓟ ꓗꓪ ꓐꓰ ꓔꓬ ꓦꓲꓻ 6 ꓦꓲꓻ ꓬꓲꓻ ꓙꓬ ꓗꓪ ꓐ ꓡꓰ ꓢꓲ꓾ ꓤ ꓟꓶ ꓤ ꓕꓲ ꓣꓳ ꓫꓵꓻ ꓡꓰꓳ ꓐꓰ ꓬꓰ ꓙ ꓢꓴ ꓜꓴ ꓗꓪ ꓐꓰ ꓢꓷꓸ ꓪ ꓡꓳ=

ꓕꓱ ꓡꓱ ꓗꓷ ꓡꓰ ꓟ ꓗꓪ ꓐꓰ ꓤ ꓟꓶ ꓤ 2 ꓣꓳ ꓠꓬ ꓶꓻ ꓤ ꓔꓯ ꓣꓴ ꓔꓬ ꓕꓯ ꓬꓲꓻ ꓙꓬ ꓗꓪ ꓞꓰ ꓡꓰ ꓢꓲ꓾ 42 ꓘꓳꓼ ꓡꓳꓼ ꓡꓰ ꓟ ꓤ ꓟꓶ ꓤ ꓠꓬ ꓠꓯꓺ ꓞꓲꓼ ꓦꓲꓻ ꓗꓪ ꓠꓻ ꓫꓬꓹ ꓔꓬ ꓕꓯ ꓫꓵꓻ ꓡꓰ ꓟ ꓥꓳ ꓐꓰ ꓢꓷꓸ ꓪ ꓡꓳ=

ꓡꓳꓽ ꓧꓳꓹ ꓧꓳꓹ ꓟ ꓔꓶꓸ ꓗꓪ ꓞꓳ ꓘꓹ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓙꓻ ꓖꓶ ꓖꓶ ꓢꓲ꓾ ꓡꓳꓽ ꓧꓳꓹ ꓧꓳꓹ ꓟ ꓑ ꓕꓲ ꓗꓪ ꓔꓬ ꓟ ꓔꓬ ꓦꓲꓻ 80 ꓦꓲꓻ ꓛꓲ ꓔꓯ ꓚꓵꓸ ꓖꓶ ꓦ ꓟ ꓔꓯ ꓥ ꓟꓲ ꓢꓷꓸ ꓪ ꓡꓳ=