ꓓꓳꓽ

1ꓸ ꓢꓲꓺ ꓡꓲꓹ ꓐꓱ ꓶ ꓢꓯꓼ ꓔꓬ ꓢꓴ ꓐꓴ ꓡꓰ ꓔꓲꓺ ꓒꓽ ꓪꓸ ꓔꓲ ꓝꓣꓮꓠꓚꓲꓢ ꓔꓯ ꓴꓗꓣꓮꓲꓠꓰ ꓗꓴꓷ ꓗꓪ ꓢꓰꓼ ꓡꓯꓽ ꓘꓳˍ ꓟ ꓟꓽ ꓒꓬꓱꓼ ꓡ ꓠˍ ꓟ ꓐꓱ ꓶ ꓬꓰ ꓙ ꓡꓯꓻ ꓐꓰ ꓓꓰˍ ꓟ ꓓꓳꓽ

1 ꓦ 30 ꓠꓬꓲ ꓕꓯꓢꓲꓺ ꓡꓲꓹ ꓐꓱ ꓶ ꓢꓯꓼ ꓔꓬ ꓢꓴ ꓐꓴ ꓡꓰ ꓔꓲꓺ ꓒꓽ ꓪꓸ ꓔꓲ ꓝꓣꓮꓠꓚꓲꓢ ꓔꓯ ꓴꓗꓣꓮꓲꓠꓰ ꓗꓴꓷ ꓗꓪ ꓢꓰꓼ ꓡꓯꓽ ꓘꓳˍ ꓟ ꓟꓽ ꓒꓬꓱꓼ ꓡ ꓠˍ ꓟ ꓐꓱ ꓶ ꓬꓰ ꓙ ꓡꓯꓻ ꓐꓰ ꓓꓰ ꓡꓳ ꓡꓰꓳ= ꓴꓗꓣꓮꓲꓠꓰ ꓗꓴꓷꓼ ꓔꓯ ꓣꓴꓢꓲꓮ ꓗꓴꓷꓼ ꓡꓰ ꓟꓵꓽ ꓦꓳ ꓠˍ ꓟ ꓐꓰ ꓢꓰꓼ ꓡꓯꓽ ꓘꓳ ꓓꓶꓽ ꓡꓯꓽ ꓘꓳ ꓓꓴ ꓙꓽ ꓖꓶꓽ ꓔꓬˍ ꓟ ꓥˍ ꓡꓳ= ꓔꓲꓺ ꓒꓽ ꓝꓣꓮꓠꓚꓲꓢ ꓔꓯ ꓓꓰ ꓢꓴ ꓐꓴ ꓠꓬ ꓢꓴ ꓐꓴ ꓠꓬ ꓔꓲꓺ ꓒꓽ ꓪꓸ ꓔꓲ ꓡꓰ ꓐꓯ ꓡꓳꓹ ꓬꓲ ꓟ “ꓢꓲꓺ ꓡꓲꓹ ꓟ ꓠꓬ ꓞꓳ ꓤꓽ ꓪ ꓙꓵꓽ ꓪꓽ ꓥˍ ꓡꓳ” ꓐꓯ ꓘꓶꓽ ꓔꓯ ꓐꓳ ꓔꓯꓹ ꓔ ꓢꓲ ꓓꓰˍ ꓟ ꓥˍ ꓡꓳ= ꓪꓴꓸ ꓓꓵ ꓣꓱꓽ ꓢꓴ ꓧꓰꓠꓠꓲꓠꓖ ꓜꓲꓰꓣꓳꓚꓗ ꓡꓰ ꓐꓯˍ ꓟ ꓠꓬ “ꓔꓲꓺ ꓒꓼ ꓪꓸ ꓔꓲ ꓠꓬ ꓢꓲꓺ ꓡꓲꓹ ꓗꓶ ꓡꓰ ꓠꓹ ꓟ ꓬꓰ ꓐ ꓡ ꓢꓴ ꓠꓯꓸꓼ ꓗꓪ ꓟ ꓟꓽ ꓓ ꓬꓳꓸ ꓚꓵˍ ꓢꓴ ꓥˍ ꓡꓳ” ꓐꓰ ꓐꓯ    

