ꓪꓽ ꓡꓯꓽꓘꓳ ꓗꓴꓸ ꓔ ꓟ ꓕꓱꓹ ꓚꓵˍ ꓟ ( Dialogue with the Poor)

ꓪꓴ-ꓢ ꓠꓬ ꓟꓲ ꓠꓯ ꓞꓳ ꓤꓽ ꓔꓯ ꓕꓲꓽ ꓣꓳ ꓔꓵꓸꓼ ꓡꓰ ꓚꓰꓼ ꓔ ꓟ ꓟꓽ ꓥ= ꓕꓲꓽ ꓦꓲ ꓡꓽ ꓞꓳ ꓫꓵꓽ ꓤ ꓧꓪ ꓤ ꓬꓲ ꓜꓴ ꓬꓲ ꓟꓯꓼ ꓜꓴ ꓔꓶ ꓠꓹ ꓟ ꓣꓳ ꓒ ꓔꓲꓹ ꓗꓪ ꓠꓷꓽ ꓛꓳꓽ ꓕꓲꓽ ꓛꓳꓽ ꓘꓹ ꓖꓴꓽ ꓡꓳ ꓛꓳꓹꓐꓰ ꓪꓽ ꓡꓯꓽ ꓘꓳ ꓗꓴꓸ ꓠꓹ ꓟ ꓚꓰꓼ ꓔ ꓟ ꓥˍ ꓡꓳ=  ꓕꓲꓽ ꓣꓳ ꓐꓰ ꓕꓲꓽ ꓣꓳ ꓠꓲꓹ ꓥꓳꓹ ꓟ ꓠꓲꓹ ꓟ ꓙꓳ ꓠ ꓕꓲꓽ ꓣꓳ ꓐꓰ ꓕꓲꓽ ꓣꓳ ꓘꓳꓹ ꓣꓴ ꓐ ꓡꓹ ꓟ ꓠꓲꓹ ꓟ ꓙꓳ ꓠ꓾ ꓪꓽ ꓡꓯꓽ ꓗꓳ ꓫꓱꓹ ꓡꓯ ꓘꓳꓹ ꓟ ꓠꓲꓹ ꓟ ꓙꓳ ꓠ꓾  ꓪꓽ ꓡꓯꓽ ꓗꓳ ꓫꓱꓹ ꓡꓯꓽ ꓘꓳꓹ ꓟ ꓜꓴꓺ ꓒꓬꓱꓼ ꓡ ꓠ꓾ ꓠꓲꓹ ꓟ ꓔꓯ ꓪꓴ-ꓢ ꓡꓰ ꓗꓷ ꓔ ꓟ ꓥˍ ꓡꓳ=

 ꓕꓱ ꓡꓰ ꓬꓲ ꓜꓴ ꓬꓲ ꓟꓯꓼ ꓬꓲ ꓢꓲ ꓞꓳ ꓤꓽ ꓠꓬ ꓕꓱꓹ ꓚꓵˍ ꓟ  ꓙꓳ ꓠꓹ ꓟ ꓐꓱ ꓶ ꓢꓯꓼ ꓕꓵꓼ ꓔꓬ ꓟ ꓥ ꓪ= ꓕꓱ ꓡꓰ ꓬꓲ ꓜꓴ ꓬꓲ ꓟꓯ ꓒꓬꓱ ꓡ ꓠ ꓢꓯꓼ ꓕꓵꓼ ꓢꓲ ꓔꓬ ꓕꓯꓽ ꓰquality of human dignity ꓐꓯꓹ ꓟ  ꓞꓳ ꓤꓽ ꓟꓬꓱ ꓓꓳꓽ ꓠꓬ ꓕꓲ ꓡꓰꓸꓼ ꓙꓳ ꓥꓺ ꓐꓯ ꓟ ꓔꓯ ꓣꓱ ꓢꓲ ꓢꓯꓸ ꓔꓬ ꓟ ꓥ ꓪ= ꓖꓳ ꓟ ꓔꓱꓹ ꓚꓵˍ ꓟ ꓔꓯ ꓘꓳꓹ ꓣꓴ ꓢꓲ ꓣꓱꓽ ꓕꓯꓽ ꓢꓲ ꓠꓬꓲ꓾ ꓞꓳ ꓤꓽ ꓬꓲ ꓜꓴ ꓬꓲ ꓟꓯꓼ ꓘꓴꓽ ꓗꓪ ꓞꓳ ꓫꓵꓽ ꓒꓯꓹ ꓟ꓾ ꓞꓳ ꓒꓴ ꓞꓳ ꓠꓯ ꓒꓯꓹ ꓟ ꓤꓽ ꓑ ꓤꓽ  ꓤꓽ ꓟꓶꓼ ꓤꓽ ꓒꓯꓹ ꓟ꓾ ꓟꓴꓹ ꓟ ꓚꓯꓹ ꓟ ꓒꓯꓹ ꓟ꓾  ꓕꓱ ꓡꓰ ꓟꓽ ꓙꓳꓹ ꓟ ꓒꓬꓱꓼ ꓡꓹ ꓟ ꓥˍ ꓡꓳ=

