ꓣꓦꓮ ꓡꓲ-ꓢꓴ ꓓꓳꓽ

1ꓸꓔꓲꓺ ꓒꓽ ꓪꓸ ꓔꓲꓸ ꓝꓣꓮꓠꓚꓲꓢ ꓡꓰ ꓞꓳ ꓔꓲ ꓟ ꓐꓴ ꓔꓯ ꓞꓳ ꓜꓴ ꓟꓲꓽ ꓙꓬ ꓗꓪ ꓢꓲꓽ ꓫꓬ ꓕꓳ ꓶꓽ ꓵ ꓠꓹ ꓟ ꓐꓰ ꓪꓴ-ꓢ ꓟꓸ ꓟꓲꓽ ꓟꓸ ꓠꓹ ꓟ ꓙꓵꓽ ꓪꓽ ꓖꓶˍ ꓟ

ꓡꓳꓹ ꓬꓰ ꓟ ꓠꓽ ꓕꓲꓽ ꓠꓬꓲ 1 ꓦ ꓟ 24 ꓠꓬꓲ ꓕꓯ ꓔꓲ ꓒꓽ ꓪꓸ ꓔꓲꓸ ꓝꓣꓮꓠꓚꓲꓢ ꓡꓰ ꓞꓳ ꓔꓲ ꓟ ꓐꓴ ꓔꓯ ꓞꓳ ꓜꓴ ꓟꓲꓽ ꓙꓬ ꓗꓪ ꓢꓲꓽ ꓫꓬ ꓕꓳꓽ ꓶ ꓵ ꓠꓹ ꓟ ꓐꓰ ꓪꓴ-ꓢ ꓟꓸ ꓟꓲꓽ ꓟꓸ ꓠꓹ ꓟ ꓙꓵꓽ ꓪꓽ ꓖꓶ ꓗꓷꓳ= ꓡꓳꓹ ꓬꓰ ꓟ ꓙꓵ ꓗꓪ ꓘꓴ ꓜꓲꓼ ꓞꓳ ꓘꓴꓽ ꓗꓪ ꓤꓽ ꓟꓶꓽ ꓤꓼ ꓐꓴ ꓢꓲꓽ ꓫꓬ ꓕꓳꓽ ꓶ ꓵˍ ꓟ ꓙꓳ ꓥˍ ꓟꓲ (           ) ꓐꓯˍ ꓟ ꓙꓵꓽ ꓪꓽ ꓗꓼ ꓖꓶꓽ ꓔ ꓟ ꓠꓽ ꓟꓽ ꓥ= ꓧꓶꓸ ꓕꓯꓽ ꓗꓪ ꓵ ꓝꓲˍ ꓟ ꓙꓳ ꓥˍ ꓟꓲ ꓙꓲꓽ ꓪꓽ ꓗꓼ ꓖꓶ ꓔ ꓟ ꓟꓽ ꓙꓳ= ꓖꓳꓲꓠꓢꓔꓲꓔꓴꓔꓲꓳꓠꓮꓡ ꓣꓰꓚꓳꓣꓖꓠꓲꓔꓲꓳꓠ ꓐꓯˍ ꓟ ꓙꓵꓽ ꓪꓽ ꓕꓲꓽ ꓝꓸ ꓓꓳ ꓡꓰ ꓠꓬ ꓕꓲꓽ ꓝꓸ ꓖꓶˍ ꓟ ꓙꓳˍ ꓡꓳ= ꓘꓴ ꓜꓲꓼ ꓞꓳ ꓠꓯꓸꓼ ꓗꓪ ꓙꓵꓽ ꓪꓽ ꓮꓽ ꓟꓬꓹ ꓝꓸ ꓙꓳˍ ꓡꓳ= ꓮꓚꓳꓡꓬꓔꓰ (ꓪꓽ ꓘꓴ ꓙꓵꓹ ꓗꓪ ꓔꓲꓺ ꓒꓽ ꓔꓯ ꓣꓱꓽ ꓙ ꓢꓴ) ꓡꓰꓚꓔꓳꓣ(ꓢꓲꓽ ꓫꓬ ꓕꓳꓽ ꓶ ꓔꓯ ꓵ ꓠꓹ ꓟ ꓙꓵꓽ ꓪ) ꓓꓰꓮꓚꓳꓠ ( ꓟꓬꓱꓽ ꓙ ꓒꓽ) ꓑꓣꓲꓰꓢꓔ (ꓔꓲꓺ ꓒꓽ ) ꓐꓲꓢꓧꓳꓑ ( ꓔꓲꓺ ꓒꓽ ꓪꓴꓸ ꓓꓵ ꓣꓱ ꓢꓴ) ꓐꓰ ꓕꓱ ꓡꓰ ꓙꓳˍ ꓡꓳ=