2ꓸ ꓟꓯꓼ ꓢꓲꓽ ꓒꓽ ꓐꓴ ꓡꓰ ꓗꓴꓷ ꓙꓵꓽ ꓪꓽ ꓔꓯ ꓦꓳꓺ ꓣꓴꓺ ꓔ ꓟ ꓕꓲꓽ ꓘꓳꓼ ꓐꓲˍ ꓟ ꓦꓬꓼ ꓠꓬꓲ ꓗꓪ ꓔꓲꓺ ꓒꓽ ꓪꓸ ꓔꓲ ꓝꓣꓮꓠꓚꓲꓢ ꓡꓰ ꓟꓬꓮꓠꓟꓮꓣ ꓗꓴꓷ ꓢꓲꓺ ꓡꓲꓹ ꓗꓶ ꓡꓰ ꓠꓹ ꓟ ꓪꓽ ꓘꓴ ꓙˍ ꓟ ꓓꓳꓽ

2 ꓦ 1 ꓠꓬꓲ ꓕꓯ ꓟꓯꓼ ꓢꓲꓽ ꓒꓽ ꓐꓴ ꓡꓰ ꓗꓴꓷ ꓙꓵꓽ ꓪꓽ ꓔꓯ ꓦꓳꓺ ꓣꓴꓺ ꓔ ꓟ ꓕꓲꓽ ꓘꓳꓼ ꓐꓲˍ ꓟ ꓦꓬꓼ ꓠꓬꓲ ꓗꓪ ꓔꓲꓺ ꓒꓽ ꓪꓸ ꓔꓲ ꓠꓬ ꓟꓬꓮꓠꓟꓮꓣ ꓗꓪ ꓝꓴꓲꓸ ꓟꓽ ꓙꓳ ꓢꓴ ꓑ ꓫꓬꓽ ꓐꓴ ꓐꓱ ꓶ ꓐꓰ ꓟꓬꓮꓠꓟꓮꓣ ꓗꓴꓷꓼ ꓢꓲꓺ ꓡꓲꓹ ꓐꓰ ꓗꓶ ꓡꓰ ꓠꓹ ꓟ ꓐꓱ ꓶ ꓪꓽ ꓘꓴ ꓙ- ꓡꓳ ꓐꓰ ꓦꓮꓔꓲꓚꓮꓠ ꓓꓳ ꓗꓪ ꓐꓯ ꓔ ꓡꓳ= ꓔꓲꓺ ꓒꓽ ꓪꓸ ꓔꓲ ꓠꓬ 2017ꓹ 11 ꓦ ꓟ 27- 30 ꓗꓪ ꓛꓲ ꓟꓬꓮꓠꓟꓮꓣ ꓗꓴꓷ ꓗꓪ ꓛꓲ ꓡ ꓠꓬꓲ ꓢꓴ ꓥˍ ꓡꓳ=

3ꓸ ꓟꓶꓽ ꓦ ꓮꓽ ꓘꓶꓸ ꓦˍ ꓟ ꓪꓴꓸ ꓠꓬꓲ ꓑꓮꓠꓖ-ꓪ ꓡꓳꓺ ꓒꓱ ꓗꓪ ꓪꓽ ꓔꓲ ꓡˍ ꓟ ꓓꓳꓽ

ꓮꓽ ꓟꓲ 2 ꓦ ꓟ 2 ꓠꓬꓲ ꓕꓯ ꓛꓳꓽ ꓟꓵꓽ ꓥˍ ꓠꓬ ꓮ-ꓒꓴꓸ ꓟꓵꓹ ꓑꓮꓠꓖ-ꓪ ꓡꓳꓺ ꓒꓱ ꓗꓪ ꓪꓽ ꓔꓲ ꓡˍ ꓡꓳ ꓐꓰ ꓐꓯˍ ꓡꓳ= ꓡꓳꓹ ꓬꓰ ꓟ ꓕꓲꓽ ꓘꓳꓼ ꓗꓪ ꓠꓬ ꓑꓮꓠꓖ-ꓪ ꓗꓪ ꓪꓽ ꓔꓲ ꓡꓹ ꓟ ꓟꓽ ꓙꓳ= ꓞꓲ ꓠꓲꓹ ꓠꓬ ꓮꓽ ꓟꓬ ꓧꓪꓹ ꓔꓬ ꓡˍ ꓟ ꓥ_ ꓡꓳ= ꓪꓽ ꓔꓯ ꓡꓳ ꓖꓪ ꓠꓲꓹ ꓫꓵ ꓢꓴ ꓥˍ ꓟꓲ ꓮꓽ ꓟꓬ ꓡˍ ꓡꓳ ꓐꓯˍ ꓟ ꓓꓳ ꓑ ꓙꓽ ꓪˍ ꓡꓳ=