ꓐangladesh ꓔꓱꓹ ꓫꓵꓻ ꓗꓪ ꓟꓳ-ꓓꓳ ꓗꓪꓼ ꓡꓰ ꓢꓲ 19 ꓣꓳ ꓫꓵꓸꓹ 20 ꓣꓳ ꓟ ꓞꓲ ꓠꓸꓹ ꓓꓴ ꓡꓰ ꓟ ꓓꓳꓽ

Tuesday, March 21, 2023

ꓐangladesh ꓔꓱꓹ ꓫꓵꓻ ꓗꓪ ꓟꓳ-ꓓꓳ ꓕꓲ ꓢꓶꓼ ꓗꓪꓼ ꓡꓰ ꓢꓲ 19 ꓣꓳ ꓫꓵꓸꓹ 20 ꓣꓳ ꓟ ꓞꓲ ꓠꓸꓹ ꓓꓴ ꓡꓰꓳ ꓐꓰ ꓬꓰ ꓙ ꓢꓴ ꓜꓴ ꓐꓴ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=

ꓟꓳ-ꓓꓳ ꓠꓬ ꓖꓴ ꓪꓴꓸ Calna ꓡꓳ ꓒꓱ ꓗꓪ ꓐꓰ ꓡ_ ꓟ ꓥ ꓢꓲ Shibacha ꓗꓪ ꓛꓲ ꓡ ꓕꓯ ꓗꓪꓼ ꓡꓰ ꓟ ꓥ ꓡꓳ ꓐꓰ A bu Nair ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=

ꓟꓳ-ꓓꓳ ꓫꓵꓸ ꓡ ꓢꓴ ꓐꓰ ꓞꓳ ꓤ 14 ꓣꓳ ꓫꓵꓸꓹ ꓡꓰ ꓟ ꓥ ꓢꓲ ꓫꓵꓸꓹ ꓡꓰ ꓢꓴ ꓐꓴ ꓔꓯ ꓠꓯꓸꓸ ꓞꓲꓼ ꓦꓲꓸꓹ ꓗꓪ ꓧꓳꓽ ꓩꓴ ꓬꓰ ꓕꓯ ꓗ ꓠꓯꓸ ꓢꓲ ꓗꓪ ꓥ ꓟꓲ 3 ꓣꓳ ꓫꓵꓸꓹ ꓡꓰꓳ ꓐꓰ ꓞꓳ ꓘꓹ ꓗꓪ ꓟ ꓞꓳ ꓪꓴꓽ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=

ꓟꓳ-ꓓꓳ ꓮ ꓡꓰ ꓢꓲ ꓗꓪꓼ ꓡꓰ ꓟ ꓔꓯ ꓠꓬ ꓟꓽ ꓢꓷꓸ ꓔ ꓢꓰ ꓐꓰ ꓮ-ꓐ ꓓꓳꓽ ꓗꓪ ꓐꓯ ꓔ ꓡꓳ ꓐꓰ ꓢꓷꓸ ꓪ ꓡꓳ=