ꓧꓶ: ꓶꓻ ꓡꓯꓼ ꓟꓬꓱꓽ ꓬꓰ ꓢꓴ ꓐꓴ ꓡꓰ ꓤꓸ-ꓛꓵꓸ ꓒꓵꓽ ꓮ ꓘꓶ. ꓖꓶ ꓔꓬ ꓟ ꓑꓶ. ꓓꓴ Putao ꓡꓳ ꓒꓱ ꓗꓪ ꓔꓬ ꓟ ꓑ ꓫꓬ ꓐꓴ ꓤꓸ- ꓛꓵ ꓮ ꓘꓶ. ꓧꓪ ꓔꓬ ꓟ ꓓꓳ:

ꓧꓶ: ꓶꓻ ꓡꓯꓼ ꓟꓬꓱꓽ ꓬꓰ ꓢꓴ ꓐꓴ ꓡꓰ ꓤꓸ-ꓛꓵꓸ ꓒꓵꓽ ꓮ ꓘꓶ. ꓖꓶ ꓔꓬ ꓟ ꓑꓶ. ꓓꓴ Putao ꓡꓳ ꓒꓱ ꓗꓪ ꓔꓬ ꓟ ꓑ ꓫꓬ ꓐꓴ ꓤꓸ- ꓛꓵ ꓮ ꓘꓶ. ꓧꓪ ꓔꓬ ꓟ ꓓꓳ:

ꓧꓶ: ꓶꓻ ꓡꓯꓼ ꓟꓬꓱꓽ ꓬꓰ ꓢꓴ ꓐꓴ ꓡꓰ ꓤꓸ- ꓛꓵꓸ ꓒꓵꓽ ꓮ ꓘꓶ. ꓖꓶ ꓔꓬ ꓟ ꓑꓶ. ꓓꓴ Putao ꓡꓳ ꓒꓱ ꓐꓰ ꓞꓳ ꓘꓹ ꓮ ꓟꓬꓹ ꓗꓪ ꓟ ꓑ ꓫꓬ ꓐꓴ ꓤꓸ- ꓚꓵꓸ ꓮ ꓘꓶ. ꓧꓪ ꓔꓬ ꓡꓳ ꓐꓰ ꓢꓷ. ꓪ ꓡꓳ= ꓕꓲ ꓚꓲꓸ ꓔꓯ ꓡꓳ ꓟꓲ ꓒꓴ 5 ꓫꓬꓹ ꓖꓶ ꓔꓬ ꓟ ꓑꓶ. ꓓꓴ Putao ꓡꓳ ꓒꓱ ꓗꓪ ꓔꓬ ꓟ ꓑ ꓫꓬ ꓐꓴ ꓤ-ꓚꓵ ꓔꓯ ꓮ ꓘꓶ. ꓧꓪ ꓔꓬ ꓟ ꓥ ꓡꓳ ꓐꓰ ꓞꓳ ꓪꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷ. ꓪ ꓡꓳ= ꓡꓳꓹ ꓬꓰ ꓟ 2022 ꓘꓳꓼ ꓕꓯ ꓠꓬ ꓤ-ꓚꓵꓸ ꓕꓲ ꓚꓲꓸ ꓔꓯ ꓡꓳ ꓟꓲ ꓒꓴ 3 ꓫꓬꓹ ꓛꓲ ꓡꓰ ꓖꓶ ꓔꓬ ꓥˍ ꓟꓲ ꓮ ꓟꓶ ꓟ 2023 ꓘꓳꓼ ꓕꓯ ꓠꓬ 5 ꓫꓬꓹ ꓛꓲ ꓖꓶ ꓡ ꓔꓬ ꓟ ꓪꓴ. ꓠꓬꓲ Putao ꓡꓳ ꓒꓱ ꓗꓪ ꓔꓬ ꓟ ꓑ ꓫꓬ ꓐꓴ ꓠꓬ ꓤ-ꓚꓵꓸ ꓔꓯ ꓮ ꓘꓶ. ꓢꓯꓼ ꓕꓵꓼ ꓢꓲ꓾ ꓧꓪ ꓔꓬ ꓟ ꓥ ꓡꓳ ꓐꓰ ꓢꓷ. ꓪ ꓡꓳ= ꓕꓱ ꓤ-ꓚꓵꓸ ꓔꓯ ꓪꓴ: ꓔꓬ ꓢꓴ ꓠꓬ ꓧꓶꓽ ꓒ ꓐꓴ ꓥ ꓢꓲ꓾ ꓠꓯꓺ ꓞꓲꓼ ꓫꓬꓹ ꓔ ꓟ ꓗꓪ ꓣꓱ: ꓔꓬ ꓫꓵ ꓥ ꓡꓳ ꓐꓰ ꓢꓷ. ꓪ ꓡꓳ= Putao ꓡꓳ ꓒꓱ ꓗꓪ ꓠꓬ 10 ꓗꓪ ꓐꓰ 12 ꓦ ꓗꓪ ꓛꓲ ꓤ-ꓚꓵꓸ ꓔꓯ ꓧꓪ ꓔꓬ ꓟ ꓥ ꓢꓲ꓾ ꓡꓳꓹ ꓬꓰ ꓟ 2019 ꓘꓳꓼ ꓗꓪ ꓐꓰ ꓪꓴ. ꓔꓴ ꓢꓲ꓾ ꓧꓶ: ꓶꓻ ꓡꓯꓼ ꓟꓬꓱꓽ ꓬꓰ ꓢꓴ ꓐꓴ ꓡꓰ ꓬꓲ. ꓒꓵꓽ ꓮ ꓟꓬꓹ ꓖꓶ ꓢꓲ꓾ ꓪꓴꓺ ꓔꓬ ꓟ ꓑꓶ. ꓓꓴ Putao ꓡꓳ ꓒꓱ ꓗꓪ ꓔꓬ ꓢꓴ ꓑ ꓫꓬ ꓐꓴ ꓤ-ꓚꓵꓸ ꓔꓯ ꓧꓪ ꓢꓴ ꓮ ꓘꓶ. ꓟꓬ ꓡ ꓔꓬ ꓡꓳ ꓐꓰ ꓢꓷ. ꓪ ꓡꓳ=