ꓡꓯꓽ ꓒꓯˍ ꓝꓸ ꓕꓯꓽ ꓤꓽ ꓑꓸ ꓤꓼ ꓚꓵ ꓚꓵ ꓐꓰ ꓤꓽ ꓟꓶꓼ ꓤꓼ ꓚꓵ ꓚꓵ ꓒꓬꓱꓼ ꓠ ꓗꓸ ꓡꓳ=

ꓡꓯꓽ ꓒꓯ ꓝꓸ ꓔꓸ ꓐꓯꓹˍꓟ ꓠꓬ ꓤꓽ ꓑꓸ ꓤꓼ ꓐꓰ ꓤꓽ ꓟꓶꓼ ꓤ ꓠꓬꓲꓽ ꓣꓳ ꓠꓯꓼˍ ꓗꓪ ꓝꓸ ꓔꓸ ꓟ ꓔꓯ ꓐꓯ ꓡꓳ ꓐꓰ ꓣ-ꓫ ꓗꓴꓷꓼ ꓗꓪ ꓬꓲꓸ ꓟꓸ ꓟꓲꓽ ꓒꓳꓹ ꓔꓸ ꓡꓳ-ꓸ

ꓣ-ꓫ ꓗꓴꓷꓼ ꓙꓵꓽ ꓗ ꓘꓴꓽ ꓠꓯꓼ ꓗꓪ ꓡꓯꓽ ꓒꓯꓹ ꓝꓸ ꓔꓸ ꓟ ꓔꓯꓸ ꓤꓽ ꓑꓸ ꓤꓼ ꓐꓰ ꓤꓽ ꓟꓶꓼ ꓤꓼ ꓚꓵ ꓚꓵ ꓝꓸ ꓔꓸ ꓟ ꓔꓯꓸ ꓘꓴ ꓣꓳ ꓔꓸ ꓡꓳ-ꓸ ꓠꓬꓲꓸ ꓠꓬꓲ ꓟ ꓦꓬꓼ ꓠꓬꓲ ꓕꓯ ꓤꓽ ꓑꓸ ꓤꓼ ꓐꓰ ꓤꓽ ꓑꓸ ꓤꓼ ꓝꓮꓲ ꓤꓽ ꓟꓶꓼ ꓤꓼ ꓐꓰ ꓤꓽ ꓟꓶꓼ ꓤꓼ ꓕꓱ ꓡꓱ ꓠꓲꓹ ꓠꓵ ꓡꓯꓼ ꓘꓳ ꓢꓲ ꓦꓲ ꓕꓴꓽ ꓔꓬ ꓢꓴ ꓮꓽ ꓟꓬꓸ ꓙꓳˍ ꓟ ꓪꓴꓸ ꓠꓬꓲ ꓕꓱ ꓡꓱ ꓦꓲ ꓕꓴꓽ ꓔꓬ ꓟ ꓔꓯ ꓣ-ꓫꓸ ꓗꓴꓷꓼ ꓘꓴꓽ ꓠꓯꓼˍ ꓗꓪ ꓟꓽ ꓘꓴ ꓣꓴ ꓐꓰꓼ ꓙꓵꓽ ꓗ ꓔꓶ ꓔꓸ ꓟ ꓥ ꓡꓳ-ꓸ

ꓤꓼ ꓠꓱ ꓤꓼ ꓐꓴ ꓠꓬ ꓐꓸ ꓐ ꓟꓸ ꓟ ꓚꓵ ꓚꓵ ꓙꓳ ꓠ ꓗˍ ꓡꓳ ꓐꓰꓼ ꓣ-ꓫꓸ ꓢꓲꓽ ꓒ ꓑꓴ-ꓔꓲꓠ ꓡꓰꓽ ꓐꓯ ꓗꓷꓳ-ꓸ

ꓬꓲꓸ ꓠꓬ 2024 ꓘꓳꓼ ꓕꓯꓽ  ꓗꓴꓷꓼ ꓢꓲꓽ ꓒ ꓙꓵꓽ ꓪꓽ ꓦꓬꓼ ꓠꓬꓲ ꓖꓴ ꓡꓰ ꓡꓹˍ ꓟ ꓪꓴꓸ ꓠꓬꓲ ꓝꓮꓲꓸ ꓙꓵꓽ ꓪꓽ ꓐꓱ ꓶ ꓓꓵꓽ ꓙ ꓔꓸ ꓟˍ ꓟꓲ ꓥꓳ ꓐꓰ ꓢꓳꓼ ꓒꓽ ꓐꓴ ꓡꓰ ꓐꓯ ꓢꓳꓼ ꓔꓬ ꓡꓳ-ꓸ

ꓪꓴ-ꓢ ꓔꓯꓼ ꓙꓵꓽˍ ꓟ ꓐꓰ ꓔꓱꓼ ꓚꓲˍ ꓟ ꓔꓯ ꓟꓽ ꓟꓶꓽ ꓠꓹˍ ꓟ ꓠꓬ ꓣꓳꓸ ꓚꓲꓹˍ ꓟ ꓥ ꓢꓲꓼ ꓚꓲꓸ ꓛꓬ ꓗꓴꓷꓼ ꓔꓯ ꓚꓬꓴˍꓔꓸ  ꓟ  ꓥ ꓡꓳ=

Source: CNA

Photo Credit