ꓑꓴꓔꓮꓳ ꓖ‐ꓟꓶ‐ꓓꓲ ꓗꓪ ꓦꓻ ꓟꓲ ꓟꓽ ꓙꓼ ꓒꓵꓽ ꓮ ꓘꓶ. ꓓꓯ ꓡ ꓟ ꓪꓴ. ꓠꓬꓲ ꓦꓻ ꓟꓲ ꓬꓰ ꓜ ꓢꓴ ꓐꓴ ꓮ ꓘꓶ. ꓫ. ꓔꓬ ꓟ ꓓꓳꓽ

ꓑꓴꓔꓮꓳ ꓖ‐ꓟꓶ‐ꓓꓲ ꓗꓪ ꓦꓻ ꓟꓲ ꓟꓽ ꓙꓼ ꓒꓵꓽ ꓮ ꓘꓶ. ꓓꓯ ꓡ ꓟ ꓪꓴ. ꓠꓬꓲ ꓦꓻ ꓟꓲ ꓬꓰ ꓜ ꓢꓴ ꓐꓴ ꓮ ꓘꓶ. ꓫ. ꓔꓬ ꓟ ꓓꓳꓽ

5 ꓦ ꓟ 13 ꓠꓬꓲ 2023 ꓘꓳꓼ ꓕꓯ ꓑꓴꓔꓮꓳ ꓖ‐ꓟꓶ‐ꓓꓲ ꓗꓪ ꓦꓻ ꓟꓲ ꓟꓽ ꓙꓼ ꓒꓵꓽ ꓮ ꓘꓶ. ꓓꓯꓻ ꓡ ꓟ ꓪꓴ. ꓠꓬꓲ ꓦꓻ ꓟꓲ ꓬꓰ ꓜ ꓢꓴ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓦꓻ ꓟꓲ ꓟꓽ ꓙꓼ ꓒꓵꓽ ꓓꓯꓻ ꓡ ꓟ ꓪꓴ. ꓠꓬꓲ ꓮ ꓠꓬꓲꓽ ꓔꓯ ꓣꓱ ꓢꓲ ꓠꓬꓲ ꓦꓻ ꓟꓲ ꓟꓽ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓦꓻ ꓟꓲ ꓟꓽ ꓙꓼ ꓒꓵꓽ ꓠꓬ ꓗꓳ. ꓗꓷ ꓟ ꓘꓳꓼ ꓕꓯ ꓢꓲ ꓓꓯꓻ ꓡ ꓟ ꓪꓴ. ꓠꓬꓲ ꓦꓻ ꓟꓲ ꓬꓰ ꓜ ꓢꓴ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓡꓳ꓿

ꓖ‐ꓟꓶ‐ꓓꓲ ꓗꓪ ꓑ ꓫꓬ ꓐꓴ ꓣꓱ ꓔꓬ ꓟ ꓙꓼ ꓮ ꓟꓬ, ꓠꓬ ꓧꓶꓽ ꓗꓴꓷꓼ ꓗꓪ ꓐꓰ ꓡ ꓟ ꓙꓼ ꓥ ꓢꓲ ꓠꓬꓲ ꓕꓱ ꓦꓻ ꓟꓲ ꓟꓽ ꓙꓼ ꓠꓬ ꓠꓬꓲ ꓘꓳꓼ ꓢ ꓘꓳꓼ ꓣꓱ ꓗꓷ ꓗ. ꓠꓯ ꓟꓽ ꓙꓲꓻ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓦꓻ ꓟꓲ ꓟꓽ ꓬꓰ ꓠꓬ ꓟꓽ ꓓ ꓞꓳ ꓕꓲ ꓦꓲꓻ ꓜ ꓓꓴ ꓥ ꓟ ꓪꓴ. ꓠꓬꓲ ꓦꓻ ꓟꓲ ꓬꓰ ꓒꓵꓽ ꓟꓽ ꓙꓳˍ ꓟꓲ ꓙꓼ ꓥꓪ. ꓢꓲ ꓠꓬꓲ ꓦꓻ ꓟꓲ ꓬꓰ ꓔꓬ ꓟ ꓥ ꓡꓳ ꓐꓰ ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓡꓳ꓿ ꓗꓳ. ꓗꓷ ꓟ ꓘꓳꓼ ꓕꓯ ꓦꓻ ꓟꓲ ꓟꓽ ꓙꓼ ꓠꓬ 7 ꓫꓬ, ꓒꓯꓼ ꓗꓪ ꓐꓰ ꓞꓲꓼ ꓠꓲ, ꓠꓬ 15 ꓫꓬ, ꓒꓯ, ꓙꓳˍ ꓡꓰꓳ꓿ ꓖꓳ ꓟ ꓡꓱ ꓟꓽ ꓞꓲ ꓧꓪꓽ ꓢꓶꓻ ꓒꓵꓽ ꓥ ꓟꓲ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓓꓯꓻ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓟ ꓥ ꓡꓳ꓿

ꓑꓴꓔꓮꓳ ꓡꓳ ꓒꓱ ꓗꓪ ꓔꓬ ꓟ ꓑ ꓫꓬ ꓮ ꓟꓬ, ꓠꓬ ꓦꓻ ꓟꓲ ꓬꓰ ꓜ ꓢꓴ ꓐꓴ ꓥ ꓡꓳ꓿ ꓗꓴꓷꓼ ꓫꓵꓽ ꓪꓴ ꓠꓻ ꓫꓵꓽ ꓑꓶ. ꓓꓴ ꓶꓻ ꓤ ꓒꓵꓽ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓓꓯꓻ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓜ ꓓꓴ ꓓꓳꓻ ꓓꓴ ꓮ ꓘꓶ. ꓫ. ꓔꓬ ꓟ ꓥ ꓡꓳ ꓐꓰ (The 74 Media ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