ꓔꓲꓸꓸ ꓒ ꓪ ꓔꓲ Francis ꓐꓰ Syria ꓘꓴ-ꓜꓲ-ꓞꓳ ꓗꓪ ꓟ ꓟꓬꓱꓽ ꓟꓯ ꓢꓴ ꓐꓴ ꓡꓰ ꓟꓵꓽ ꓙꓴꓽ ꓚꓵ, ꓓꓴ ꓔꓳꓹ ꓜꓳ ꓔꓬ ꓟ Syria ꓑ ꓫꓬꓹ ꓐꓴ ꓐꓱ ꓶ ꓪꓽ ꓘꓴ ꓙ ꓟ ꓓꓳꓽ

ꓔꓲꓸꓸ ꓒ ꓪ ꓔꓲ Francis ꓐꓰ Syria ꓘꓴ-ꓜꓲ-ꓞꓳ ꓗꓪ ꓟ ꓟꓬꓱꓽ ꓟꓯ ꓢꓴ ꓐꓴ ꓡꓰ ꓟꓵꓽ ꓙꓴꓽ ꓚꓵ, ꓓꓴ ꓔꓳꓹ ꓜꓳ ꓔꓬ ꓟ Syria  ꓑ ꓫꓬꓹ ꓐꓴ ꓐꓱ ꓶ ꓪꓽ ꓘꓴ ꓙ ꓟ ꓓꓳꓽ

ꓟꓵꓽ ꓙꓴꓽ ꓚꓵꓹ ꓡ ꓟ ꓪꓴ ꓠꓬꓲ Syria ꓗꓴꓷꓼ ꓗꓪ ꓞꓳ ꓤ 1700 ꓣꓳ ꓟ ꓞꓲ ꓫꓵꓸꓹ ꓡꓰ ꓟ ꓥ ꓢꓲ꓾ ꓞꓳ ꓦꓲꓸꓹ ꓥ ꓟꓲ ꓮ ꓟꓬꓹ ꓐꓬ ꓡꓰ ꓟ ꓥ ꓡꓳ= ꓓꓳꓽ ꓕꓱ ꓟ ꓔꓯ ꓔꓲꓸꓸ ꓒ ꓪ ꓔꓲ Francis ꓑ ꓙ ꓗꓷ ꓕꓯ ꓮ ꓘꓶꓸ ꓠꓲꓹ ꓟ ꓫꓸ ꓡꓰ ꓢꓲ ꓫꓵꓸꓹ ꓡꓰ ꓢꓴ ꓐꓴ ꓬꓲ ꓪ ꓦ ꓐꓱ ꓶ ꓐꓰ ꓗꓸ ꓠꓯ ꓢꓲ ꓗꓪ ꓔꓬ ꓦꓲꓸꓹ ꓔ ꓢꓴ ꓬꓲ ꓪ ꓫꓵꓽ ꓤ ꓧꓪ ꓤ ꓐꓴ ꓐꓱ ꓶ ꓐꓰ ꓠꓲꓹ ꓟ ꓫꓸ ꓔꓬ ꓢꓴ ꓮ ꓙꓵꓽ  ꓐꓱ ꓶ ꓪꓽ ꓘꓴ ꓙ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=

 ꓔꓲꓸꓸ ꓒ ꓪ ꓔꓲ Francis ꓡꓰ ꓬꓰ ꓙ ꓢꓴ ꓐꓴ ꓠꓬ ꓠꓸꓹ ꓓꓴ ꓡꓰ ꓢꓴ ꓐꓴ ꓮ ꓙꓵꓽ ꓔꓯ ꓬꓰ ꓙ ꓠꓹ ꓟ ꓪꓴꓸ ꓠꓬꓲ ꓠꓲꓹ ꓟ ꓟꓽ ꓐꓬ ꓐꓬ ꓡꓰ ꓪꓴ-ꓢ ꓬꓲ ꓢꓯꓼ ꓪ ꓗꓪ ꓐꓰ ꓡꓯ ꓫꓵ ꓬꓰ ꓙ ꓐ ꓡ ꓠꓹ ꓟ ꓐꓱ ꓶ ꓪꓽ ꓘꓴ ꓙ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=

Syria ꓑ ꓫꓬ ꓐꓴ ꓠꓬ ꓕꓱ ꓡꓱ ꓟꓵꓽ ꓙꓴꓽ ꓚꓵꓹ ꓡ ꓟ ꓪꓴꓸ ꓠꓬꓲ ꓮ ꓘꓶꓸ ꓫꓸ ꓔꓬ ꓟ ꓥ ꓡꓳ= ꓝꓮꓲ ꓕꓲ ꓧꓪꓹ ꓕꓱ ꓡꓱ ꓟꓵꓽ ꓙꓴꓽ ꓚꓵꓹ ꓡ ꓓꓴ ꓔꓯ ꓮ ꓘꓶꓸ ꓙꓬ ꓫꓸ ꓔꓬ ꓡꓳ ꓐꓰ ꓑ ꓫꓬ ꓕꓲ ꓣꓳ ꓡꓰ ꓐꓯ ꓡꓳ ꓐꓰ ꓢꓷꓸ ꓪ ꓡꓳ= 
ꓔꓲꓸꓸ ꓒ ꓓꓸꓸ ꓕꓲ ꓣꓳ ꓥ ꓟ ꓔꓲꓸꓸ ꓒ Bahjat Karakach ꓡꓰ ꓐꓯ ꓟ ꓠꓬ ꓞꓳ ꓦꓲꓸꓹ 40 ꓦꓲꓸꓹ ꓟ ꓞꓲ ꓐꓬ ꓡꓰ ꓢꓲ꓾ ꓮ ꓟꓬꓹ ꓣꓳ ꓫꓵꓸꓹ ꓝꓮꓲ ꓟꓽ ꓧꓪ ꓟꓶ ꓢꓴ ꓥ ꓟꓲ ꓔꓬ ꓡꓳ ꓐꓰ ꓐꓯ ꓡꓳ= ꓔꓲꓸꓸ ꓒ ꓐꓴ ꓔꓬ ꓔꓶꓸ ꓗꓪ ꓥ ꓟꓲ ꓟꓵꓽ ꓙꓴꓽ ꓚꓵꓹ ꓡ ꓟ ꓪꓴꓸ ꓠꓬꓲ ꓘꓰꓹ ꓑꓬ ꓡ ꓢꓴ ꓐꓴ ꓔꓯ ꓔꓬ ꓝꓲ ꓡꓳ= ꓜ ꓓꓴ ꓓꓳꓽ ꓓꓴ ꓥ ꓟꓲ ꓕꓲ ꓠꓬꓲ ꓡꓰ ꓕꓲ ꓠꓬꓲ 1200 ꓔꓯ ꓐ ꓡ ꓟꓬ ꓛꓲ ꓖꓶ ꓤ ꓔꓬ ꓡꓳ ꓐꓰ ꓐꓯ ꓡꓳ=