ꓟꓬ‐ ꓟ ꓕꓳꓽ ꓶ ꓐꓳ ꓒꓽ ꓓꓽ ꓮ‐ꓚꓬꓲ‐ꓓꓮꓪ ꓫꓵꓻ ꓟ ꓓꓳꓽ

ꓟꓬ‐ ꓟ ꓕꓳꓽ ꓶ ꓐꓳ ꓒꓽ ꓓꓽ ꓮ‐ꓚꓬꓲ‐ꓓꓮꓪ ꓫꓵꓻ ꓟ ꓓꓳꓽ

11 ꓦ ꓟ 9 ꓠꓬꓲ 2022 ꓘꓳꓼ ꓟꓶꓽ ꓘꓶꓼ 8ꓽ00 ꓙꓵ, 30 ꓧꓶ, ꓕꓯ ꓟꓬ‐ꓟ ꓗꓴꓷꓼ ꓗꓪ ꓐꓰ ꓕꓳꓽ ꓶ ꓐꓳ ꓒꓽ ꓓꓽ ꓮ‐ꓚꓬꓲ‐ꓓꓮꓪ ꓠꓬ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱꓽ ꓡꓳ, ꓬꓰꓳ ꓐꓰ ꓢꓷ. ꓪ ꓡꓳ꓿ꓕꓳꓽ ꓶ ꓐꓳ ꓒꓽ ꓓꓽ ꓮ‐ꓚꓬꓲ‐ꓓꓮꓪ ꓠꓬ ꓗꓳ. ꓗꓷ ꓟ 9 ꓦ ꓕꓯ ꓠꓻ ꓓꓴ ꓔꓳ, ꓜꓳꓽˍ ꓟ ꓪꓴ. ꓠꓬꓲ ꓕꓮꓲ, ꓗꓴꓷꓼ ꓗꓪ ꓠꓻ ꓫꓬ, ꓢꓲ ꓠꓬꓲ ꓟꓬ‐ꓟ ꓗꓴꓷꓼ ꓗꓪ ꓬꓲꓼ ꓡ ꓗꓷꓳ꓿

ꓝꓮꓲ ꓬꓲ ꓠꓬ ꓬ‐ꓖꓳꓥ ꓡꓳ ꓒꓱ ꓗꓪ ꓝꓮꓲ ꓠꓻ ꓫꓬ, ꓔꓬ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳꓽ ꓓꓱ ꓡꓳ, ꓬꓰ ꓟ ꓥ ꓡꓳ꓿ ꓕꓳꓽ ꓶ ꓐꓳ ꓒꓽ ꓮ‐ꓚꓬꓲ‐ꓓꓮꓪ ꓠꓬ ꓞꓳ ꓡꓱ ꓞꓳ ꓡꓯ. ꓐꓴ ꓐꓱ ꓶ ꓢꓷ. ꓠꓲ, ꓪ ꓠ, ꓟ ꓕꓳꓽ ꓶ ꓮ ꓟꓬ, ꓔꓯ ꓐꓳ ꓖꓶ ꓢꓴ ꓥ ꓡꓳ꓿ ꓬꓲ ꓠꓬ ꓟꓬ‐ꓟ ꓗꓴꓷꓼ ꓘꓴꓽ ꓗꓪ ꓮ ꓟꓬ, ꓟꓬꓱꓺ ꓓꓳꓽ ꓙꓳˍ ꓟ ꓕꓳꓽ ꓶ ꓐꓳ ꓒꓽ ꓕꓲ ꓣꓳ ꓥ ꓡꓳ꓿ ꓬꓲ ꓡꓰ ꓐꓳ ꓔ ꓟ ꓕꓳꓽ ꓶ ꓔꓯ ꓢꓯ. ꓐꓬꓱꓽ ꓓꓱꓽ ꓢꓴ ꓐꓴ ꓡꓰ ꓢꓯ. ꓐꓬꓱꓽ ꓮ ꓟꓬ, ꓓꓱꓽ ꓔ ꓟ ꓥ ꓡꓳ꓿ ꓟꓬ‐ꓟ ꓕꓳꓽ ꓶ ꓐꓳ ꓒꓽ ꓓꓽ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱꓽ ꓡꓳ, ꓬꓰ ꓟ ꓪꓴ. ꓠꓬꓲ ꓟꓬ‐ꓟ ꓑ ꓫꓬ ꓐꓴ ꓮ ꓟꓬ, ꓠꓲ, ꓟ ꓟꓽ ꓢ ꓔꓬ ꓟ ꓔꓯ Facebook ꓗꓪ ꓐꓳ ꓔ ꓟ ꓔꓯ ꓡꓳ. ꓟꓳ ꓪ ꓡꓳ꓿