ꓔꓲꓺ ꓒ ꓪ ꓔꓲ ꓡꓰ Benin ꓗꓪ ꓮꓸ ꓔꓳꓸ ꓐꓬ ꓡꓰ ꓢꓲ ꓫꓵꓻ ꓢꓴ ꓐꓰ ꓫꓸ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓔꓬ ꓟ꓾

Wednesday, September 27, 2023

ꓔꓲꓺ ꓒ ꓪ ꓔꓲ ꓡꓰ Benin ꓗꓪ ꓮꓸ ꓔꓳꓸ ꓐꓬ ꓡꓰ ꓢꓲ ꓫꓵꓻ ꓢꓴ ꓐꓰ ꓫꓸ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓔꓬ ꓟ꓾

Benin ꓐꓶ ꓓꓳ ꓖꓴ ꓟꓶꓸ ꓕꓲ ꓛꓱ ꓗꓪ ꓮꓸ ꓔꓳꓸ ꓐꓬ ꓡꓰ ꓢꓲ꓾ ꓤ ꓠꓱ ꓤ ꓕꓲ ꓣꓳ ꓐꓰ ꓞꓳ ꓤ 35 ꓣꓳ ꓟꓽ ꓞꓲ ꓫꓵꓻ ꓡꓰ ꓟ ꓫꓵꓽ ꓪꓴ ꓑꓶ ꓓꓴ ꓮ ꓘꓶꓸ ꓠꓲꓹ ꓟ ꓟꓽ ꓢ ꓚꓱꓹ ꓔꓯ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓡꓳ꓾

ꓡꓳꓹ ꓬꓰ ꓟ ꓠꓽ ꓛꓳꓼ ꓠꓬꓲ 9 ꓦ 23 ꓠꓬꓲ ꓕꓯ ꓐꓰꓠꓲꓠ ꓗꓴꓷꓼ Seme-Krake ꓗꓪ ꓮꓸ ꓔꓳꓸ ꓐꓬ ꓡꓰ ꓓꓴ ꓫꓵꓽ ꓪꓴ ꓗꓷ ꓡꓰ ꓟ ꓥꓳ꓾ ꓔꓲꓺ ꓒ ꓪ ꓔꓲ ꓡꓰ “ ꓫꓵꓻ ꓡꓰ ꓢꓴ ꓐꓴ ꓢꓲ ꓡꓲꓹ ꓟ ꓟꓶ ꓝꓲ꓾ ꓠꓻ ꓓꓴ ꓡꓰ ꓢꓲ ꓠꓻ ꓫꓬꓹ ꓔꓬ ꓢꓴ ꓐꓴ ꓥ ꓟꓲ ꓠꓻ ꓫꓬꓹ ꓓ ꓡꓰ ꓝꓲ꓾ ꓕꓱ ꓫꓵꓽ ꓪꓴ ꓑꓶ ꓓꓴ ꓫꓸ ꓓꓴ ꓔꓳꓹ ꓜꓳ ꓢꓴ ꓮ ꓙꓵ ꓔꓯ ꓠꓲꓹ ꓗꓳ ꓟꓬ ꓗꓳ ꓖꓶ ꓠꓹ ꓟ꓾ ꓢꓯꓼ ꓪ ꓖꓶ ꓠꓹ ꓟ ꓐꓱ ꓶ ꓐꓰ ꓪꓽ ꓘꓴ ꓖꓶ ꓔꓬ ꓟ ꓥꓳ꓾

ꓕꓱ ꓮꓸ ꓔꓳꓸ ꓐꓬ ꓡꓰ ꓓꓴ ꓫꓵꓽ ꓪꓴ ꓠꓬ ꓮꓸ ꓔꓳꓸ ꓙꓼ ꓧꓪꓽ ꓞꓶꓻ ꓙꓵꓺ ꓗꓪ ꓐꓰ ꓗꓷ ꓡꓰ ꓟ ꓥꓳ ꓐꓰ ꓟꓳ ꓡꓰ ꓢꓴ ꓕꓲ ꓣꓳ ꓡꓰ ꓐꓯ ꓔ ꓡꓳ꓾ ꓕꓱ ꓟ ꓚꓱꓹ ꓬꓲꓸ ꓚꓰ ꓔꓯ ꓢꓷꓸ ꓠꓹ ꓟ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓡ ꓟ ꓫꓵ ꓚꓲꓸ ꓚ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=