Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓑ-ꓠ-ꓓꓰ ꓡꓳ ꓒꓱ ꓐꓰ ꓞꓳ ꓘꓹ ꓗꓪ ꓠꓯꓸꓸ ꓞꓲꓼ ꓦꓲꓸꓹ ꓟꓽ ꓙꓳ ꓟ ꓪꓴꓸ ꓠꓬꓲ ꓢꓲꓹ ꓚꓵꓺ ꓠꓯꓸꓸ ꓞꓲꓼ ꓗꓪ ꓐꓰ ꓫꓬꓹ ꓔꓬ ꓟ ꓓꓳꓽ
ꓑ-ꓠ-ꓓꓰ ꓡꓳ ꓒꓱ ꓐꓰ ꓞꓳ ꓘꓹ ꓗꓪ ꓠꓯꓸꓸ ꓞꓲꓼ ꓦꓲꓸꓹ ꓟꓽ ꓙꓳ ꓟ ꓪꓴꓸ ꓠꓬꓲ ꓢꓲꓹ ꓚꓵꓺ ꓠꓯꓸꓸ ꓞꓲꓼ ꓗꓪ ꓐꓰ ꓫꓬꓹ ꓔꓬ ꓟ ꓓꓳꓽ
ꓗꓮꓚꓧꓲꓠ ꓗꓴꓷꓼ ꓫꓴꓸꓸ ꓑꓴꓔꓮꓳ ꓡꓳ ꓒꓱ ꓑ-ꓠ-ꓓꓰ ꓡꓳ ꓒꓱ ꓗꓪ ꓐꓰ ꓕꓲ ꓫꓵꓽ ꓠ ꓛꓲ ꓙ ꓖꓴ ꓫꓱꓽ ꓛꓲ ꓟ ꓞꓳ ꓘꓹ ꓗꓪ ꓠꓯꓺ ꓞꓲꓼ ꓪꓴꓸꓸ ꓔꓶꓸ ꓐꓰ ꓠꓯꓸꓸ ꓞꓲꓼ ꓦꓲꓸꓹ ꓟꓽ ꓙꓳ ꓟ ꓪꓴꓸ ꓠꓬꓲ ꓞꓳ ꓘꓹ ꓗꓪ ꓟ ꓑ ꓫꓬ ꓐꓴ ꓢꓲꓹ ꓚꓵꓺ ꓠꓯꓸꓸ ꓞꓲꓼ ꓗꓪ ꓐꓰ ꓠꓸꓹ ꓡ ꓕꓯ ꓥ ꓟꓲ ꓫꓬꓹ ꓔꓬ ꓡꓳ ꓐꓰ ꓢꓷꓸ ꓪ ꓡꓳ-
ꓡꓳꓹ ꓬꓰ ꓟ ꓕꓲ ꓙꓵꓹ ꓗꓪ ꓠꓬ ꓠꓯꓸꓸ ꓞꓲꓼ ꓫꓬꓹ ꓖꓶ ꓢꓴ ꓡ ꓢꓲ꓾ ꓫꓬꓹ ꓖꓶ ꓡ ꓥ ꓟꓲ ꓮ ꓟꓶ ꓠꓬ ꓠꓯꓸꓸ ꓞꓲꓼ ꓫꓬꓹ ꓖꓶ ꓢꓴ ꓟꓽ ꓡ ꓟ ꓪꓴꓸ ꓠꓬꓲ ꓞꓳ ꓘꓹ ꓗꓪ ꓟ ꓑ ꓫꓬ ꓐꓴ ꓮ ꓘꓶꓸ ꓫꓸ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=ꓠꓯꓸꓸ ꓞꓲꓼ ꓦꓲꓸꓹ ꓗꓪ ꓛꓲ ꓠꓹ ꓟ ꓕꓲ ꓫꓵꓽ ꓠ ꓛꓲ ꓙ ꓖꓴ ꓫꓱꓽ ꓠ ꓗꓹ ꓟ ꓥ ꓢꓲ ꓙ ꓖꓴ ꓙꓰ ꓒꓴꓽ ꓥ ꓟꓲ ꓮ ꓘꓶꓸ ꓟꓷ ꓡꓰˍ ꓟ ꓪꓴꓸ ꓠꓬꓲ ꓕꓲ ꓧꓶꓸ ꓤ ꓠꓯꓸꓸ ꓞꓲꓼ ꓦꓲꓸꓹ ꓗꓪ ꓙꓰ ꓠꓹ ꓟ ꓮ ꓘꓶꓸ ꓫꓸ ꓔ ꓡꓳ ꓐꓰ ꓢꓷꓸ ꓪ ꓡꓳ=
ꓠꓯꓸꓸ ꓞꓲꓼ ꓪꓴꓸꓸ ꓢꓴ ꓥ ꓟꓲ ꓟꓽ ꓔꓬ ꓟ ꓑꓶ ꓓꓴ ꓞꓳ ꓘꓹ ꓗꓪ ꓟ ꓑ ꓫꓬ ꓐꓴ ꓠꓬ ꓑ-ꓠ-ꓓꓰ ꓐꓰ ꓠ-ꓟ ꓗꓪ ꓙꓰ ꓪ ꓕꓯ ꓢꓲ꓾ ꓣꓱꓽ ꓬꓯꓼ ꓟ ꓠꓯꓸꓸ ꓞꓲꓼ ꓪꓴꓸꓸ ꓤ ꓢꓲ ꓣꓱꓽ ꓔꓬ ꓡꓳ ꓐꓰ ꓢꓷꓸ ꓪ ꓡꓳ= ꓑ-ꓠ-ꓓꓰ ꓡꓳ ꓒꓱ ꓗꓪ ꓐꓰ ꓕꓲ ꓫꓵꓽ ꓠ ꓛꓲ ꓙ ꓖꓴ ꓫꓱꓽ ꓠ ꓗꓹ ꓟ ꓗꓪ ꓞꓳ ꓘꓹ 10 ꓘꓹ ꓛꓲ ꓙꓳ ꓟ ꓥ ꓢꓲ꓾ ꓙ ꓖꓴ ꓮ ꓘꓶꓸ ꓫꓸ ꓔ ꓟ ꓑꓶ ꓓꓴ ꓟꓶꓽ ꓦ ꓦ ꓝꓲꓸ ꓕꓯ ꓟꓬ ꓠꓬꓲ ꓫꓸ ꓔ ꓡꓳ ꓐꓰ ꓢꓷꓸ ꓪ ꓡꓳ=
ꓖꓳ ꓟ ꓡꓰ ꓟ ꓞꓲ ꓗ-ꓡ-ꓑ ꓡꓳ ꓒꓱ ꓗꓪ ꓟ ꓞꓳ ꓘꓹ ꓕꓲ ꓐꓱ ꓥ ꓟꓲ ꓞꓳ ꓘꓹ ꓘꓴꓽ ꓗꓪ ꓠꓯꓸꓸ ꓞꓲꓼ ꓦꓲꓸꓹ ꓟꓽ ꓙꓳ ꓟ ꓪꓴꓸ ꓠꓬꓲ ꓠꓯꓸꓸ ꓞꓲꓼ ꓦꓲꓸꓹ ꓙꓳ ꓟ ꓗ-ꓡ-ꓑ ꓡꓳ ꓒꓱ ꓑ ꓫꓬ ꓠꓯꓸꓸ ꓞꓲꓼ ꓦꓲꓸꓹ ꓗꓪ ꓙ ꓖꓴ ꓫꓱꓽ ꓢꓲ ꓠꓯꓸꓸ ꓞꓲꓼ ꓫꓬꓹ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=
Add new comment