 ꓔꓲ ꓒꓽ ꓪꓸ ꓔꓲꓸ ꓬꓳ-ꓦ 23 ꓡꓰ ꓐꓯ ꓔ ꓟ ꓠꓬ ꓗꓴꓷ ꓙꓵꓽ ꓢꓴ ꓢꓲꓽ ꓒꓽ ꓐꓴꓹ ꓐꓰ ꓑ ꓫꓬꓽ ꓠꓯꓸꓼ ꓗꓪ ꓟ ꓪꓴꓸ ꓓꓵ ꓣꓱꓽ ꓢꓴ ꓐꓴ ꓢꓷꓸ ꓠꓬꓲ ꓔ ꓟ ꓠꓬ ꓞꓳ ꓤꓽ ꓮꓽ ꓙꓵꓽ ꓠꓬ ꓕꓲꓽ ꓡꓰꓹꓼ ꓪꓽ ꓡꓰ ꓠ ꓙꓲ ꓔꓶꓹꓼ ꓟꓬꓱ ꓓꓳ ꓐꓯꓹ ꓟ ꓙꓳˍ ꓡꓳ= ꓖꓳ ꓟ ꓠꓬ ꓔꓱꓹ ꓚꓵˍ ꓟ ꓥꓹ ꓡꓳꓻ ꓐꓯ ꓟ ꓔꓯ ꓘꓳꓹ ꓣꓴ ꓠꓬꓲ ꓔ ꓥ ꓐꓰ ꓐꓯ ꓔ ꓟ ꓙꓳˍ ꓡꓳ= ꓖꓳ ꓟ ꓔꓯ ꓣꓱ ꓐ ꓡ ꓕꓯ ꓢꓲ ꓞꓳ ꓤꓽ ꓠꓯꓸꓼ ꓗꓪ ꓬꓲ ꓫꓳꓸ ꓫꓳꓽ ꓠꓱꓸ ꓐꓯꓼ ꓞꓳ ꓤꓽ ꓓꓯꓽ ꓢꓲ ꓗꓪ ꓪ  ꓒꓵꓹ ꓟ ꓙꓳ ꓥ ꓐꓰ ꓓꓵꓽ ꓙꓹ ꓟ ꓟꓽ ꓙꓳ ꓡ꓾  ꓮ ꓙꓲꓽ ꓕꓲ ꓡꓰꓹꓼ ꓪ ꓙꓲꓽ ꓪꓽ ꓙꓳˍ ꓡꓳ ꓐꓯꓹ ꓟ ꓔꓯ ꓘꓳꓹ ꓣꓴ ꓐ ꓡꓹ ꓟ ꓒꓬꓱꓼ ꓡ ꓓꓴ ꓥꓳ=                 

Add new comment

1 + 1 =