ꓙꓵꓸꓸꓠꓲꓹ ꓑꓶꓸ ꓓꓴ ꓡꓲꓽ ꓒꓲꓼ ꓕꓽ ꓟꓶꓽ ꓡꓰ ꓝꓲ-ꓸ ꓡꓲꓽ ꓒꓲꓼ ꓑꓶꓸ ꓓꓴˍ ꓟꓲ ꓠꓴ ꓙꓵ ꓠꓲꓹ ꓔꓯꓼ ꓕꓽ ꓐꓬ ꓡꓰ ꓝꓲ-ꓸ

ꓡꓲ-ꓢꓴ ꓖꓪꓽ ꓫꓵꓽ

ꓙꓵꓸꓸ ꓠꓲꓹ ꓐꓶꓸ ꓓꓴ  ꓡꓲꓽ ꓒꓲꓼ ꓔꓯ ꓕꓽ ꓟꓶꓽ ꓡꓰ ꓝꓲ-ꓸ

ꓙꓵꓸꓸ ꓠꓲꓹ ꓐꓰ ꓘꓴ ꓜꓲꓼ ꓞꓳ ꓠꓬ ꓞꓳ ꓫꓵꓽ ꓕꓲꓽ ꓫꓵꓽ ꓗꓳ ꓡꓳ ꓗꓪ ꓓꓵꓽ ꓡˍ ꓠꓬ ꓖꓳ ꓗꓪ ꓔꓬ ꓟ ꓞꓳ ꓫꓵꓽ ꓡꓲꓽ ꓒꓲꓼ ꓐꓰ ꓬꓲꓸ ꓪ ꓙꓵꓽ ꓔꓸ ꓟ ꓔꓯ ꓢꓷꓸ ꓠ ꓗ ꓡꓳ-ꓸ ꓬꓲꓸ ꓪꓽ ꓘꓴ ꓣꓴ ꓔꓸ ꓟ ꓬꓲꓸ ꓡꓲꓽ ꓔꓯˍ ꓟꓲ ꓗꓴ-ꓗꓴ-ꓓ- ꓓꓰ ꓢꓷ ꓔꓬ ꓐꓭ ꓠꓬ ꓡꓲꓽ ꓒꓲꓼ ꓥꓹˍ ꓟꓲ ꓙꓵꓸꓸ ꓠꓲꓹ ꓚꓱ  ꓗꓪ  ꓥꓹˍ ꓟꓲ ꓪꓴꓽ ꓟꓴ ꓡ ꓥꓳ=

ꓘꓴ ꓜꓲꓼ ꓞꓳ ꓙꓵꓸꓸ ꓠꓲꓹ ꓔꓯ ꓡꓲꓽ ꓒꓲꓼ ꓐꓰ ꓬꓲꓸ ꓚꓱꓼ ꓜꓳꓽ ꓜꓳꓽ ꓪꓽ ꓫꓱꓼ ꓡꓰ ꓠ  ꓧꓳꓽ ꓪꓴꓸ ꓐ ꓡꓸˍ ꓠꓬ  ꓙꓵꓸꓸ ꓠꓲꓹˍ ꓟꓲ-ꓸ ꓡꓲꓽ ꓒꓲꓼ ꓥꓹˍ ꓟꓲ ꓜꓶ ꓫꓵ ꓡꓰ ꓥꓳ=

ꓖꓳ ꓡꓰ ꓥꓹˍ ꓟꓲ ꓖꓳ ꓟ ꓔꓯ ꓠꓴ ꓬꓰ ꓠꓹˍ ꓟ ꓓꓵꓽ ꓙ ꓔꓬ ꓐꓭ ꓠꓬ ꓘꓴ ꓜꓲꓼ ꓞꓳ ꓘꓴꓽ ꓗꓪ ꓔꓬ ꓟ ꓘꓴ ꓜꓲꓼ ꓞꓳ ꓢꓲ ꓤꓼ ꓐꓴ ꓔꓯ ꓓꓽ ꓪꓴꓸ ꓖꓪꓽ ꓙꓱ ꓢꓲꓼ ꓬꓰ ꓠ ꓗ ꓡꓳ-ꓸ ꓬꓲꓸ ꓪꓽ ꓟꓽ ꓘꓴ ꓣꓴ ꓔꓬ ꓐꓭ ꓠꓬ ꓠꓴ ꓕ ꓬꓲ-ꓸ

ꓕꓱꓽ ꓟ ꓠꓬ ꓙꓵꓸꓸ ꓠꓲꓹ ꓐꓶꓸ ꓓꓴ  ꓠꓬꓲ ꓡꓲꓽ ꓒꓲꓼ ꓟꓽ ꓟꓶꓽ ꓡꓰ ꓠꓹˍ ꓟ ꓚꓱꓼ ꓥ ꓢꓲ ꓞꓳ ꓫꓵꓽ ꓕꓲꓽ ꓫꓵꓽ ꓟꓽ ꓟꓶꓽ ꓡꓰ ꓠꓹ ꓟ ꓚꓱꓼˍ ꓟꓲ ꓥ ꓡꓳ=

