ꓑꓴꓔꓮꓳ ꓡꓳ ꓒꓱ ꓗꓪ ꓧꓪꓽ ꓫꓵꓽ ꓧꓪꓽ ꓙꓰ ꓬꓲꓸ ꓧꓪꓽ ꓮ ꓟꓬꓹ ꓪꓴꓽ ꓡ ꓔꓬ ꓟ ꓓꓳꓽ

Tuesday, March 28, 2023

ꓑꓴꓔꓮꓳ ꓡꓳ ꓒꓱ ꓗꓪ ꓧꓪꓽ ꓫꓵꓽ ꓧꓪꓽ ꓙꓰ ꓬꓲꓸ ꓧꓪꓽ ꓮ ꓟꓬꓹ ꓪꓴꓽ ꓡ ꓔꓬ ꓟ ꓓꓳꓽ
ꓗꓮꓚꓧꓲꓠ ꓗꓴꓷꓼ ꓫꓴꓸꓸ ꓑꓴꓔꓮꓳ ꓡꓳ ꓒꓱ ꓠꓯꓼ ꓠꓯꓼ ꓙꓲꓸꓸ ꓔꓲ ꓦꓲꓸꓹ ꓗꓪ ꓧꓪꓽ ꓫꓵꓽ ꓧꓪꓽ ꓙꓰ ꓬꓲꓸ ꓧꓪꓽ ꓮ ꓘꓶꓸ ꓪꓴꓽ ꓡ ꓔꓬ ꓡꓳ ꓐꓰ ꓞꓳ ꓘꓹ ꓢꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ= ꓮ ꓟꓶ ꓕꓱ ꓡꓱ ꓙꓲꓸꓸ ꓔꓲ ꓦꓲꓸꓹ ꓗꓪ ꓪꓴꓽ ꓡ ꓟ ꓧꓪꓽ ꓫꓵꓽ ꓧꓪꓽ ꓙꓰ ꓔꓯ ꓠꓬ ꓑꓴꓔꓮꓳ ꓐꓰ Machanbaw ꓗꓪ ꓐꓰ ꓧꓪ ꓢꓲ ꓪꓴꓽ ꓡ ꓟ ꓥ ꓡꓳ ꓐꓰ ꓞꓳ ꓘꓹ ꓗꓪ ꓟ ꓟꓳ ꓢꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=
ꓑꓴꓔꓮꓳ ꓡꓳ ꓒꓱ ꓠꓬ ꓪꓽ ꓡꓰ ꓕꓲ ꓚꓳ ꓡꓱꓼ ꓗ ꓦ ꓟ ꓥ ꓢꓲ꓾ ꓢꓲ ꓡꓲꓹ ꓗꓹ ꓛꓲ ꓟ ꓟꓵꓽ ꓥ ꓟ ꓡꓰ ꓐꓰ ꓪ ꓙꓵꓽ ꓖꓳ ꓟꓵꓽ ꓗꓪ ꓧꓪꓽ ꓫꓵꓽ ꓧꓪꓽ ꓙꓰ ꓥ ꓟꓲ ꓮ ꓘꓶꓸ ꓔꓬ ꓟ ꓟꓵꓽ ꓥ ꓡꓳ= ꓕꓱ ꓡꓱ ꓧꓪꓽ ꓫꓵꓽ ꓧꓪꓽ ꓙꓰ ꓟꓽ ꓟꓶꓽ ꓡꓰ ꓠꓹ ꓟ ꓐꓱ ꓶ ꓟꓵꓽ ꓘꓳꓼ ꓚꓱꓹ ꓔꓯ ꓡꓳꓸ ꓢꓴ ꓔꓬ ꓠ ꓗꓹ ꓡꓳ꓾ ꓟꓽ ꓥ ꓠꓬ ꓧꓪꓽ ꓫꓵꓽ ꓧꓪꓽ ꓙꓰ ꓐꓴ ꓥ ꓟꓲ ꓟꓶꓽ ꓡꓰ ꓡ ꓥꓳ ꓐꓰ ꓞꓳ ꓘꓹ ꓗꓪ ꓟ ꓞꓳ ꓪꓴ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ=