ꓗ-ꓛꓲ ꓗꓴꓷꓼ ꓫꓴꓺ ꓡꓳ ꓒꓱ ꓮ ꓟꓬꓹ ꓖ ꓗꓪ ꓮ.‐ꓠꓬꓲ ꓮ‐ꓡꓳꓽ ꓮ ꓘꓶ. ꓫꓵꓻ ꓡꓰ ꓔꓬ ꓟ ꓓꓳꓽ

ꓗ-ꓛꓲ ꓗꓴꓷꓼ ꓫꓴꓺ ꓡꓳ ꓒꓱ ꓮ ꓟꓬꓹ ꓖ ꓗꓪ ꓮ.‐ꓠꓬꓲ ꓮ‐ꓡꓳꓽ ꓮ ꓘꓶ. ꓫꓵꓻ ꓡꓰ ꓔꓬ ꓟ ꓓꓳꓽ ꓡꓳ ꓬꓰ ꓟ ꓕꓲ ꓙꓵ: ꓕꓯ ꓗ-ꓛꓲ ꓗꓴꓷꓼ ꓫꓴꓺ ꓡꓳ ꓒꓱ ꓮ ꓟꓬꓹ ꓖ ꓗꓪ ꓠꓻ ꓫꓵ: ꓑꓶ. ꓓꓴ ꓮ.‐ꓠꓬꓲ ꓮ‐ꓡꓳꓽ ꓮ ꓘꓶ. ꓫꓵꓻ ꓡꓰ ꓔꓬ ꓡꓳ ꓐꓰ ꓢꓷ. ꓪ ꓡꓳ= ꓕꓱ ꓡꓱ ꓐꓰ ꓮ.‐ꓠꓬꓲ꓾ ꓮ‐ꓡꓳ ꓫꓵꓻ ꓡꓰˍ ꓟ ꓠꓬ ꓡꓯ ꓐꓲ ꓗꓪ ꓠꓻ ꓫꓵꓽ ꓔꓳꓹ ꓜꓳ: ꓡꓰ ꓟ ꓑꓶ. ꓓꓴ ꓫꓵꓻ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓗꓳ. ꓗꓷ ꓟ ꓕꓲ ꓙꓵ: ꓕꓯ ꓥ ˍꓟꓲ ꓒ‐ꓗ ꓡꓳ ꓒꓱ ꓗꓪ ꓮ.‐ꓠꓬꓲ ꓠꓻ ꓫꓵꓽ ꓑꓶ. ꓓꓴ ꓮ.‐ꓠꓬꓲ ꓮꓽ‐ꓡꓳ ꓮ ꓟꓬꓹ ꓘꓹ ꓫꓵꓻ ꓡꓰ ꓟ ꓥ ꓡꓳ ꓐꓰ ꓢꓷ. ꓪ ꓡꓳ=

ꓮ ꓟꓶ Mogaung ꓡꓳ ꓒꓱ ꓐꓰ Hpakant ꓡꓳ ꓒꓱ ꓗꓪ ꓥˍ ꓟꓲ ꓡꓯ ꓐꓲ ꓗꓪ ꓠꓻ ꓫꓵꓽ ꓑꓶ. ꓓꓴ ꓮ.‐ꓠꓬꓲ꓾ ꓮ‐ꓡꓳ ꓫꓵꓻ ꓡꓰ ꓟ 100 ꓘꓹ ꓟ: ꓛꓲ ꓙꓳ ꓗꓷ ꓐꓰ ꓠꓯꓺ ꓞꓲꓼ ꓫꓬꓹ ꓖꓶ ꓢꓴ ꓐꓴ ꓡꓰ ꓐꓯ ꓔ ꓡꓳ ꓐꓰ ꓢꓷ. ꓪ ꓡꓳ= ꓠꓻ ꓫꓵꓽ ꓠꓻ ꓔꓬ ꓟ ꓮ.‐ꓠꓬꓲ ꓮꓽ‐ꓡꓳ ꓔꓯ ꓗꓽ ꓕꓽ ꓠ, ꓟ ꓠꓯꓺ ꓞꓲꓼ ꓞꓼ ꓞꓼ ꓟꓽ ꓫꓬ, ꓖꓶ ꓡ ꓠꓬ ꓮ.‐ꓠꓬꓲ ꓮ‐ꓡꓳ ꓮ ꓟꓬ, ꓫꓵꓻ ꓡ ꓓꓴ ꓙꓳ ꓡꓳ ꓐꓰ ꓐꓯ ꓔ ꓡꓳ ꓐꓰ ꓙꓵ: ꓪ ꓙꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ= ꓗꓳ. ꓗꓷ ꓟ 1997 ꓘꓳꓼ ꓕꓯ ꓥ ꓟꓲ ꓕꓱ ꓡꓱ ꓠꓻ ꓫꓵ: ꓠꓻ ꓡ ꓟ ꓑꓶ. ꓑꓶ. ꓓꓴ ꓮ.‐ꓠꓬꓲ ꓮ‐ꓡꓳ ꓮ ꓟꓬꓹ ꓫꓵꓻ ꓡꓰ ꓟ ꓥ ꓡꓳ ꓐꓰ ꓢꓷ. ꓪ