Yangon ꓡꓳ ꓒꓱ ꓗꓪ ꓡꓳꓹ ꓬꓰ ꓟ 3 ꓠꓬꓲ ꓬꓲ. ꓘꓴ: ꓗꓪ ꓢꓯꓼ ꓪ ꓮ ꓔꓲ. ꓤ ꓙꓳˍ ꓟ ꓟꓵꓽ ꓙꓴꓽ 4 ꓧꓪꓹ ꓚꓵ, ꓡ ꓟ ꓑꓶ. ꓓꓴ ꓑ ꓫꓬ ꓐꓴ ꓠꓲꓹ ꓟ ꓫ. ꓔꓬ ꓟ ꓓꓳ:

Yangon ꓡꓳ ꓒꓱ ꓗꓪ ꓡꓳꓹ ꓬꓰ ꓟ 3 ꓠꓬꓲ ꓬꓲ. ꓘꓴ: ꓗꓪ ꓢꓯꓼ ꓪ ꓮ ꓔꓲ. ꓤ ꓙꓳˍ ꓟ  ꓟꓵꓽ ꓙꓴꓽ 4 ꓧꓪꓹ ꓚꓵ, ꓡ ꓟ ꓑꓶ. ꓓꓴ ꓑ ꓫꓬ ꓐꓴ ꓠꓲꓹ ꓟ ꓫ. ꓔꓬ ꓟ ꓓꓳ:
 

ꓡꓳꓹ ꓬꓰ ꓟ 2023 ꓘꓳꓼ 9 ꓦ ꓟ 24 ꓠꓬꓲ ꓕꓯ Yangon Hmawbi ꓡꓳ ꓒꓱ ꓖꓴ ꓪꓴ. ꓐꓶ ꓓꓵ: ꓗꓪ ꓢꓯꓼ ꓪ ꓮ ꓔꓲ. ꓤ ꓙꓳˍ ꓟ ꓟꓵ: ꓙꓴ: 4 ꓧꓪꓹ ꓚꓵꓹ ꓗꓷꓳ ꓐꓰ ꓢꓷ. ꓪ ꓡꓳ= ꓡꓳꓹ ꓬꓰ ꓟ 2023 ꓘꓳꓼ 23 ꓠꓬꓲ ꓕꓯ 2 ꓧꓪꓹ 24 ꓠꓬꓲ ꓕꓯ ꓕꓲ ꓧꓪꓹ ꓟꓵ: ꓙꓴ: ꓚꓵꓹ ꓗꓷ ꓟ ꓥ ꓡꓳ ꓐꓰ ꓢꓷ. ꓪ ꓡꓳ=
ꓡꓳꓹ ꓬꓰ ꓟ 2023 ꓘꓳꓼ 23 ꓠꓬꓲ ꓕꓯ ꓚꓵꓹ ꓗꓷ  ꓟ ꓟꓵ:  ꓙꓴ: ꓠꓬ ꓢꓯꓼ ꓪ ꓮ ꓘꓶ. ꓟꓽ ꓙꓳ ꓥˍ ꓟꓲ ꓡ ꓠꓹ ꓟ ꓗꓪ ꓮ ꓘꓶ. ꓢꓯꓼ ꓪ ꓙꓳ_ ꓟ ꓟꓵ: ꓙꓴ: ꓚꓵꓹ ꓡ ꓓꓴ ꓔꓯ ꓑ ꓫꓬ ꓐꓴ ꓮ ꓘꓶ. ꓙꓬ ꓫ. ꓔꓬ ꓡꓳ ꓐꓰ ꓢꓷ. ꓪ ꓡꓳ=
 Yangon ꓡꓳ ꓒꓱ  ꓐꓰ Hmawbi ꓡꓳ  ꓒꓱ ꓗꓪ ꓮ ꓫꓵ: ꓑꓶ. ꓓꓴ ꓟꓵ: ꓙꓴ: ꓚꓵꓹ ꓔ ꓟ  ꓟꓽ ꓦ ꓙꓴ: ꓔꓬ ꓟ ꓔꓯ ꓢꓷ. ꓠꓹ ꓟ ꓐꓱ ꓶ ꓟꓵ: ꓘꓳꓼ ꓚꓱꓹ ꓔꓯ ꓟꓳ. ꓢꓷ. ꓠꓲꓹ ꓙꓳ ꓢꓴ ꓐꓴ ꓔꓯ ꓠ ꓠꓬꓲ ꓓꓴ ꓬꓰ ꓔꓬ ꓥ ꓟꓲ ꓙ ꓡꓯ ꓘꓳ ꓟ: ꓪ ꓢꓲ ꓐꓰ ꓢꓷ. ꓪ ꓡꓳ=
ꓡꓳꓹ ꓬꓰ ꓟ ꓕꓲ ꓙꓵꓹ ꓕꓯ ꓥˍ ꓟꓲ ꓟꓵ: ꓙꓴ: ꓚꓵꓹ ꓡ ꓟ ꓑꓶ . ꓓꓴ Maubin ꓟꓴ ꓕꓲ. ꓢꓷ. ꓠꓲꓹ ꓢꓳ ꓙꓳ ꓦꓲꓻ  ꓑꓬ ꓡꓰ ꓟ ꓥ ꓡꓳ ꓐꓰ ꓢꓷ. ꓪ ꓡꓳ=