ꓞꓳ ꓫꓵꓽ ꓕꓲꓽ ꓫꓵꓽ ꓠꓬ ꓬꓲꓸ ꓪꓽ  ꓣꓱꓽ ꓔꓬˍ ꓟ-ꓸ  ꓗ ꓟꓲꓽ ꓡꓲꓽ ꓒꓲꓼ ꓙꓳ ꓔꓬˍ ꓡꓳ-ꓸ ꓟꓲ ꓠꓯ ꓗꓪ ꓙꓳ ꓔꓬ ꓟ ꓞꓳ ꓫꓵꓽ ꓥ ꓕ ꓑꓳꓸ ꓠꓬ ꓚꓲꓸ ꓛꓬꓽ ꓡꓲꓽ ꓒꓲꓼ ꓗ ꓟꓲ  ꓙꓳ ꓔꓬ ꓡꓳ-ꓸ ꓗꓸꓟꓲꓽ ꓡꓲꓽ ꓒꓲꓼ ꓖꓳ ꓟ ꓔꓯ ꓕꓳꓽ ꓶ ꓗꓪ ꓐꓳ ꓔꓸ ꓢꓴˍ ꓟꓲ ꓙꓳˍꓡꓳ= ꓕꓳ ꓶ ꓐꓳ ꓔꓸˍ ꓟ ꓟꓽ ꓙꓳ ꓔꓬ ꓥˍ ꓟꓲ  ꓕꓲꓽ ꓜꓶꓽ ꓐꓰ ꓕꓲꓽ ꓜꓶꓽ ꓐꓯ ꓟꓸ ꓢꓲ ꓢꓷꓸˍ ꓟ ꓡꓲꓽ ꓒꓲꓼ ꓗ ꓟꓲꓽ ꓥꓹˍ ꓟꓲ ꓙꓳˍ ꓡꓳ-ꓸ

ꓞꓳ ꓫꓵꓽ ꓕꓲꓽ ꓫꓵꓽ ꓗ ꓟꓲꓽ ꓡꓲꓽ ꓒꓲꓼ ꓐꓯˍ ꓟ ꓗꓪ ꓠꓬ

1ꓸ ꓓꓽ ꓪꓴꓸ ꓬꓲꓸ ꓪꓽ ꓙꓵꓸꓸ ꓔꓬ ꓟ ꓙꓵꓸꓸ ꓠꓲꓹ

2ꓸ ꓕꓲꓽ ꓤꓶ ꓡꓰꓸ ꓕꓲꓽ ꓤꓶ ꓣꓱꓽ ꓡꓹˍꓟ ꓗ ꓟꓲꓽ

3ꓸ ꓫꓸ ꓕꓱ ꓘꓶꓽ ꓐꓰ ꓔꓬˍ ꓟ

4ꓸ ꓖꓪꓽ ꓫꓵꓽ

5ꓸ ꓑꓮꓲ ꓬꓰꓹˍ ꓟ (ꓙꓵꓸꓸꓠꓲꓹ ꓑꓮꓲ-ꓸ ꓞꓳ ꓫꓵ ꓑꓮꓲ) ꓐꓴ ꓥˍ ꓡꓳ=

6ꓸ ꓞꓳ ꓫꓵꓸꓸ ꓔꓯꓹ ꓢꓷꓸ ꓡꓰ ꓝꓲꓹˍ ꓟ ꓬꓲꓸ ꓐꓬꓱꓽ

7ꓸ ꓣꓱꓽ ꓫꓵꓽ ꓣꓱꓽ ꓟꓷ

8ꓸ ꓟꓳꓽ ꓖꓪꓽ ꓐꓰ ꓛꓲ ꓡꓵ ꓡꓯꓼ ꓡꓵ

9ꓸ ꓬꓲꓸ ꓡꓰꓽ -ꓸ ꓓꓵꓽ ꓙ ꓘꓴ ꓣꓴ ꓔꓸ ꓟ ꓙ ꓜꓲꓼ ꓠꓲꓹ ꓐꓰ

10ꓸ ꓞꓳ ꓫꓵꓽ ꓔꓯꓸ ꓗꓪꓽ ꓫꓵꓽ ꓔꓬˍ ꓟ ꓙꓵꓽ ꓗ ꓥ ꓡꓳ=

ꓗꓸ ꓟꓲꓽ ꓡꓲꓽ ꓒꓲꓼ ꓕꓲꓽ ꓟ ꓠꓬ ꓬꓲꓸ ꓪꓽ ꓔꓬˍ ꓟ ꓟꓵꓽ ꓐꓰ ꓧꓪ ꓜꓽ ꓧꓪ ꓓꓳ ꓔꓬ ˍꓟ ꓤꓶ ꓗꓪ ꓠꓶꓹ ꓞ ꓔꓬˍ ꓟ ꓥꓳ=

ꓡꓲꓽ ꓒꓲꓼ  ꓠꓬ ꓞꓳ ꓫꓵꓽ ꓕꓲꓽ ꓫꓵꓽ ꓥˍ ꓟ ꓚꓲꓸ ꓟꓶ ꓝꓲꓸˍ ꓟ ꓥˍ ꓠꓬꓲ ꓕꓽ ꓟꓶꓽ ꓡꓰ ꓝꓲ=

ꓥꓪ-ꓬꓳ-ꓢꓷ

Add new comment

17 + 1 =

Please wait while the page is loading