2. India ꓗꓪ ꓟꓬꓱ ꓓꓳꓽ ꓙꓳˍ ꓟ ꓢꓲꓽ ꓒꓽ ꓐꓴ ꓡꓰ ꓵ ꓣꓳ ꓟꓽ ꓟꓬꓽ ꓟ ꓞꓳ ꓫꓵꓽ ꓐꓰ ꓘꓴ ꓜꓲꓼ ꓞꓳ ꓢꓲ ꓤꓼ ꓔꓯ ꓢꓰꓼˍ ꓟ ꓔꓯ ꓟꓽ ꓠꓲꓹ ꓫꓵˍ ꓟ ꓢꓷꓸ ꓡꓰ ꓝꓲˍ ꓟ

ꓘꓴꓷꓼ ꓞꓳ ꓫꓵꓼ ꓑꓮꓲꓽ ꓦꓬꓼ ꓠꓬꓲ ꓗꓪ ꓲꓠꓓꓲꓮ ꓗꓪ ꓟ ꓟꓬꓱ ꓓꓳꓽ ꓙꓳ ꓢꓴ 34 ꓣꓳ ꓡꓰ Karnataka ꓗꓪ ꓟ ꓬꓱꓽ ꓢꓲꓺ ꓒꓽ ꓚꓰ Basavaraj Bommai ꓔꓯ ꓵ ꓣꓳ ꓟꓽ ꓟꓬꓽ ꓟ ꓞꓳ ꓫꓵꓽ ꓐꓰ ꓘꓴ ꓜꓲꓼ ꓞꓳ ꓢꓲ ꓤꓼ ꓔꓯ ꓢꓰꓼˍ ꓟ ꓔꓯ ꓟꓽ ꓠꓲꓹ ꓫꓵˍ ꓟ ꓢꓷꓸ ꓡꓰ ꓕꓳꓽ ꓶ ꓡꓯꓽ ꓫꓵ ꓕꓲꓽ ꓚꓳ ꓖꓶ ꓗꓷꓳ= Karnataka ꓗꓪ ꓠꓬ ꓵ ꓣꓳ ꓟꓽ ꓟꓬꓽ ꓟ ꓞꓳ ꓫꓵꓽ ꓐꓰ ꓘꓴ ꓜꓲꓼ ꓞꓳ ꓢꓲ ꓤꓼ ꓔꓯ ꓠꓲꓹ ꓜꓳˍ ꓟ ꓐꓰ ꓢꓰꓼˍ ꓟ ꓬꓰˍ ꓕꓲ ꓔꓳꓸ ꓥˍ ꓡꓳ=

3ꓸ ꓟꓬꓮꓠꓟꓮꓣ ꓗꓴꓷ ꓑꓮꓔꓧꓰꓲꓠ ꓔꓲꓺ ꓒꓽ ꓓ ꓙꓵꓽ ꓔꓶꓸ ꓗꓪ ꓫꓸ ꓔꓬꓹ ꓢꓴ ꓔꓯ ꓔꓳꓹ ꓙ ꓜꓴ ꓞꓽ ꓞꓽ ꓒꓴ ꓔ ꓟ

ꓬꓮꓠꓟꓮꓣ ꓗꓴꓷ ꓑꓮꓔꓧꓰꓲꓠ ꓔꓲꓺ ꓒꓽ ꓓ ꓙꓵꓽ ꓔꓶꓸ ꓗꓪ ꓔꓲꓺ ꓒꓽ ꓐꓴ ꓐꓰ ꓟꓵꓽ ꓩꓵꓽ ꓟꓵ ꓡꓳꓸ ꓢꓴ ꓮꓽ ꓟꓬꓸ ꓜꓲꓼ ꓢꓲ ꓫꓸ ꓔꓬꓹ ꓢꓴ ꓔꓯ ꓔꓳꓹ ꓙ ꓜꓴ ꓞꓽ ꓞꓽ ꓒꓴ ꓗꓷꓳ= ꓘꓴꓷꓼ ꓫꓵꓽ ꓪꓴ ꓐꓰ ꓚꓳꓦꓲꓓ ꓠ ꓫꓵꓽ ꓪꓴꓸ ꓠꓬꓲ ꓫꓸ ꓓꓴ ꓟꓶ ꓓꓴ ꓮꓽ ꓟꓬꓹ ꓔꓳ ꓜꓳ ꓔꓬˍ ꓡꓳ= 2022 ꓘꓳꓼ ꓟ ꓬꓲ ꓘꓴꓽ ꓗꓪ ꓔꓳꓹ ꓙ ꓜꓴ ꓮꓽ ꓙꓵꓽ ꓕꓯ ꓢꓲ ꓢꓯꓼ ꓕꓵꓼ ꓐ ꓡ ꓠꓹ ꓟ ꓐꓰ ꓧꓳꓽ ꓪꓴ ꓐ ꓡ ꓠꓹ ꓟ ꓢꓯꓼ ꓕꓵ ꓔꓬˍ ꓟ ꓥˍ ꓡꓳ=