ꓔꓲꓸꓸ ꓒ ꓪ ꓔꓲ Francis ꓠꓬ Laity, Family and Life for Dicastery ꓐꓱ ꓶ ꓓ ꓪꓴꓸꓟꓬꓱꓽ ꓣꓱꓽ ꓙ ꓢꓴ ꓐꓰ ꓐꓯ ꓢꓲ꓾ ꓝꓰꓹ ꓗꓷ ꓟ ꓓꓳꓽ

38 ꓘꓳꓼ ꓛꓲ ꓡꓳ ꓟ Souza ꓔꓯ ꓠꓬ ꓔꓲꓸꓸ ꓒ ꓪ ꓔꓲ Francis ꓡꓰ Laity, Family and Life for Dicastery ꓐꓱ ꓶ  ꓓ ꓪꓴꓸ ꓟꓬꓱꓽ ꓣꓱꓽ ꓙ ꓢꓴ ꓐꓰ ꓐꓯ ꓢꓲ꓾ꓢꓲ ꓝꓰꓹ ꓗꓷ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ= Souza ꓠꓬ 2022 ꓘꓳꓼ 7 ꓦ ꓟ 21 ꓗꓪ ꓕꓯ ꓬꓲ ꓐꓹ ꓐ ꓞꓲꓼ ꓟꓳꓽ ꓡꓰ ꓟ ꓪꓴꓸ ꓠꓬꓲ ꓬꓲ ꓛꓲꓺ ꓬꓰ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=

ꓬꓲꓸ ꓐꓹ ꓐ Mello ꓠꓬ 2017 ꓘꓳꓼ ꓗꓪ ꓐꓰ ꓟꓬꓱꓽ ꓬꓰ ꓙ ꓢꓴ ꓬꓰ ꓗꓷ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ= Souza ꓠꓬ ꓲꓔꓮꓡꓬ ꓗꓴꓷꓼ ꓫꓴꓸꓸ Galatina Puglia ꓗꓪ ꓙꓳˍ ꓟ Antonio Vallone ꓗꓪ ꓟ ꓘꓴ ꓜꓲꓼ ꓞꓳ ꓟꓸ ꓒ ꓕꓲ ꓣꓳ ꓥ ꓡꓳ=

ꓬꓲ ꓠꓬ ꓣꓳꓟꓰ ꓡꓳ ꓒꓱ ꓗꓪ ꓙꓳˍ ꓟ Salesian Pontifical ꓙꓵꓽ ꓪꓴꓸ ꓛꓴꓽ ꓘꓳꓹ ꓣꓴ ꓟꓶ ꓡꓰ ꓢꓲ꓾ ꓠꓱꓸ ꓐꓯ ꓮ ꓟꓬꓹ ꓫꓵꓽ ꓔꓯ ꓙꓵꓽ ꓪꓴꓸ ꓛꓴꓽ ꓪ ꓦ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ= Souza ꓠꓬ Brazil ꓗꓴꓷꓼ ꓖꓴ ꓟꓶꓸ Minas Gerais ꓗꓪ 1984 ꓘꓳꓼ 5ꓦ 14 ꓠꓬ ꓕꓯ ꓦꓵꓻ ꓔ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=