ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓖꓴ ꓟꓶꓸ ꓮꓝꓣꓲꓚꓮ ꓗꓴꓷꓼ ꓗꓪ ꓮꓸ ꓔꓳꓸ ꓐꓬ ꓡꓰ ꓓꓴ ꓔꓳꓹ ꓜꓳ ꓡꓰ ꓢꓲ꓾ ꓫꓸ ꓓꓴ ꓔꓳꓹ ꓜꓳ ꓔꓬ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓔꓬ ꓟ꓾

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓖꓴ ꓟꓶꓸ ꓮꓝꓣꓲꓚꓮ ꓗꓴꓷꓼ ꓗꓪ ꓮꓸ ꓔꓳꓸ ꓐꓬ ꓡꓰ ꓓꓴ ꓔꓳꓹ ꓜꓳ ꓡꓰ ꓢꓲ꓾ ꓫꓸ ꓓꓴ ꓔꓳꓹ ꓜꓳ ꓔꓬ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓔꓬ ꓟ꓾

ꓔꓲꓺ ꓒ ꓪ ꓔꓲ ꓠꓬ ꓖꓴ ꓟꓶꓸ ꓮꓝꓣꓲꓚꓮ ꓗꓴꓷꓼ꓾ Johannesburg ꓗꓪ 5 ꓝꓸ ꓙꓳ ꓟ ꓦꓲꓻ ꓓꓽ ꓟ ꓮꓸ ꓔꓳꓸ ꓐꓬ ꓡꓰ ꓓꓴ ꓗꓷ ꓡꓰ ꓟ ꓗꓪ ꓤ ꓠꓱ ꓤ ꓮ ꓟꓬꓹ ꓐꓰ ꓞꓳ ꓤ 70 ꓣꓳ ꓛꓲ ꓫꓵꓻ ꓡꓰ ꓟ ꓥꓳ꓾ ꓬꓲ ꓪ ꓐꓱ ꓶ ꓠꓲꓹ ꓫꓸ ꓟꓬ ꓫ ꓙ ꓔꓬ ꓡꓳ ꓐꓰ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓔꓯ ꓐꓯ ꓔ ꓡꓳ= ꓫꓸ ꓓꓴ ꓔꓳꓹ ꓜꓳ ꓢꓴ ꓐꓱ ꓶ ꓪꓽ ꓘꓴ ꓙ ꓠꓹ ꓟ ꓮ ꓙꓵ ꓔꓯ ꓘꓴ ꓔ ꓡꓳ꓾ꓬꓲ ꓪ ꓕꓲ ꓦꓲꓻ ꓢꓴ ꓐꓴ ꓐꓰ ꓕꓲ ꓪꓼ ꓠꓲꓹ ꓟ ꓫꓸ ꓙ ꓔꓬ ꓡꓳ ꓐꓰ ꓐꓯ ꓢꓲ꓾ ꓬꓰ ꓙ ꓔꓳꓹ ꓙ ꓢꓴ ꓐꓴ ꓔꓯ ꓥ ꓟꓲ ꓶꓼ ꓥꓳ ꓙꓱ ꓖꓶ_ ꓡꓳ=

8 ꓦ 31 ꓠꓬꓲ ꓠꓯꓼ 1 ꓙꓵꓹ 30 ꓧꓶꓺ ꓛꓲ ꓕꓯ ꓡꓳ ꓒꓱ ꓗꓪ 5 ꓝꓸ ꓦꓲꓻ ꓓꓽ ꓟ ꓮꓸ ꓔꓳꓸ ꓐꓬ ꓡꓰ ꓟ ꓗꓪ ꓞꓳ ꓤ 73 ꓣꓳ ꓛꓲ ꓫꓵꓻ ꓡꓰ ꓢꓲ꓾ 43 ꓣꓳ ꓛꓲ ꓠꓻ ꓓꓴ ꓡꓰ ꓟ ꓥꓳ꓾ ꓮ ꓫꓵ ꓑꓶ ꓓꓴ ꓗꓷ ꓡꓰ ꓟ ꓔꓯ ꓠꓬ ꓟꓽ ꓐꓯ ꓑꓶ ꓢꓰ ꓟ ꓥꓳ=