ꓢꓰꓼ ꓡꓯꓼ ꓘꓳ_ ꓟ ꓠꓬ ꓮ ꓘꓶꓸ ꓛꓲ ꓟꓽ ꓙꓲ_ ꓟ ꓟꓬꓱꓽ꓾ ꓞꓳꓸ ꓡꓰ ꓟ ꓚꓱꓹ ꓥ ꓡꓳ꓾ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ_ ꓟ꓾

Wednesday, October 11, 2023

ꓢꓰꓼ ꓡꓯꓼ ꓘꓳ_ ꓟ ꓠꓬ ꓮ ꓘꓶꓸ ꓛꓲ ꓟꓽ ꓙꓲ_ ꓟ ꓟꓬꓱꓽ꓾ ꓞꓳꓸ ꓡꓰ ꓟ ꓚꓱꓹ ꓥ ꓡꓳ꓾ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ_ ꓟ꓾

ꓔꓲꓺ ꓒ ꓪ ꓔꓲ ꓡꓰ ꓲꓢꓣꓮꓰꓡ ꓐꓰ ꓑꓮꓡꓰꓢꓔꓲꓠꓰ ꓐꓱ ꓶ ꓪꓽ ꓘꓴ ꓙ ꓢꓲ꓾ ꓢꓰꓼ ꓡꓯꓼ ꓘꓳ ꓓꓴ ꓔꓯ ꓠꓽ ꓗꓷ ꓠꓹ ꓟ ꓠꓽ ꓫꓵ ꓠꓬꓲ ꓕꓯ ꓐꓯ ꓗꓷ ꓟ ꓥꓳ꓾ “ꓢꓰꓼ ꓡꓯꓼ ꓘꓳ_ ꓟ ꓠꓬ ꓢꓲ ꓡꓲꓹ ꓟ ꓚꓱꓹ ꓔꓯ ꓧꓪꓹ ꓟ ꓟꓽ ꓥ꓾ ꓖꓳ ꓟ ꓡꓰ ꓟꓽ ꓞꓲ ꓮ ꓫꓵ ꓝꓴꓲ ꓟꓽ ꓙꓳ ꓟ ꓑ ꓫꓬ ꓐꓴ ꓡꓰ ꓮ ꓟꓬꓹ ꓫꓵꓻ ꓟ ꓥꓳ꓾ ꓫꓸ ꓓꓴ ꓔꓳꓹ ꓜꓳ ꓔꓬ ꓟ ꓔꓯ ꓢꓷꓸ ꓡꓰ ꓓꓴ ꓬꓰ” ꓢꓰꓼ ꓡꓯꓼ ꓘꓳ_ ꓟ ꓠꓬ ꓮ ꓘꓶꓸ ꓛꓲ ꓟꓽ ꓙꓲ_ ꓟ ꓟꓬꓱꓽ꓾ ꓞꓳꓸ ꓡꓰ ꓟ ꓚꓱꓹ ꓥ ꓡꓳ꓾ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ_ ꓡꓳ꓾

ꓔꓲꓺ ꓒ ꓪ ꓔꓲ ꓞꓳ ꓤ ꓮ ꓟꓬꓹ ꓫꓵꓻ ꓡꓰ ꓟ ꓐꓰ ꓠꓻ ꓓꓴ ꓡꓰ ꓢꓴ ꓮ ꓟꓬꓹ ꓔꓬ ꓟ ꓲꓢꓣꓮꓰꓡ ꓗꓴꓷꓼ ꓓꓳꓽ ꓑꓶ ꓓꓴ ꓠꓲꓹ ꓫꓸ ꓟꓬ ꓫꓸ ꓔꓬ ꓡꓳ ꓐꓰ ꓐꓯ ꓔ ꓡꓳ꓾ ꓝꓮꓲ ꓫꓵꓻ ꓡꓰ ꓢꓴ ꓕꓲ ꓦꓲꓻ ꓡ ꓞꓳ ꓐꓴ ꓔꓯ ꓥ ꓟꓲ ꓕꓲ ꓪ ꓠꓲꓹ ꓟ ꓫꓸ ꓙ ꓔꓬ ꓡꓳ꓾ ꓮ ꓙꓵ ꓢꓴ ꓐꓱ ꓶ ꓪꓽ ꓘꓴ ꓙ ꓔꓬ ꓡꓳ꓾ ꓐꓰ ꓐꓯ_ ꓡꓳ꓾ ꓢꓲ ꓡꓲꓹ ꓠꓹ ꓟ ꓐꓱ ꓶ ꓥ ꓟꓲ ꓮ ꓙꓵ ꓔꓯ ꓐꓯ ꓗꓷ ꓟ ꓥꓳ꓾