ꓔꓲ..ꓒ ꓪ ꓔꓲ Francis ꓠꓬ Rwanda ꓬꓲꓻ ꓙꓬ ꓙꓵ: ꓟꓶ. ꓟ ꓗꓪ ꓐꓰ ꓫ. ꓙꓵ ꓔꓬ ꓢꓴ ꓐꓴ ꓐꓱ ꓶ ꓪ: ꓘꓴ ꓙ ꓔꓬ ꓟ ꓓꓳ:

ꓔꓲ..ꓒ ꓪ ꓔꓲ Francis ꓠꓬ Rwanda ꓬꓲꓻ ꓙꓬ ꓙꓵ: ꓟꓶ. ꓟ ꓗꓪ ꓐꓰ ꓫ. ꓙꓵ ꓔꓬ ꓢꓴ ꓐꓴ ꓐꓱ ꓶ ꓪ: ꓘꓴ ꓙ ꓔꓬ ꓟ ꓓꓳ: ꓔꓲ..ꓒ ꓪ ꓔꓲ Francis ꓠꓬ Rwanda ꓬꓲꓻ ꓙꓬ ꓙꓵ: ꓟꓶ. ꓟ ꓗꓪ ꓐꓰ ꓫ. ꓙꓵ ꓔꓬ ꓢꓴ ꓑ ꓫꓬ ꓐꓴ ꓐꓱ ꓶ ꓪ ꓘꓴ: ꓙ ꓔꓬ ꓡꓳ ꓐꓰ ꓢꓷ. ꓪ ꓡꓳ= ꓕꓱ ꓡꓱ ꓬꓲꓻ ꓙꓬ ꓙꓵ: ꓡ ꓧꓳꓹ ꓧꓳꓹ ꓡ ꓟ ꓪꓴ. ꓠꓬꓲ ꓞꓳ ꓤ 130 ꓣꓳ ꓟ: ꓞꓲ ꓫꓵꓻ ꓡꓰ ꓟ ꓥ ꓡꓳ ꓐꓰ ꓢꓷ. ꓪ ꓡꓳ=

ꓖꓳ ꓟ ꓡꓰ ꓐꓰ ꓟ: ꓞꓲ ꓞꓳ ꓦꓲꓻ ꓮ ꓟꓬꓹ ꓥ ꓟꓲ ꓬꓲꓻ ꓙꓬ ꓗꓪ ꓐ ꓡꓰ ꓟ ꓑꓶ. ꓓꓴ ꓑ ꓫꓬ ꓐꓴ ꓠꓱ. ꓐꓯꓼ ꓕꓲ ꓖ ꓗꓪ ꓚꓵ. ꓠ ꓗꓷ ꓡꓰꓳ ꓐꓰ ꓢꓷ. ꓪ ꓡꓳ= ꓔꓲ..ꓒ ꓪ ꓔꓲ Francis ꓡꓰ ꓐꓯ ꓟ ꓠꓬ Rwanda ꓡꓳ ꓒꓱ ꓖꓴ ꓪꓴ. ꓕꓲ ꓛꓱ ꓗꓪ ꓫꓵꓻ ꓢꓴ ꓟꓶ ꓡꓰ ꓢꓴ ꓐꓰ ꓐꓬ ꓡꓰ ꓟ ꓮ ꓟꓬꓹ ꓔꓳꓹ ꓜꓳ ꓔꓬ ꓢꓴ ꓐꓴ ꓐꓱ ꓶ ꓥ ꓟꓲ ꓪ: ꓘꓴ ꓙ ꓔꓬ ꓡꓳ ꓐꓰ ꓢꓷ. ꓪ ꓡꓳ=

ꓗꓴꓷꓼ ꓙꓵ ꓢꓴ ꓢꓲ ꓒ ꓐꓴ ꓥ ꓟꓲ ꓕꓱ ꓡꓱ ꓫ. ꓓꓴ ꓔꓳꓹ ꓜꓳ ꓔꓬ ꓢꓴ ꓑ ꓫꓬ ꓐꓴ ꓐꓱ ꓶ ꓑ ꓡ ꓟꓬ ꓛꓲ ꓬꓰ ꓙ ꓔꓬ ꓡꓳ ꓐꓰ ꓢꓷ. ꓪ ꓡꓳ= ꓟ: ꓞꓲ ꓔꓬ ꓖꓴ ꓦꓲꓻ ꓟ: ꓙꓳ ꓗꓷ ꓡꓰ ꓢꓴ ꓐꓴ ꓔꓯ ꓥ ꓟꓲ ꓠꓱ. ꓐꓯꓼ ꓕꓲ ꓖ ꓗꓪ ꓚꓵ. ꓠꓹ ꓟ ꓬꓰ ꓙ ꓔꓬ ꓡꓳ ꓐꓰ ꓢꓷ. ꓪ ꓡꓳ=