ꓑꓴ-ꓔ-ꓳ ꓗꓪ ꓮꓸ ꓔꓳꓸ ꓟꓽ ꓡ ꓟ ꓠꓬ 3 ꓠꓽ ꓛꓲꓺ ꓙꓳ ꓡ ꓔꓬ ꓠꓬꓲ ꓑ ꓫꓬ ꓐꓴ ꓫꓸ ꓙꓵ ꓔꓬ ꓟ

Monday, August 01, 2022

ꓗ-ꓛꓲ ꓗꓴꓷꓼ ꓫꓴ꓾ ꓑꓴ-ꓔ-ꓳ ꓡꓳ ꓒꓱ ꓗꓪ ꓮ ꓔꓳꓸ ꓟꓽ ꓡ ꓟ ꓠꓬ 3 ꓠꓽ ꓗꓪ ꓛꓲꓺ ꓙꓳ ꓡ ꓔꓬ ꓠꓬꓲ ꓑ ꓫꓬ ꓐꓴ ꓫꓸ ꓓꓴ ꓔꓳꓹ ꓜꓳꓽ ꓔꓬ ꓟ ꓔꓯ ꓐꓰ ꓡꓳ ꓒꓱ ꓗꓪ ꓔꓬ ꓟ ꓑ ꓫꓬ ꓐꓴ ꓗꓪ ꓐꓰ ꓢꓷꓸ ꓪ ꓟ ꓥ ꓡꓳ=

ꓕꓱ ꓕꓲ ꓛꓱꓽ ꓗꓪ ꓮ ꓔꓳꓸ ꓟꓽ ꓡ ꓟ ꓮ ꓟꓶ ꓠꓬ 3 ꓠꓽ ꓛꓲꓺ ꓙꓳˍꓳ= ꓮ ꓘꓶꓸ ꓠꓽ ꓟꓶ ꓫꓵ ꓡꓰꓳ= ꓥꓪ ꓠꓴ ꓑ ꓙˍ ꓟ ꓠꓬ ꓮ ꓔꓳꓸ ꓖꓶˍ ꓟ ꓮ ꓔꓳꓸ ꓙꓼ ꓕꓲ ꓢꓶꓽ ꓐꓬ ꓡꓰꓳ꓾ ꓐꓰ ꓑ ꓙˍ ꓡꓳ= ꓙꓼ ꓖꓳ ꓟ ꓔꓯ ꓫꓬꓹ ꓠꓹ ꓟ ꓐꓱ ꓶ ꓙꓼ ꓢꓷꓸ ꓠꓲꓹ ꓢꓷꓸ ꓢꓴ ꓟꓽ ꓙꓳ ꓠꓬꓲ ꓮ ꓟꓶ ꓟ ꓡꓰ ꓮ ꓔꓳꓸ ꓟꓽ ꓡ ꓗꓷ ꓡꓰ ꓟ ꓥ ꓡꓳ꓾ ꓐꓰ ꓑꓴ-ꓔ-ꓳ ꓑ ꓫꓬ ꓕꓲ ꓣꓳ ꓡꓰ ꓐꓯ ꓡꓳ=

ꓝꓮꓲ ꓬꓲ ꓡꓰ ꓝꓸ ꓢꓲ ꓠꓬꓲ ꓥꓪ ꓠꓴ ꓑꓴ-ꓔ-ꓳ ꓗꓪ ꓠꓬ ꓡꓳ ꓒꓱ ꓘꓴꓽ ꓗꓪ ꓡꓰꓽ ꓮ ꓔꓳꓸ ꓪˍ ꓟ ꓥ ꓢꓲ꓾ ꓡꓳ ꓒꓱ ꓐꓰ ꓶꓽˍ ꓟ ꓞꓳ ꓘꓹ ꓤ ꓗꓪ ꓠꓬ ꓮ ꓔꓳꓸ ꓟꓽ ꓟꓶ ꓢꓰꓽ= ꓟꓬꓽ ꓠꓬꓲ ꓠꓬ ꓠꓬꓲꓸ ꓠꓬꓲ ꓗꓪ ꓛꓲ ꓢꓳ-ꓡ ꓮ ꓔꓳꓸ ꓐꓰ ꓐꓯ-ꓕ-ꓣꓲ ꓔꓯ ꓡꓰꓽ ꓣꓱꓽ ꓔꓬ ꓪˍ ꓟ ꓥ ꓡꓳ꓾ ꓐꓰ ꓡꓳ ꓒꓱ ꓗꓪ ꓑ ꓫꓬ ꓕꓲ ꓣꓳ ꓡꓰ ꓐꓯ ꓖꓶ ꓔ ꓟ ꓗꓪ ꓐꓰ ꓢꓷꓸ ꓪ ꓟ ꓥ ꓡꓳ=